[غنوه مطلعها موال حزين]

أنت بكـام قنـاع ؟

ناس كتير اوى لم بتيجى تتعرف بناس بتسأل بعض وتقول



أنت برجك إيه ؟



فيه اللى بيقول أنا برج العقرب




وفيه اللى بيقول أنا برج الجدي

وفيه اللى بيقول أنا برج الفار





وبصراحه بقى كده أنا برج من عقلى طار





ده شغل دجالين ..... يعنى كدابين





والناس اللى بتسأل أنت برجك إيه للأسف بيكونو مصدقين





عندى سؤال حلو اوى للتعارف الجديد





إيه رأيكم نسأله لبعض عند التعارف





تعالو الأول كلنا نخلع القناع ونتكلم بإقتناع

أنت بكام قناع ؟






قبل ما أكتب الموضوع ده






سألت نفسى السؤال ده وأحتارت نفسى فى الرد عليه






تقريباً معظم الناس لابسين أقنعه بتتعامل بيها فى الحياه






وفى ناس متمكنه فى لبس الأقنعه اللى تتناسب مع كل الناس






كتير أوى بنتعرف على ناس صادقين وبعد سنين ..... نكتشف أنهم كدابين






وفى ناس بنلاقيها ملايكه وهما فى الحقيقه ..... شياطين











وفى ناس من غير ما نعرفها بنحكم عليها ونظلمها بشئ هما مش عليه






وهما فى الأصل كويسين






الأقنعه كتير وكل واحد بيلبس القناع اللى بيليق عليه






تعالو كلنا نخلع الأقنعه ونتعامل بأصلنا وبما يرضى ربنا






هو أنا بكام قناع ؟









كل واحد مننا يسأل نفسه السؤال ويشوف رده على نفسه هيكون إيه







ويشوف قناعه لايق عليه ولا إيه









أنت بكــام قنــاع ؟



بقـلم


غنوه مطلعها موال حزين