[حسين حمدى]

بقالى كتير مبكتبشى
ومش عارف كلامى لمين
كلامى لكل عشاقك
كلامى لكل أشواقك
أكلم مين واسيب انا مين
أكلمهم ؟
هكلمهم
وهحكيلهم عليكى كتير
هكلمهم عن العين الى
فى الدنيا مليها اتنين
عن الضحكة الى فتحت
الف مستشفى وللمجانين
عن القد الى خلانى
أطلق كل نسوانى
واعيش ليكى ولو ساعتين
هوريهم رموش جارحة
بتعرف تقتل الفرحة
وتخلق ألف قلب حزين
هكلمهم على غيرى
وغيرى سطر من ملايين
عن البيه الى كان قبلى
وياما فحب بتقابلى
وشرقى فغربى على قبلى
وهوما يومين
فتحتيله دراعاتك
وسجلتيه فى أوقاتك
ومن دفتر وفياتك
أخد خانتين
فى خانة الإسم والمدة
وخانه فطرنا واتغدا
غدا مسافرين

ياأكبر قادرة فى الدنيا
كفاية حرام
كفاية تبهدلى فيهم
ولا الأيتام
لأول مرة أشوف عربية
ميت استبن
والعربية ماشية تمام
؟؟؟!!!