لقد تذكرت مقطع للطفلة هند وهي من فلسطين وكانت تبكي وهي تناشد جميع العرب للوقوف معها في محنتها حيث ان اباها اسروه
فقام الشاعر محمد مطرود الشراري بالرد عليها
ياهند نامي لاترجي فلسطين .... كفي دموعك واعتزي من رجاها
خمسين عام ولاتبين ولاشين ..... وين السلام اللي بعزمه حماها
وين الحمام وين غصن البساتين ..... وين العرب منهو يغطي عراها
اليامتى ياهند وانتي تخطين ..... لوحة سلام واليهودي وطاها
رسمتي دموع وحمام ونياشين ..... وعيناً تخالط دمها في بكاها
بالله تقولي وش كتب عالم الفين ..... وش فايدة رسم الجروح وعناها
دام المرض متمكناً بالشرايين ..... ماضنتي تبرى الجروح بدواها
ياهند شوفي بالشوارع مساكين .... متشردين وضيمهم من بلاها
شوفي صغار السن ماتوا يتيمين.... والعرض يرتج والقلوب بعماها
والبيت يهدم فوق شيب وصغيرين .... وحتى المساجد كسروا في بناها
اثر السلام اللي يعقدونه برلين .... تخدير للي بالصحافه قراها
الاندلس راحت لها سنين وسنين ..... والموت حتى الموت باسمك رثاها
ياهند عمرك راح وانتي تحلمين .... لما تكسر ضرسها في جماها
نامي ترى النومى بوقتك كثيرين ... يمكن مع الاحلام ينبت ثراها
وحمامتك اللي ترف الجناحين .... أضن ياسر وسط حيفا شواها
تقاسموها واصبح النص نصين .... نصاً شوي حياً والاخر تلاها
ويالله عساك بخير يالله تصبحين ... تصبري واللي وراها وراها
تحياتي لكم جميعا
أخـوكـم
اشم الشر