تحيه من قلبى لكل من شارك فى ثورة 25 يناير
ولكل من قام بحملة التغيير ولكل الشهداء
تحية من مواطن مصر بيحب بلده أكثر من نفسه
كلماتى بقلمى ومن قلبى لكل النظام
ولا خوف بعد الآن ولا هزيمة
اتمنى من اى شخص ينقلها أو ينسخها
فقط يكت عليها
بقلم البرنس رامى وشكراا
وبداية دول شهداء الثورة 
ليـــّة دَايماً نقوُل
طنـــــــش تعيــــــش !!
ليه داَيماً بنِحلمْ ببُكرةَ جِديدّ
وخير بَلدىِ بُكرة يفيضْ ويزيدّ
رجعناَ لعَصر الطاَبوُر مِن جِِديد
وكُله تمَام وزىِ الحَديدّ
بنبكى ونضحَك فِى نَفس الأوَانْ
عيشتناَ هنية بفضل الكِبير
كبيرناَ وعَائلنَاَ وحَامِى الديَار
وكُلة مبَاح وكُله صَريح
لافيه غش أبداً
ولافية خِداَع
سِياَدُتة تَمَلى
يقوُل الخِطاَب >> يَاريته مَاقال
صَريح مِن زمااااَاَااَاََااَاَن نِسيت التَاريِخ
نِسيت مِنْ أمِتى مَعاَه الزمَام
لكنة صَريِح !!
وكَلامة يغيظ
وداَيماً يغُمّ النفّس بِصراَحتُة
وعُمرة مَامرة خَطب بتفائُل
لهُ طَلعه تشوفهَا تقول يَاجَمَالُو
دِى بَلدى جَميلة
لكنة مصّر يمغَص عيشتناَ
مصيرنا خلاَص مَانِعرف لِفين
وإية اللِى حَاصل لنَا فِى البَلد
زيَادة يومَاتى فِى أسعَار السِلع
لافيه رقَابه ولا رئيس وزارة
ولاَ مسؤول كمان يبين كرامة
دَه حَتى المُرتب بيكفى ليُومين
رِجِعنَا لزمّن بِطاقة التموُين
ولسة يَامَا هنشوف الِلى جَاى
دَه لو أصلاَ جة علينا نِهَار
ليه طَنش تعِيشْ
وجُواك ياراَجل مَهواش نظيف
كفايه عَليهم نظَافة جيوبناَ
مَاهو الناَس يَاعِينى غلاَبة صَحيح
ولاَ حَد حَاسس ولاَ حَتى شَايف
وكُلة جبَان وكُلة ضَعيف
وخَايف يقضيهَا هنَاك فِى اللومَان
ويُنفاَ ولاَ حَد يِعرَف مَكَانة
مَاهو الجُبن سَيد حُكومة سيَادُتة
لأمِتى يانَاس هَنفضل فِى خُوف
عِظامنَا مِنْ الحَسرة جَالها هَشاشَه
قلوبنَا مِنْ الغَم صَبحت مَريضَة
ليّه طنش تِعيش وأحنَا رجَال
تَحملنَا كُل الصِعَاب كالجبَال
لاَبد نُصرخ وصُوتنا يِلالى
ونُصرخ كَمان بَأعلى صُوتنا
نقول للِى مسُؤول كَفاية حرااَاااَااَاام
دَه شَعب مَحبة وشَعب سَلام
لأمِتى هنُسكت يَاعالم حراَاَاَم
تَعالو نِحَطم جِداَاااَر السُكات
تَعالو نقول للِى ظَالم حَرَام
وأرحَل يانرحَل وأحِنا كِراَم
دَه شَعبك مِخزنْ فِى قلَبة تمَام
ونفسُة يقُولك يَاريس حرااَااَاااَاام
بقالنَا كِتير فِى إنتظار الفَرج
لَكن فَرج شَكلُه تَوفىَ زماااااَااَاااَنْ
دَه حَتى يَاريس كَلامَك غَريب
دَه عمُرك ياَراَجل مَاقلت هَتتفرج
ودَايمَا فى أزمَة ونقَص فِى مُواد
وأصبحنا نِشحت بَفضل سِيَادتَك
كِفاية عَلينَا إنْ حِسك معَانَا
مَانشحت ومَالوُ مَاهى النهَاية
شَِحاتنا وسِكوتنَا عَلى اللَِى بيحصَل
رِجعنا لعَصر مَانعرف نهَايته
ولكنْ لنَا ربّ إسمُه الكَريم
وحَاسس بضِيقنَا
وتَانى بَقولك مَاترحَل حراَااَام
شبابنا هيفضل مرابض
فى ميدان الشهدااء
لحد ماترحل
أصحى يامصرى اصحى لبلدك
احسن تضيع من ايديك
بقلم البرنّس راَمى
4 / 1 / 2011