| بنــات مصــر أبداع وتميــز } ~~ هزورة ,, دعــاء
  السلام عليكـم ورحمــة الله وبركــاتة  من هنا ومن قناة بنات مصر العالميه نطل عليكم بإطلالة أخرى واستكمالا لمسيرتنا بالأكاديميه وحوارا جديدا وشيق مع المراقبة المتميزة دائمـا حياتـى ذكـريـات وحلقتنا بعنوان بنات مصر أبداع وتميز ^^ نستقبل أتصالاتكمـ ع الرقمـ 0000000001 ^^  أولا هزورة : ألف مبروكـ ياقمـرع الترقيه ومن تقدم لتقدم أن شــاء الله ,,^^ دعــاء : الله يبآرك فيكي يآ نور ,, ربنآ يخليكي عقبآلك ان شآء الله هزورة : أن شاء الله بعد عمرا طويل ^^ هزورة : نتعـرف ع ضيفتنـا الجميلة من أنتمـ ^^ دعــاء : ههههههههه مآشي يآ حضرة العقيد ^_^ نبدأ الأسم : دعآء العمـر: 17 سنة الجنسيـة : مصرية السيرة الذاتية : انسآنة متوآضعه ،، بميل للهدوء غآلبآ ،، ممكن تلآقيني بهزر كتير في اوقآت اللي تنآسب كده بس وقت الجد شخصيتي تختلف تمآمآ اجتماعية بحب اتكلم مع غيري ،، وباخد على الناس بسرعه الأهتمــــــام : بحب القرآءة والكتابه ،، بحب اتعرف على عادات القدماء هزورة ,, بعــد ماأتعرفنــا ع ضيفتنــا بنسألها كام سؤال يخص الترقيه اللى حصلت عليهـ والتغيرات اللى حصلت بالمنتدى هزورة : دعــاء كان أيه أحساسكـ لما عرفتى أنكـ أترقيتى ؟؟ دعــاء : احساس ممتزج بين فرح بتقدير الجهود وبين حمل مسؤلية أكبر هزورة : دوملكـ الفرح ياجميل فعلا يادعــاء مسؤليتكـ ذادت هزورة : هل فكرتى فى أى نشاط جديد من بعد الترقية ؟؟ دعــاء : النشاطات الغالبة اللي في بالي الحرص على اني اكون قد المسؤلية الموكلة ليآ ،، يعني اني اساعد في تطوير المنتدى ،، واننا نرتقي بيه اكتر من كده ،، هزورة : وجهت نظركـ سليمة 100% فعلا النشاطات اللى لابد من عملها هى تفكيرنا فى الأرتقاء بمنتدانا ,, هزورة : أكيد بعد الترقيه هتبقى المسؤلية أكبر فامن وجهة نظركـ هى فعلا كبيرة ؟؟ دعــاء : اكيد انتي لما يكون عندك قسم واحد بتهتمي بيه بتكون مسؤلية فلما يكون عندك عده اقسام ساعتها بتكون المسؤلية الضعف لكن في ظل وجود طاقم اداره متميز العبء بيكون متقاسم هزورة : فعلا المسؤلية ذادت عليكى بس فعلا مع وجود طاقم أدارة متميز وجاد المسؤلية هتكون متقاسمة زى مازكرتى هزورة : أيــه رئيكـ فى التغير اللى حصل بالمنتدى كـاأستايل يعنى ؟؟ دعــاء : استآيل هآدي جدآ واللون كتير حلو عجبني أوي ،، وبحد ذاته التغيير بيكسر الروتين هزورة : فعلا أستايل جميل وكويس اللون عجبكـ هو فعلا عجب الجميع ونقدر نقول علية تغير يكسر الروتين فعلا هزورة : أيه رئيكـ فى الترقيات من وجهة نظركـ فى حـد مش يستاهل الترقيه ؟؟ دعــاء : اغلب اللي اخدو الترقيآت مشهود ليهم بالكفآءه وعلى مستوى عآلي من الجهود في أقسآمهم والمنتدى من وجهه نظري يستآهلو لانهم بيتعبو في شغلهم ويقدرو يتحملو مسؤلية اكبر هزورة : وجهة نظركـ صحيحة جدا فعلا اللى حصلهم ترقيات يستاهلوا بجد بحق وقدر مجهوداتهم هزورة : فـى حــد من وجهة نظركـ كــان يستاهل الترقية ومحصلش أنه أترقى ؟؟ دعــاء : هي الاداره ممكن اللي تحددلك مين يستاهل والعكس لانها على دراية بكل الطاقم اللي عندها هزورة : ممممم ماشى وجهت نظركـ سليمة  هزورة ,, ودلوقتى فقرتنا بأسم {عنوان وتعليق} بمعنــى أنى هجيب لضيفتنـا 10 عناوين تشد من قسم النقاش وهى تعلق عليهم مجرد تعليق موش وجهة نظر نبداء هزورة ,, نقاش للمثقفين ......عن البوظه فى الثوره والشطه والليمون للعضو (نوررر) دعـــاء ,, تعليقي عليه وعلى تسآؤلاته ان الشعب عايزين يثبتو مطالبهم والغالب بينزل كل جمعه لان الكل بيكون متجمع وفرصة بيعملوها علشان يفكرو المسؤلين انهم لسه مصرّيين على المطالب اللي طالبو بيها لكن ما اتنفذتش لكن انا شايفة ان احنا محتاجين حاجتين في الفترة دي الصبر والرضا باللي اتحقق هزورة ,, فعلا ناقشنا وبشكل كويس لازم نتحلى بالصبر زى مازكرتى علشان نقدر نحقق ولو جزاء من مطالبنا هزورة ,, هل تريدها محترمه ولا من غير هدوم؟؟؟؟ للعضو ( شاعر وأسير الحب) دعــاء ,, هو وضح الراي من الناحييتين قال ان الشباب بيخاوفو من البنت المتدينة لانها ربما ما بتملكش انوثة !! والبنت بتخاف من الشاب الملتحي لانها بتعتقد انه معقد !! لو عايزة السبب الرئيسي في ده كله والمعتقدات دي فهتلاقيه من الاعلام الفاسد ،، بيصورلك الاسلام بطريقة تجعل غيرك ينفر منه هزورة ,, الأعلام فعلا شوه صورة الأسلام خلى كل حاجة بمعتقدات الناس أن الأسلام معقدة وطبعا لاجدال فى الأسلام لأنة أجمل الأديان وأنقائها هزورة ,, لو سمحت . اجعل زوجتك ترقص لنا!! للعضو ( شاعروأسير الحب) دعــاء ,, بصي انا شرحت وجهه نظري ان دي عادات وتقاليد ومتعارف عليها صعب انك تجيبي عروسة في ليلة فرحها وتخليها تعد في كرسيها بدون ما ترقص وتتبسط مع صحبآتها وهما حواليها ما فيش مانع ما دام صحباتها محوطينها عن عيون الشباب وعريسها مثلا في حته بعيده شوية مع صحابه بيتبسط معاهم دي فرحة اعتدنا نشوفها في الافراح ،، الغلط على العريس اللي يخلي مراته تشيل الحجاب وتلبس فستان عاري ويخليها ترقص عادي قدام اصحابه وهو فرحان بكده هزورة ,, أنا لما شوفت الموضوع مكنتش معاة فى وجهة نظرة خالص لأن من حق العروسة تفرح بردوا بس فى حدودو الأحترام طبعا هزورة ,, البنات وكدبهم على النت ههههههههههه مسخرة للعضو( شاعر وأسير الحب) دعــاء ,, قاعده التعميم مش محببه عموما لكن ممكن تلاقي بنت بتكدب على النت وبنت تانية زي ما هي في الواقع نفس شخصيتها على النت مش بتختلف هزورة ,, اللى شدنى وقولت لازم أجيبة التعميم اللى هو عاملة البنات مش كلهم فئة واحدة كل بنت تختلف عن التانية لاكن هو فضل التعميم هزورة ,, ليه معظم البنات خاينه للعضو(ozy دعــاء,, نفس الكلام اللي فوق ما ينفعش نعمم على كل البنات بصفة الخيآنة فيه بنات كتير صفة الوفاء من طبعهم ما ينفعش نظلم حد معانا هزورة ,, وأنا كمان نفس الكلام اللى فوق ^^ هزورة ,, فضيحه بنت من منتدى بنات مصر بالصور للعضو (مــان مصر ) دعــاء ,, هو المحتوى كويس والغرض منه برده ،، لانه بيدعي للمشاركة مش للقراءة فقط وبيدعو لترك السلبية والانسياق للامور الجاده هزورة ,, وجهة نظرة سليمة جدا بس أنا مش معاة فى العنوان غريب حبة هزورة,, الشاطرة تغزل برجل حماره للعضوة (حكايات مصريه) دعــاء ,, الحاجه ام الاختراع الواحد في عز ما بيحتاج حاجه ومش عارف يوصلها لاي سبب كان ممكن يطلع حلول من تحت الارض ،، والست فكرت لحد ما لقت حل في ظل الازمة لغلاء الاسعار ،، هزورة ,, التدبير حاجة جميلة توصل ليها الأأنسان لتغطية متطلباتة وجهة نظركـ صحيحة هزورة ,, مافي بنت محترمه؟؟؟؟؟؟؟ للعضوة (غزاوية وأفتخر) دعــاء ,, راي الشاب اللي في الموضوع استفزني شوية او تقدري تقولي بين ليا وجهه النظر السلبية جدا منه البنت محترمه في أي حته والاحترام مش مقتصر على الوقت ولا على دخول النت من بعد الساعه 12 بليل المحترمة محترمة في أي حته وفي أي وقت هزورة ,, فعلا وجهات نظرهم خاطئة جدا البنت المحترمة محترمة فى أى حين هزورة ,, شاب تزوج فتاه وكتشف انا ليس عذراء للعضو (ولد السعودية كول) دعــاء ,, هو تصرف الشاب نبيل وصعب انك تلاقي زي ده كتير ،، رجاحه عقل زي ما ذكر وحلو انك تلاقي شباب زي كده متفهم وبيقبل العفو هزورة ,, وجهة نظركـ سليمة يادعــاء هزورة ,, كنت حبيع الاسلام ب 20 بنسا للعضو (magnona bs hanoa دعــاء ,, ممكن نقول اننا اتعلمنا من الموقف ده ان ابسط الاشياء في الاسلام ممكن تغير حياة انسان بأكلمه الاستهانة بشيء بسيط بحد ذاته ممكن يقلب على عواقب وخيمة والنار من مستصغر الشرر هزورة ,, لاجدال فى ذالكـ وجهة نظركـ صحيحة جدا هزورة ,, دلوقتى فقراتنا بعنوان {عبــارة ورئى} بمعنى هطرح عليكى يادعــاء عدة عبارات وعليكى تبدى برئيكـ فيهم دعــاء,, مآشي يآ نور علم كده نبداء هزورة ,, يقول غاندي" التسامح من صفات الأقوياء" دعــاء ,, كلامه مضبوط لان مش الكل بيرضى يسآمح ومش الكل بيبقى عنده الصفة دي ،، ناس بتعتبرهآ من ضمن مسآلة الكرآمة ،، او ان اللي بيسامح شخصيته ضعيفة ،، لكن اللي بيسامح شخصيته مميزة هزورة ,, التسامح يادعاء فعلا حاجة جميلة ولاكن زى ماذكرتى بعض الناس يعتقدونة ضعف أو عدم أيجاد كرمة لديهم هزورة ,, يقول" برتر أندرسل" ان الانسان يشعر بالهدوء في مواقف الخوف عندما يتخيل أسوأ ما يمكن ان يحدث و يقنع نفسه بأن حياته لن تنتهي دعــاء ,, صح ،، انتي لو كنتي خايفة هتقنعي نفسك بالنجآه مثلا !! الهدوء ممكن يخفف من خوفك او يخفف من المواقف السيئة اللي انتي متخيلآهآ ممكن تحصل ،، هزورة ,, أقول أيه أنا طيب ^^ هزورة ,, يقول" ألبرت أينشتين"," إن الانسان الذي ينظر الي حياته علي انها عديمة المعني ليس تعيسا فحسب بل يكاد يكون غير صالح للحياة دعــاء ,, قيمتك في الحيآة بتقاس على اللي انتجتيه من فترة ولادتك لحد فترة وفاتك ،، لو فكرتي ان حياتك غير مفيده لغيرك او لمجتمعك وما حاولتيش ترفعي من شآنك مش هيبقى ليكي قيمة في حيآتك ،، هزورة ,, مممم وجهة نظركـ سليمة هزورة ,, يقول"" ألن سترايك "" لاتقارن نفسك مع أي شخص في العالم , ان فعلت ذلك فانك تهين نفسكـ دعــاء ,, مبدآ المقارنة مع الغير من اساسه خآطئ ليه اقارن نفسي بغيري ويمكن يكون عندي انا مبادئ احسن منه !! هزورة ,, وفى حد ذاته كمان يادعاء بيسبب تعقدات بمعنى واحد فقير يقارن نفسة باأنسان غنى عمرة ماهيوصل لنقتة أرتقاء فى حياتة علشان بص لفوق بالأول ومش أتبع خطوات حياتة واحدة تلو الاخرى هزورة ,, يقول ""بونني بلير"" الفوز لا يعني دائما أنك الأول, ولكنه يعني أنك أفضل من قبل دعــاء,, جميل ،، عبآرة حستهآ بيوجهها علشآن ما تغتريش بالفوز او بنفسك لمآ تنجحي ،، لكن تفتكري ان بدايتك كانت ايه وبقيتي فين !! هزورة ,, وجهة نظركـ سليمة هزورة ,, دلوقتى فقرتنـا هتبقى عبارة عن نقاش
بمعنى أنى هطرح عليكى يادعــاء قضية وأنتى عليكى تبدى برئيكـ فيهــا
دعــاء,, أوكى يانوروصلت أتفضلــى هزورة ,, فـى أيامنـا هذة نرى العجائب ومنها الأنجلش المعرب ياخيبتاه كثر في الاونه الاخيره الكتابه بمى يسمى بلغة النت او الانجلش المعرب وتكون عن طريق تغير فى الحروف بالأرقام ونطق الكلمات نفس نطقها بالعربى موضوعى هنا بقـا,, أيه رئيكـ فى اللغة دى يادعــاء ؟؟ دعــــاء ,, اللغة دي انا اعرف بدايتها لما كانو العرب في بلاد الغرب ولما بيجو لبلادهم العربية مش بيعرفو يكتبو عربي كويس فالبعض منهم ابتكر الفكرة دي وانشأها وبعدين احنا بقينا نستعملها ولو شفتي في مصر هتلاقي المصريين اللي عايشين في دول اوروبا مش بيتكلمو غير بيها ،، وكلام كتير اتقال عن كيفية انشآئهآ لكن دآ المندرج المعروف عند الغالب رايي فيها انها بتقلل من شان اللغة العربية كتير" هزورة ,, أنسياقنا وراء التقليد دة هيرجعنا للوراء لية مش نستعمل لغتنا اللغة العربيه دى لغة القرآن وأصعب لغة كمان عيبنا أننا بنقول اللى يعرف أنجلش فقيق أحنا لو شوفتى كام فى المية من العرب هتلاقيم أكثر من 90 % بيعرف أنجلش تيجى بقى للأجانب مايعرفوش يتكلمى اللغة العربيه دى أبدا لأنها الأفضل والأصعب يعنى لغتنا لغة جميلة من حقها علينا أننا نحافظ عليها هزورة ,, عمــركـ فكرتى أنكـ تجربيها أو تعجبى بيها ؟؟ دعــاء , بستعملها بس قليل جدا ولما يكلمني حد فرانكو قليل لما ارد عليه بنفس الاسلوب لكن لو داخلة من جهاز بيكتب انجليزي او ما شابه بكتب فرانكو لان ده الحل اللي قدامي هزورة ,, يافرنكوا أنت يافرانكو ^^ حكاية جهاز موش بيكتب الا اللغة دى لاخلاف عليها أنما الخلاف ع أستعمالها وألغاء اللغة العربيه فى حد ذاتة أهانة للغتنا هزورة ,, تفتكرى أيه الحال اللى وصلنا ليهــا من وجهة نظركـ ؟؟ دعــاء ,, مجرد تقليد للغير ،، او تقدري تقولي انها فكرة جديده فالكل بيمشي وراها زي أي حاجه جديده بتظهر هزورة ,, أهاا أنا أتفق معاكى دلوقتى أصبحنا نقدس تقليد الغير أو مثلا أنشاء لقب لة ع أنة بقدر يستعمل اللغة دى فقاقة بقى هزورة ,, هل يوجد حل للتخلص منها فى وجهة نظركـ ؟؟ دعــاء ,, اعرفي قيمة اللغه العربية بتاعتك عمرك ما هتتكلمي غير بيها او نقدر نقول نحط في بالنا انها لغة القرآن يعني المفروض علينا نتمسك بيها واحنا مسلمين اكتر من أي حد هزورة ,, اللغة العربيه لغة القرآن الكريم فعلا يادعاء لازم نحافظ عليها وأخير لازم نعرف أن اللى بنعملة دة أهانة ليها ,, هزورة ,, عوزاكى تحكيلنــا حكايتكـ مع بنات مصر من أولها لآخرها أتعلمتى منة أيه حبيتى فية أيه كل حاجة ؟؟ عاوزة مايقل عن يجى 100 سطر لو عملتى 200 مايضرش ! هههههههههه دعــاء ,, هههههههههههه اكتشفت انك طماعه ^_^ هزورة ,, أنا طماعه داأنا غلبانه ,, ^^ دعــاء ,, بصي يآ ستي ،
هزورة ,, بصيت أهو ^^ دعــاء , دخولي للمنتدى كان كله مجرد صدفة ومن فترة تعرفي عليه وانا بدخل بصفة مستمرة الحمد لله عجبني فيه كل حاجه ،، بدآية من اسم المنتدى لاقسامه ولاعضائه ولطاقم ادارته من اول ما دخلته عمري ما حسيت اني غريبة فيه فيه روح ترابط وتعاون هنا فوق الوصف وده اللي حببني في المنتدى احترام متبادل ،، شخصيآت مميزة واعية ،، ناس داخلة تستفيد وتفيد اتعلمت كتير جدا من شخصيآت عمري ما اتخيلت اني هقابلهم قضيت وقت حلو فيه بين ردي على مواضيع او حتى رد طريف على موقف معين حاصل ،، او تعرفي على شخصيات من داخل الصرح كان ليهم اثر ايجابي في حياتي تحسي انك داخلة بتستمتعي بوقتك وفي نفس الوقت بتستفيدي زي ما قالت واحده معانا هنا ده حب لوطن بيجمعنآ ككل بس كده كفآية اتكلمت كتير يآ نور ^_^ هزورة ,, تقريبا تعديتى 200 سطر كفاية فعلا ^^ بشكركـ يادعاء ع تلبى الدعوة وكنت سعيدة جدا بالنقاش معاكى وأثبتيلى أن وجهات نظركـ سليمة جدا حتى معرفتش أجادلكـ ولو مرة ^^ دعــاء ,, ميرسى يانور أنا أسعد ولازم طبعا ننتقى كلامنا ونظهر وجهة نظر صحيحه للأرتقاء بمستوى معيشتنا كنت سعيدة معكـ بالتوفيق أن شاء الله هزورة ,, ميرسى يادعاء وأتفق معاكى كمان فى كلامكـ ومش متكلمة تانى بقا هه ههه نورتى ياقمرى لقد وصلنا لنهاية حلقتنا وحوارنا مع المتميزة والجميلة دعاء اللى أسعدت بوجودها جدا والسلام عليكم ,, |
|