بسم الله الرحمن الرحيم
دائما بشوف السادات هو اعظم من حكم مصر ودائما كنت احب اشوف الخطابات الى كان بيقولها
كنت بدخل على اليوتيوب واشاهد الحاجات دى واحملها وعايز اقول حاجا ان السادات كان بيتوقع
حاجات كتير جدا وفعلا اثبت ان توقعاتة كلها صحيحة ومنها مقولتة الشهيرة ( الولد المجنون بتاع ليبيا )
واعتقد ان الوحيد فى العالم الى كان عارف جنون القزافى سواء جنون السلطة او جنون العظمة او حتى الجنون العادى
فتحية لهذا الرئيس الغالى السادات الى مازلت احترمة وهفضل احترمة طول عمرى لانة بيثبت انة كان رجل صاحب نظرة
صائبة وصاحب عقل كبير جدا
كل يومين يظهر القزافى فى خطاب جديد مضحك جدا الغريب بقى انة توعد شعبة بالدمار وقالهم بعد كل الى حصل
انة لم يستخدم العنف حتى الان انا مش عارف اومال لو استخدمة هيحصل اية المضحك ايضا عندما خرج علينا
فى خطابة الاول لما كان فى منزلة القديم عندما تحدث بشكل عشوائى محدش كان فاهم حاجا شوية يكلم عن
الشرق وشوية عن الغرب وكل شوية يقولهم اين كنتم اين كنتم ويفكرهم بالثورة الى كان بطلها ياعم القزافى انتا
عملت الثورة دى من 43 عام يعنى الشباب الى طلع دلوقتى كانو اهليهم لسة مفكروش اصلا يجبوهم هههههههه
الولد المجنون اطلق على نفسة ( ملك ملوك افريقيا ) دا لقب كدا اطلقة على نفسة ودا انا شايف انة من الجنون
وكمان ظهورة بـ 100 زى والوان غريبة جدا اعتقد انة ايضا من الجنون .
اتهامة لشعبة انة مخدر وغائب عن الوعى ايضا من الجنون .
قرارة بظهور الطائرات وضرب المتظاهرين اعتقد انة قمة الجنون ايضا .
بصراحة الواحد مايقدرش يكلم على الوضع فى ليبيا لانة صعب جدا جدا جدا .
من كام يوم دخلت صديقة اعرفها من ليبيا وسئلتها على الميل
عاملين اية مع القزافى ردت عليا وقالت
دا بيدبحنا وسكتت اعتقد ان كان لازم اقطع الحديث معاها بعد كلمتها دى
ان شاء الله الثورة تنجح وليبيا تبقى فى أمان باذن الله