همسات تتبعها اهات وتنشدها صرخات وكانها لحظات حساب شخصى
...............
فقط انت تقرا كلمات وها انت تتركها دون احساس ولكن مااكتبه هو احساس شخصى
فلا اكتب سوى ما يريحنى
......................
هتكلم باللى جوايا من غير تاليف ولا كلام مترتب لانى عاوز افضفض فى الاوراق دى
بيحصل مواقف كتير للواحد مننا تحسسه انه ضعيف اوى انه محتاج ناس جمبه
بيحصل اننا نلاقى نفسنا فى دوامه لا عرفن نخرج منها ولا عارفين نتكيف معاها ونعيش فيها
حاسس انى اتخنقت من كــــــــــــــــــــل حاجه حتى من المنتدى ومن النت ومن الناس كلها
ليه يا محمد انت مخنوق كدا مكنش ده حالى ولا كانت دى ملامحى
اتغيرت بقيت حزين وقرفان ومخنوق
اتسالت السؤال ده كتير بس للاسف مكنتش برد لانى كنت مفكر انها فتره وهتعدى
بس مش راديه تعدى ..............
بضحك واهزر واخرج وبان للناس انى مالك الارض ومافيها ومبسوووط
بس لما اقعد مع محمد بلاقيه شايل بلاوى وبيتخنق من كل حاجه وبيهرب
اجرى على السرير عشان انام ... وبنام واصحا افتكر ان الدنيا هتبقا احسن بقا
وبقابل حاجات تخلينى اكره الدنيا اكتير .......
نفسى ارجع طفل العب فى الشارع واجى تعبان من اللعب انام
مش انام من انى مش قادر حاسس بهبوط من التفكير فى حالى
فى ناس هتقول كفايه بقا تعيشوا فى الدور وتعملوا مكتابين
نفسى اكون بعيش فى الدور ده لان على الاقل هعيشه وبمجرد انى اسيبهم هرجع مبسوط
مش هفضل كدا مخنوق
ياترى الخنقه دى ليه وهتفضل لحد امتى مش محتاج غير بس شويه صفاء
عاوز اتعامل مع ناس تعرف ربنا وتخاف منه
نفسى اضحك بقا من قلبى .. لانه مات وزهق من الناس وقرفهم
اخى على اللى يعامل حد وحش اللى ينافق ويجرح
بدات احس انى بتمنى الموت فى الوقت اللى بقول لغير استغفر ربنا
بكره هتتعدل
الحمد لله على كل حال
وهقولها لنفسى
بكرا تتعدل
حاسس انى ارتحت شويا
استغفر الله العظيم