اهلا ومرحبا بكم وحلقة جديدة من برنامجكم اجمد عضو مازال البرنامج ينفرد باللقاءات الحصريا ودا طبعا عشان خاطر الاعضاء الى بيهتمو بمشاهدة البرنامج وعشان كدا بهتم بعمل لقاءات تكون مهمة وتقربنا من الاعضاء نوعا ما عشان كدا حلقة النهاردة هتكون مهمة جدا عشان ضيفتى مميزة جدا جدا جدا هيكون معانا النهاردة العضوة العائدة الى المنتدى مرة اخرى المتألقة : رحيق الجنة اهلا بيكى 
طبعا زى ما عرفين تعالو نشوف عناوين من اللقاء رحيق الجنة : بعد رجوعى لقيت ترحيب مكنش متوقع لدرجة انى بكيت انا اتفاجئت بموضوع سما وهى كلمتنى قبلها واتناقشما لكن بدون فايدة لما اعتزرت عن الاشراف كان تقدير خاطىء مع اخذ القرار بعصبية انا فعلا طلبت الاشراف على القسم الاسلامى بسبب فشل الحفلة لم يحدث اى خلاف بينى وبين الأدارة انا بعت دعوة لــ 200 عضو ويوم الحفلة لقيت 20 فقط وحسيت انى فشلت فشل جامد انسحابى من المنتدى جية صدفة مع عضو بارز فى قسمى وعمرى ما فكرت انى اسيب المنتدى وجودى فى اجمد عضو شرف كبير وافضل مافية معاصرة الاحداث ودلوقتى تعالو نشوف الحوار الرائع س / فى البداية كل عام وانتى بخير بمناسبة حلول 2011 ؟
تلاقى الخير
وكل الدنيا بخير
س / 2010 كانت عاملة اية معاكى فى حياتك الشخصية ؟
بتمنى انى مش اقابلها مرة أخرى نهائيا
كانت صعبه جدا على المستوى الشخصى
س / وفى المنتدى كان اية اخبار 2010 معاكى ؟
قدرتاعمل انتعاشة للقسم
اتعرفت فيه على ناس كتير جدا
بعتزبيهم قوى
س / طبعا مبروك رجوعك المنتدى مرة تانية ؟
مبروك عليا انا
س / لما رجعتى لقيتى ترحيب من الاعضاء ؟
بجد ترحيب غير متوقع نهائى
كتير فرحت لدرجة انى بكيت
س / انتى لما رجعتى وبكيتى بسبب الترحيب من الاعضاء مكنتيش تعرفى انهم بيحبوكى والا كان اية سبب البكاء ؟
انا مكنتش عارفه انهم بيحبونى وانى كنت فى لحظة حخسرهم كلهم
س / سما عملتلك توبيك رائع عشان ترجعى للمنتدى ؟ كان هو دا سبب رجوعك ؟
بصراحة انا اتفاجأت بموضوع سما
هى كلمتنى قبلها وطلبت انى ارجع واتناقشنا كتير لكن من غير فايدة
لقيتها باعته لينك الموضوع على الايميل وبصراحة ردود الاعضاء وطلبهم
برجوعى اثر فيا كتير
س / البداية كانت توبيك ( القسم هيجننى ) فى قسم المشرفين ؟ وطرحتى فى التوبيك ان القسم نايم شوية ؟ معنى كدا انك حابة القسم ؟
انا مش بحب القسم انا بعشقه
انا كنت ايامها بكلم كل اللى اعرفهم فى المنتدى علشان ااقدر انشط القسم من
جديد واخليه هدف لكل اللى يدخل المنتدى
س / بعديها بفترة فى قسم المشرفين نزلتى ( اعتزر عن الاشراف ) ؟ كان اية السبب ؟
تقدير خاطئ مع اخذ القرار فى عصبيه
س / كان اية سبب عصبيتك لما طلبتى التنازل عن الاشراف ؟
مش بقولك شرير ههههههههههه
كنت تحت ضغط قوى فقدت السيرطة على نفسى
مع انى من النوع القوى الصبور
لكن غلبتنى مشاعرى
س / انتى فعلا طلبتى الاشراف على القسم الاسلامى ؟
فعلا طلبت كده
س / لما انتى بتعشقى القسم كان اية سبب طلبك الاشراف على القسم الاسلامى ؟
لانى كنت بعد فشل الحفلة يأست من الاستمرار فى القسم فطلبت نقلى للقسم الاسلامى
س / انا سمعت ان سبب خروجك من المنتدى الخلاف مع الادارة ؟ كان اية سببة ؟
لم يحدث اى خلاف بينى وبين الأدارة
كان سوء فهم منى وتم معالجته سريعا
س / حفلة التكريم الى عملتيها فى القسم نجحت والا لا ؟
كنت بتمنى تنجح
كفايه ان الحفله الاولى نجحت
س / الحفلة الاولى نجحت اكيد بس دى كانت الحفلة الرئيسية ؟
فعلا بس الحفله دى فشلت يمكن لعدم تواجد الدعاية الكافيه يومها
بمكن اخطأت لما بعت الدعوة قبلها يكام يوم لانها مش دعوة فرح
الحفله اللى جاية
س / ماتعملهاش دعاية لية فى الصفحة الرئيسية اول لما نزلت ؟
هههههههههههه
س / بجد الحفلة ماتعملهاش دعاية لية اول لما نزلت ؟ ماتضحكيش جوبى ههههههههه ؟
هههههههههههههههههههه
بعت رساله لطارق بس مش وصل معناها فبالتالى مش نزل الاعلان بتاعها
س / تقريبا البنر مانزلت الا بعد 3 ايام ؟ وتقريبا لسة موجود لدلوقتى ههههههه ؟
الحمد لله
ههههههههه
س / صحيح كان دا من اسباب خروجك من المنتدى ؟ بصراحة ؟
دى كان احد اسباب خروجى
تعتقد لما ابعت دعوات للحفله ل 200 عضو والاقى ان 20 بس الموجودين
ومنهم المقيمين على الحفله
الأغرب هو ان المكرمين نفسهم لم يتواجدوا
احساس بالفشل كان قوى عليا
س / فشل الحفلة واحباطك كان بسببهم خروجك من المنتدى والتوجة لمكان اخر ؟
كان احد اسباب خروجى احساسى بالفشل وعدم رؤيه نتيجة تعبى
لكنى لم اتوجه الى مكان آخر
س / انسحابك جية بعد خروج عضو بارز فى قسمك كان صدفة والا كان لية سبب ؟
كان صدفه لانى عمرى ما فكرت انى اسيب المنتدى
س / مين اكثر عضو اهتم برجوعك للمنتدى ؟ واية السبب ؟
كانت سما واسماء اكتر الناس اللى اهتمت برجوعى المنتدى
وانا عارفه ان فيه ناس تانيه كتير كانت مهتمه بس مش قدرت توصل لى
س / مش غريبة ان موضوع ( تحاور الاقلام ) تستضيفى فية 3 اعضاء ؟ والا هيبقى كدا الفترة القادمة ؟
اسمه تحاور اقلام وليس قلمين ههههههه
ليست المرة الاولى
فقد تم عمله قبل ذلك
س / انتى معاكى مشرفة ومراقب فى القسم ازاى يبقى القسم مش شغال ؟
بسبب انشغالهم ربنا يعينهم
انا موجودة فى القسم بحاول انى اجد الافكار واراقب المواضيع
القسم فى شهر 10 /2010 كانت عدد امواضيع فى الشهر حوالى 11 موضوع
فى شهر 11/2010 كان متوسط عدد المواضيع فى الاسبوع 15 موضوع
اكيد القسم اتغير
س / انتى حاسة انك الوحيدة الى خايفة على القسم ؟ بدليل اهتمامك بية وطرح موضوع فى قسم المشرفين بسبب خمول القسم ؟
دى مسؤوليتى ولانى من طبيعتى ان ارى المكان اللى بتواجد فيه مسؤوله لابد من
ان يكون متميز بل وافضل المتميزين
س / كلامك عن القسم بيدل على انك شغالة فية لوحدك ؟
انت شايف ايه؟
وده مش اتهام لباقى المشرفين فى القسم
لانهم لديهم ظروف فكل منا له وقت
س / عشقك للقسم كان المفروض يخليكى تتفقى مع المشرفين الى معاكى عشان تشوفو حل لخمول القسم ؟ محصلش دا لية بينكم ؟
مين قال ان فيه اختلاف بينى وبين مشرفين القسم
مشرفين القسم فيه ظروف مؤقته تمنعهم من التواجد
هما كانوا موجودين قبلى واكيد كان ليهم الشغل المميز فى القسم
س / بعد العودة تقولى اية لمنتدى بنات مصر ؟
اعتذر عن غيابى
افتقد جميع اركانه
اتمنى ان اصل فيه الى ما اتمناه
س / انتى شايفة ان كان لازم تبقى موجودة فى اجمد عضو ؟ عشان الاعضاء يعرفو الى حصل ؟
وجودى فى اجمد عضو شرف ليا كبير
بالنسبه علشان الاعضاء يعرفوا ايه اللى حصل ده شئ قد يهتم بيه البعض
وقد يتجاهله البعض الاخر
س / اجمد عضو اختلف المرة دى عن المرة الى فاتت الى استضفتك فيها ؟ والا مش واخدة بالك ؟
اختلف كتير
افضل ما فيه هو معاصرة الاحداث
ففى لقائنا الاول كان التعرف على الشخصيه
اللقاء الثانى عن احداث
فى انتظار باقى لقاءاتك
هههههه
س / انتى اية منتظرة وجودك تانى فى اجمد عضو خير يعنى هيحصل اية منك تانى يتطلب ظهورك فية ههههههههه ؟
محدش عارف هههههههههههههه
س / قبلتى الدعوة لية لتانى مرة وظهورك فى اجمد عضو ؟
لانى لا اررفض لك طلبا
ثانيا اردت ان اعود الى جميع اخوانى واخواتى هنا لاراهم من جديد
من خلال برنامجك الرائع
بكدا تنتهى حلقتنا النهاردة اتمنى انها تكون وضحت اسباب انسحاب رحيق من المنتدى واسباب عودتها مرة اخرى انتظرونى وحلقة جديدة حصريا جدا تحياتى morshooo ملحوظة : الحلقة القادمة مع ضيف جامد جدا