[بحرولكن]

حكيلي ياطير شي حكايي عن ضيعتنا عن ها التنور وحطباتو عن عجنتنا حكيلي ياطير عن هاك الشجرة عليها نحتنا قصتنا عن هاك الدرب عليه كانت مشيتنا حكيلي ياطير عن هاك الجرد وصخراتو عن هاك النبع ومياتو خبرني بلّله حكاياتو حكيلي ياطير عن شجر الغار وورقاتو وهاك البستان وشجراتو كنّا نتفيّا بفياتو حكيلي ياطير عن حرش ال فيه تصيدنا وبعتم الليل تأخرنا حكيلي ياطير عن سهرات الليالي عن راحت فكري وبالي يابستاني ياغالي يوم ال غنيت موالي حكيلي ياطير عن هاك الخمونة حكيلي عن موقد حطب واركيلي عن ريحت ترابو احكيلي حكيلي ياطير عن محبوبة قلبي عمري ورفيقة دربي حكيلي ياطير عن مكان تمشورنا يوم تأخرنا برجعتنا والنجم تخبآ بدمعتنا حكيلي ياطير عن ستي وعكازتها يوم ال نزلت دمعتها طلبت من ربي دعوتها ينوّر دربي ببركتها حكيلي ياطير عن كل الضيعة وحبابا عن سكانا وصحابا قلبي دايب ع غيابا دايب ياطير رد الطير عليي وقلّي علّي فوق جبالا علّي هااك الضيعة ياأبن العز زاريتك بوقت تصلّي رد الطير عليي وقلي جرد ال كنت فيه تصطاد بعدو شامخ بالمرصاد بيركع في يوم الهلّى رد الطير عليي وقلي بتزكر هااك البستان وع حدودو شجر الرمان حكايات فلاني وفلان وشريطة ربطوها العرسان بالهوا عم بتعلّي رد الطير عليي وقلي نبع ال كان براس الجرد نشفت من البكي دموعو والشجر ال كان بهاك الارض حزنت عالبعد ضلوعو رد الطير عليي وقلي طريق اللي تحت الوادي كبرو عليه كل ولادي وطارو وعلو وانت بعيد والغربة صارت عادي رد الطير عليي وقلي بتزكر هاك الزوادي فيها غدوت هالفلاح وفيها ريحة ضيعتنا قهرت كل الاعادي رد الطير عليي وقلي بتزكر صحن السلبين والسلق ولحمة بعجين بتزكر ستك لما تسلّق وباركلا رب التكوين رد الطير عليي وقلي والعنب وشجار التين والصبّار والعليق كواهون ولله الحنين رد الطير عليي وقلّي هالضيعة كلها صمود وبالموال عم بتجوود مهما غبت يامحبوب رح ترجع لحضن الوادي وطار الطير عني وراح ودمعة بعينو مامرتاح وقلي وهو طاير ع هالضيعة بلله ارجاع راح الطير ولله راح