فى البداية
الكلام ليس اساءة للناس ولكنة كترفية فقط
واتمنى
تتابعو الكلام للنهاية اوكي :Ts_011:
====================
فقرة عادي
====================
ان خالد الغندور يقول ومن انجازت المهندس اسماعيل عثمان ان جون اوتاكا خد هداف الدوري العام فى عهده ( ارسم يافنان انت ممثل بارع ) 
عادي
ان المستشار جلال ابراهيم يعلن عن عدم توقيع عقوبة على حسين ياسر دلوقتى علشان ميفسدش افراح الاخوة فى قطر ( انا جلبي جايد نار من تصريحاتك ياسيادة المستشار ) 
عادي
ان عماد محمد يهرب من الزمالك وبعد كده يخرج يقول انه مخدش فرصته ( 12 ماتش مصاب 2 ولعب 2 احتياطي وملعبش ماتش وهربان الباقي )
عادي
ان ملف قطر لتنظيم كاس العالم يظهر فيه طفل اسرائيلى وحتى ميفكروش يجيبوا طفل فلسطيني ( اكيد مصر هى الى ورا الحركة دي )
عادي
ان وزير الاسكان يبيع ارض ب 5 مليار جنيه لابن خالته ب 241 مليون جنيه بس ( ماهي الخالة والدة ياجماعة انتوا بتقولوا ايه ) 
عادى
ان ستاد برج العرب يتكلف فوق ال 250 مليون وميتلعبش عليه غير ماتش واحد
( فكر جديد )
عادي
ان عم محمود بكر يقول ان الفريق الى هياخد نقط اكتر هو فى النهاية الى هيفوز بالدوري ( ربنا يديك طولة العمر وتمتعنا ياعم بكر )
انك يوم ماتحب تنظم كاس العالم تسيب مدن مصر السياحية كلها اللى هما الغردقة وشرم الشيخ و .و الخ وتروح وتبنى الاستاد فى دمنهور وسط الزرع والترعه والفلاحين
(عادى ) خللي الاجانب يتعرفو علي طبيعه المصرى 
والغريب انك بعد ماتبنى 70% تقول , اة صح دانا نسيت
دة فى كهربا فوق هاتبقى خطر عالجمهور , يبقى احنا منكملش بناء الاستاد لانة هايبقى خطر عالجمهور بسبب الكهربا اللى فوق , واتحاد الكورة والدولة للمهندس المعمارى يلا يابنى لم العدة ويلا بينا نرجع مفيش استاد
المهندس المعمارى , الله , طب وكل اللى احنا عملناة فى الاستاد دة , دة باقى مدرج واحد
يلا ياعم حلال علي دمنهور استاد بنص كوم وانت كدة كدة فاكر نفسك بتفهم فى الهندسة المعمارية رايح تبنيلى استاد تحت الكهربا وتوافق عالمكان وجاي تقول بعد مادفعنا اكتر من 80 مليون فى بناء نص الاستاد تقوللى الكهربا خطر والمكان والمنطقة لا تصلح لبناء استاد
وييجى يقولك فلوس الدولة بتروح فين
(عادي )
:Ts_011:
====================
فقرة توقع واربح 5000 جنيه
====================
لو الإعلامي القدير الكبير الشاب اللطيف ابو دم خفيف (شلبي - شلبية - شلبينهو - شلبوفيتش )جاتله رسالة بتشكر فيه كالعادة وبتوصفه بانه افضل اختراع بعد الكهربا واسم الدلع فيها بيقوله يا شبشب او يا شبشوبي ياتري هيقولها من باب التواصل مع اصدقاءه المشاهدين ولا هيسكت ؟ 
====================
فقرة هيماويات
====================
هيما قبل الحج
هيما بعد الحج
ربنا يهيدك ياحج هيما
====================
فقرة اعلان مدفوع عالقنوات
====================
( كوسة بلدنا ) وداعا للشد والشفط والتمارين الرياضية العونيفة توكيل قلبظ
شاب سمين معقد فى حياته مكتئب وزنه واقف فى طريقه منين ما راح لا علاج نافع ولا جيم شافع فكر يعمل ايه ويروح لمين ويجي منين لف ودار وبعد ما احتار وقرب ينهار وبطنه اتهرت من القوطة والخيار
قرر خلاص يستعمل كوسة بلدنا وجربها
ودلوقتى ده شبانة
كوسة بلدنا مصرية 100%
====================
حصانة عضو مجلس الشعب
====================
شوبير بالحصانة
شوبير من غير الحصانة
ارحموا عزيز قوم ذل
====================
يارب يكون عجبكم الموضوع
واتمنى الرد من احلى اعضاء
منتديات بنات مصر
بدون ماتفتكرو ان الكلام اساءة للناس
====================