 منذ /03-07-2011, 09:04 PM
|
#1 |
| رغـــ ــبــ ــة
عذار ماكتبه واقع عايشته
وليس احلاما وخرافات
مع تقديرى لكل الاراء
رغبة
ضايعة وهى دى حياتك
عايشة ترضى رغباتك
وفى كل حاجة انتى حرة
ولا مرة
ندمتى على اللى فاتك
بقى شكلك مش مقبول
فى كده لاء مش معقول
دى الناس بتقوم وتنام
وانتى نايمة على طول
لا قابلة اى نصيحة
ولا حتى عايشة صريحة
عايشة بالف جرح
ومش بتحبى تبانى جريحة
واهى رغبة جواكى
حتى مش عارفة انتى عايزة ايه
وايه اللى خلاكى
تبقى كده وتوصلى للى انتى فيه
دانتى الكلام معاكى حرام
واللى ينصح زى اللى يجرح
واللى يدواى يلاقى الام
وازاى قلبك بالجرح يفرح
ولا حاجة فارق معاكى
تايهة ليه جواكى
انتى بتحبى مين
ولا اصلا فين هواكى
والدنيا اللى عايشاها
وعاملة انك فاهماها
وفاكرة ان انتى صح
اوهام بتجرى وراها
وهيجى يوم وافكرك
لما جرحك يكسرك
وتعيشى كده من غير احساس
ياشايفة الدنيا بمرايتك
هتبكى وهيا دى نهايتك
ياصغيرة فى عيون كل الناس
|
|
|  |