أولا آسفـة على التأخير..
هو فعلا طارق كان عمل موضوع ونبه
على الموضوع ده ..
أنا مش معاها ولاضدها الخاصية ده لكن كل شيء
لما بيزيد عن حده بيتقلب ضده وكمان الموضوع المميز بيفرض نفسه
بس ممكن يكون مش بيفرق اوي معاك لكن بتفرق مع حد تاني او بتشد الاعضاء
مع ان التلوين لما بيكتر بيشوه منظر القسم..،
انا عن نفسي لحد دلوقتي مااستخدمتش الخاصية ده ولامرة
هي ممكن تكون بتلفت النظر فعلا بس لما العضو
يلاقي المواضيع كلها اتلونت اكيد هيختار على حسب العنوان
وكده تحس انها فقدت ميزتها أصلاً..،
انا عندي اقتراح انها تبقى في ايد المراقبين عشان محدش
يقول ان المشرف بيميز مواضيعه يعني المراقب
لو شاف انه موضوع يستاهل يلونه سواء بقى كان من المشرف او غيره
ولو المشرف حب ان موضوعه يتلون ممكن يقول للمراقب ساعتها
او في اقتراح تاني ان في كل قسم يتعمل استفتاء عن الموضوع المميز
كل اسبوع مثلا والموضوع اللي يفوز هو اللي يتلون
كده ممكن الحكاية تتنظم نوعا ما..،
شكرا ليك يامحمد على اهتمامك بالمنتدى
وبالتوفيق للجميع
.،