[ملك الوادى]

	أنا عايش في قناة فضائية مفضوحة مكشوفة متعرية خد من السب وكلام الحب ونصايح طب ابعد عنها أمور صحية تفسير أحلام بأي كلام سؤال أوهام أسئلة تفضل زى ما هية مذيعة تزن هتكسب رن واللى يجن تفضل ترقص مع أغنية كلام في الدين وشيوخ مساكين صارخين طايحين فى كل حلال المدنية حوار مسئول وضحك عقول ودج طبول وتختم حلقة بسقفة قوية مخرج سيما ابن لئيما فقد القيمة خد يا وديع فيلم وضيع المهم نبيع زود أكتر في التعرية خلع حجاب وغسل شباب بجمال كداب تفضل تحلم بأحلى صبية وصفوا الماتش بهز العرش ومكفتش ولعوا حريقة فى العربية وشريط شات مليان حكايات ولاد وبنات خلى ميعادنا ف الكلية وسر بيوت بعلو الصوت شوفلى ريموت وهاتلى قناة تكون حقيقية