[Dr.nour]

نور : السلام عليكم ..

مورشو : وعليكم السلام ورحمه الله



انت ايه سبب اختيــآرك لآسم ( مورشو ) فى المنتدى ؟
انا قولت السبب كذا مرة بس مفيش مانع اقولة رابع
انا جدى اسمة (مرشدى ) والى اعرفة انة مالوش فى الدلع
طبعا دا حسب المعلومات الى قدرت اعرفها من والدى
فقررت انى ادلعه واطلقت على نفسى اسم ( morshooo )
والاسم دا يمكئ معروف بية من اعدادى لحد دلوقتى زميلى
عارفينة وقليل جدا الى بيقولى يــ ( احمد )







يــآريت تعرفنآ باحمد مورشو الى جوآك الى محدش شآفه ولآ عرفه قبل كده ؟؟

احمد تقريبا بنسبة كبيرة جدا هو نفس morshooo الى فى المنتدى
بحب الصداقات وبحب الضحك والهزار ويمكن الاعضاء
عارفين دا عنى نوعا ما عاشق لى الاستقرار فى الحياة
مرتب جدا احب اكون صاحب شخصية مستقلة مختلف
عن غيرى احب اظهر بشكل كويس دائما احب اعيش اليوم بيومة مبحبش افكر فى بكرة
الا لما يجي يعنى تقدرى تقولى ( عاشق الحياة )



كلمنـــآ عن طفولتك ياحمد بكل مراحلها وشقاوتها ؟؟

طفولة عادية جدا كنت شقى شويتين وكنت الى
عايزة لازم يتنفذ بس الحمد لله طلباتى مكنتش مبالغ
فيها وبرضو كانت بتتنفذ كان عندى عالم خاص بيا
كان اهم حاجا فية ( كرة القدم ) مشيت فى طريق
( كرة القدم ) فترة كبيرة بس سبت الطريق دا
فى سن 18 سنة يعنى الى اقدر اقولة ان طفولتى
الحمد لله راضى عنها جدا لما بفتكرها الحمد لله بلاقى
انها كانت مرحلة جميلة جدا مكنش فيها اى مشاكل
او اى حاجا مش كويسة مريت بيها فى طفولتى


يا ترى احمد درس ايـــه ؟؟ احكيلنآ ايــآم شآوتك ف الكليه زى آى شــآب .؟
انا خريج خدمة اجتماعية ( مدينة نصر )
ايام الشقاوة ياستى كانت عادية جدا بس طبعا
حضور المحاضرات الحمد لله صفرما عدا اخر محاضرة
والمحاضرات الى هسلم فيها الشيت عشان درجات اعمال
السنة الدراسة فى المعهد كانت 3 ايام فى الاسبوع
وبيبقى فى 3 ايام تدريب تبع المعهد وطبعا كنا جروب
الحمد لله معروفين جدا فى المعهد كان عددنا 14 ولاد
وبنات وطبعا الاغلبية بنات طبعا مانتو راشقين فى اى
حاجا باعداد كبيرة :712:
وكنا دائما خروجات او قاعدين عند جاد
او مصعب الى قدام المعهد او قاعدين فى المعهد
او فى ملعب كرة القدم يعنى من الاخر مكنش لينا فى
الدراسة خالص كنا بنحس اننا خارجين
مش رايحين مكان ندرس فية :cv19:



سمعت ان احمد حــآليآ شغآل ف الاعلآنآت .. يا ترى حآبب شغلك .. رغم ان ده مش خآص بدراستك !!

اكيد طبعا بحبة جدا جدا هقولك لية شغلى فى الدعاية
عبارة عن تصميم الاعلان الى بيظهر على شاشات
التليفزيون يعنى صاحب الاعلان بيجى يقول مثلا عايز
اعلان عن منتج معين بنبدا انا ومعايا 3 زميلى نشوف
انسب طريقة لعمل المنتج دا اية ونقول الفكرة لمخرج
الاعلان وهو بينفذ كلامنا فى الاعلان مع المشاهد الى
بنشوفها فى الاعلان يعنى بيبقى احنا اهم حلقة
فى اظهار الاعلان ودا لوحدة نجاح كبير بينسب لينا
وعلى فكرة الحمد لله كتير من الاعضاء بيقولولى
ان شغلى فى الدعاية والاعلان واخد جزء
من مواضيعى فى المنتدى من ناحية افكار المواضيع
الى بتكون حصريا نوعا ما لمورشووو ومختلفة



[قريبــآ عيد الآم يآ آحمد ] احكيلنــآ عن وآلدتك ؟؟
ويــآترى كــآن نفسك تجيبلهــآ هديه عيد الآم السنه دى آيه !!

بصى لو اكلمت عن امى يبقى هحتاج حلقات كتيرة
ولكن هقولك على حاجا كفاية انها كانت لو حست انى
عايز حاجا مكنتش بتستنى لما اقول عليها وكانت دائما
فى صفى ضد اى حد حتى لو كان والدى مع انى بكون
غلط واخر حاجا جبتهالى كان ( كاب ) ولسة عندى لحد
دلوقتى بقالة حوالى 7 سنين مش بلبسة الا فى العريش
عشان جبتهولى من هناك ويمكن كل صورى وانا فى
العريش فى المصيف بتكون بالكاب دا





" الحب والجرح " عنـــــــــوان قديم .. صح ام خطآ .. مع التفسير

خطأ

عمرى ما بندم على حاجا عملتها فى حياتى حتى
لو كان حب لشخص وفى الاخر مايستحقهوش وزى
ما قولت انا بعيش اليوم بيومة وبحاول على قد ما اقدر
انى اعيشة بكل معنى الكلمة ولكن لو حصل حاجا انا مش
من النوع الى بفضل عايش على الماضى لا ببص للوقت
الى انا عايش فية دلوقتى ومش ببص للماضى ابدا




احمد دلوقتى عنده 26 سنه وشويه .. ليه لحد الان مفكرشى فى الارتبآط ؟

انا مش شايف ان الزواج لية سن معين احنا بنشوف
ناس بتتجوز وهى عندها 20 سنة وناس بتتجوز
وهى 30 سنة الارتباط اكيد فى دماغى مقدرش
انكر دا بس المهم الاختيار الصح والاهم انى الاقى
البنت الى هتشيل اسم احمد وتستحقة والحمد لله لقتها


وآى هى موآصفآت البنت الى ممكن تحبها وتدخل قلبك ؟؟

اهم حاجا تكون بتحبى وتراعى ربنا فى المعاملة معايا
ومع اهلى ويمكن الى يهمنى اكتر المعاملة مع اهلى
واكيد انا كمان هراعى ربنا فى معاملتى معاها ومع اهلها







" اتهمت من شخص مــآ ياحمد " انك بتصطاد فى الميه العكره
وده سببه انك بتستغل اى مشــآده تحصل فى المنتدى وتستضيف العضو وتسآله عن المشــآدآت ..
عــآوزه تعليق منك يا احمد ..

عمرى ما فكرت فى كدا والا هفكر فى كدا
اجمد عضو الحمد لله انجح برنامج فى المنتدى عايز اقولك
ان بسبب اجمد عضو تم اتهامى 3 مرات وكل مرة
مختلفة عن التانية الاتهام الاول كان انى بستضيف
اصدقائى فقط الى فى المنتدى مع ان جميع حلقاتة كانت
مع اعضاء والا اعرف عنهم اى حاجا واسئلى الناس الى
استضفتهم فى اول الحلقات وكان سبب الاتهام ان البرنامج
كان ناجح جدا لانة مختلف عن اى توبيك والناس كانت
مستغربة ازاى بعمل حوار كامل كدا وانزلة والحمد لله
بسبب اجمد عضو كل حاجا اتغيرت فى قسم اليوميات وبقى
كلة استضافات

الاتهام التانى كان بعد عودة اجمد عضو
لانى وقفتة فترة وقالو انى مرجعه عشان الفت النظر لية
مرة تانية بعد فشلى وعدم اهتمام الاعضاء بمواضيعى
بالرغم من انى الحمد لله مواضيعى ناجحة فى اليوميات

الاتهام الثالث الى قولتية انى بستنى الخلافات
عشان استضيف الاعضاء بس محدش سئل نفسة
لية مش يمكن وجودة فى اجمد عضو وتوضيح وجهة نظرة
مش يمكن كدا انا بفيدة عشان الناس تعرف هو يقصد اية
بس الحمد لله يكفينى ان لما ببعت لحد دعوة استضافة
محدش بيرفض







" الترقيـــآت الاخيره " .. احمد عمل مجهود جامد جدا فى المنتدى وكان من حقه يحصل على عضويه فى اى بى .. انت شايف ليه طــآرق مش اداك العضويه دى على من فى ناس شغلها اقل بكتير جدا يمكن شغلها يكاد يكون منعدم فى المنتدى وخدوها ؟؟

هتصدقينى لو قولتلك ان اول مرة اخد بالى ان فى عضوية
vip انا مش بهتم بحكاية الترقيات خالص حتى لو كان ليا
فيها اكيد مش هعترض على قرارات الادارة واكيد هى
شايفا احسن منى اذا كنت استاهل والا لا يمكن صحيح
الترقيات الاخيرة انا اعترض فقط على حاجا واحدة وهى
ان تمت الترقيات لى الاعضاء الاقدم فى المناصب ودا
اعتراضى الوحيد على الترقيات ومش معترض على اسماء
الاعضاء الى تم ترقيتهم عشان محدش يفهمنى غلط





" قسمك " شآيف شغلك فيه آزآى ؟؟

مشكلة قسمى انة مختلف عن اى قسم تانى بيعتمد فقط
على طلبات التوقيع الفلاشى زى قسم الفوتو شوب ولكن
السويتش ماكس بيختلف انة محدش يعرف اوى البرنامج
ومحدش بيعرف يشتغل علية فالكل بيعتمد على الطلبات فقط
ودا الى اشتغلت علية الفترة الى فاتت وشايف ان مفيش
اى مشكلة فى القسم والدليل تقييم الاقسام حصلت على 9
درجات



يــآ ترى تعيين الاداره للمشرفه (غير الكل) سابقا دآ تقصير منك فى القسم ؟؟


اعتقد لا انا مقصرتش فى حاجا الحمد لله ولكن
بعتتلى انها قالت لطارق انها عايزة تبقى مشرفة فى القسم
وقالتلى موافق والا لا قولتلها اوك مفيش مشكلة وفعلا
طارق قالى انها طلبت الاشراف قولتلة اوك مفيش اى
مشكلة

وهل يا ترى كنت على علم بتعيينهآ ولا فوجئت بوجودهآ ؟
كنت على علم طبعا بس المشكلة انى مش بشوفها
من ساعت الاشراف فى القسم خالص

انت مش شايف ان مكانك الانسب هو قسم اليوميــآت يا احمد ؟؟ شغلك فيه عالى جدآ .. مش من الانسب نتحط فى المكان الى هنبدع فيه ؟

فى بداية الاشراف كان فى حوار بينى وبين طارق
قالى انة عايز يفتح قسم سويتش ماكس وانزل اشراف
فية عشان بعرف فى السويتش وكان اعتراضى ان فى
ناس هتزعل منى عشان القسم هيعتمد فقط على الطلبات
وانا مش ببقى فاضى كتير بس قالى لا مايهمكش وساعتها
دار حوار بينا عن قسم اليوميات وانى انزل فية وكان كمان
احدى مشرفات القسم كانت عايزانى انزل معاهم فى قسم
اليوميات .

بس فى حاجا كمان عايز اقولها ان الحمد لله تواقيعى مميزة
وبتعجب الاعضاء والدليل ان ناس كتير بتطلب منى
اعملهم توقيعات فلاشية من قبل ما ابقى مشرف حتى
فوجودى فى قسم السويتش اعتقد لانى بتميز ايضا فية


وهل كان عدم تعيينك فى اليوميات دآ قرآر سليم من الادآره ؟؟

:ju6:


اكيد سليم لان مشرفات القسم شغلهم ماشاء الله جميل جدا
والناس بتحبهم فى القسم جدا ممكن يكون وجودى مشرف
فى القسم كان هيبقى سلبى وممكن يكون ايجابى بس حتى
لو تم تعيينى مشرف هيحصل اية يعنى اعتقد مش هيحصل
حاجا جديدة هفضل زى مانا وبنفس فكرى وبنفس برامجى
ولو منزلتش اشراف فى القسم برضو هفضل زى مانا

" الاكــآديميه " لو المتسابقين الى اتصفوا للمرحله الاخيره طلبوا منك تنزيل تقييم كل اعضاء اللجنه سواء على الحورات او المواضيع .. عشان يبقى كله على بياض وعلى المكشوف .. والى ورقه تمام مش يخاف
يا ترى هيكون آى قرآرك ؟؟




اعتقد ان الحمد لله محدش اتظلم حتى الان فى الاكاديمية
الاعضاء فاكرين انى سبب خروجهم كل اسبوع ودا طبعا
محصلش انا دورى نفس دور لجنة التقييم بقيم فقط ولكن انا
الى بنزل نتيجة التقييم والحمد لله اسئلى رقة بنوتة التقييم
بيبقى ازاى محدش بيدخل فى تقييم حد الجميع بيبعتلى
التقييم وانا بنزل النتائج ممكن موضوع اديلة 95 درجة وحد
تانى يديلة 80 درجة ماينفعش اروح اقول لية الدرجة القليلة
دى .
طبعا لو حابين انزل التقييم مفيش اى مشكلة بس لجنة
التقييم توافق على دا مع انى ضد الفكرة



" الاكآديميه " فكره انشئتها السنه الى فاتت واعيد تكرارها السنه دى .. بس طبع السنه دى اختلفت كتير عن الى قبلها
انت شايف ده ليه ؟

عايز ازود على كلامك حاجا كمان ان الاكاديمية نجحت
الموسم دا نجاح كبير الموسم الماضى انا غلط فى ادارة
الاكاديمية عشان كنت لوحدى كنت بقيم وكنت باختار
مواضيع كل اسبوع وكنت بنزل التوبيكات وكنت بنقل
المواضيع بعد انتهاء كل اسبوع نزل معايا فى اخر
اسبوعين اسيل وعاشق ولهان ويمكن الى عملوة كان
التقييم فقط وارسالة مكنش فى اى حوار بينا .


الموسم الحالى عملت حساب الاخطأء الى فاتت ابتديت
بلجنة كاملة من اول اسبوع قسمنا شغلنا كل واحد عرف
المطلوب منة اية كان فى شروط بيتم التقييم على اساسها
وبالمناسبة احب اشكر
حنون - برنسيسة - فرح - رقة بنوتة - ميشو












" احمد مورشو " معروف عنه انه بتــآع بنات .. وبيكلم دى ودى
وبيحب فى دى ودى .. وبيوعد دى بالخطوبه ودى بالجواز ودى بالحب .. وطلب ارقام تليفونات كل البنــآت الى عآرفهــآ
عاوزه دفــآع ياحمد ..




يالاهوييييز دا انا مقطع السمكة بقى

بصى يا نور انا قولت قبل كدا انى ممكن اطلب ميل اى حد
فى المنتدى سواء بنت او ولد طبعا هكلم عن البنات ايون انا
بطلب الايميلات بس انا بصراحة لحد دلوقتى مسمعتش ان
الميل عيب او حرام انى اطلبة من حد وفى حاجا انا بطلب
الميل والى حابب يدهولى اوك الى مش حابب خلاص
براحتة انا مش بضرب حد على قيدة عشان اخد ميلة

واعتقد انى لو بوعد دى بالحب ودى بالجواز ودى بالخطوبة
كان زمان المنتدى كلة عارف انى بضحك عليهم عشان كل
اعضاء المنتدى تقريبا عارفين بعض ولكن.


فى حاجا مهمة انى مبحبش حد يستنصح عليا يعنى مثلا
ممكن واحدة تقول انها تحاول توقع مورشو او تخلينى اقول
حاجا فتروح تقولها لزميلها وتبينى مش كويس بالعكس انا
ممكن اعمل دا بمزاجى ودائما الى يعرفنى كويس يعرف انى
مش بحب ابين لحد انى كويس ومش بتاع الكلام دا ولكن انا
الحمد لله عارف نفسى كويس وعارف سلوكياتى اية وعارف
حدودى اية فى التعامل مع اى حد




يا مورشو انت عارف كوس ان تبادل الايميلات ع المنتدى ضمن الاشياء المحظوره .. وان المنتدى ليس ساحه للتعارف .. وكده مخالفه للقوانين ... جاوب

اعتقد ان الادارة لو كانت شايفا انى بخالف قوانين الادارة
كانت منعت عنى الرسائل الخاصة زى ما بتمنعها عن ناس كتير



....................


لو قلتلك حط وصف من كلمه لكل عضو هحطلك اسمه :

dr.nour
المتمييزة

dr.pharma
العصبية

dr.sma
الهادئة

silver spectra
الدينامو

misho
شمعه المنتدى

desperado
نجم المنتدى

حنون
صاحبة الاخلاق العالية

برنسيسه s
اليسا المنتدى :712:

فرح < مشرفه صفحات >
صاحبة العطاء

ـــــــــــــــــــــــــــــــــــــ

( اسئله الاعضـــآء على الخــآص )


س / ساعات بحسك انك معارض دائما ؟ بتدخل فى مشاكل مع الاعضاء ؟

لا مش معارض والا حاجا والا بتاع مشاكل الحكاية كلها
انى لما بكون مش مقتنع بحاجا فى توبيك بقولها ودا من حقى
انى اقول اى حاجا فى اى توبيك ممكن اكون فاهم غلط وصاحب التوبيك يوضحهالى


س / اية سبب خلافك مع خارج عن القانون ايام يومياتى فى الثورة ؟

مش حكاية خلاف والا حاجا بس كل الى حصل ان كان عرض الاحداث
مبالغ فيها جدا ودا كان اعتراضى وكمان كان فى شوية حاجات غريبة
ان كل الاحداث الى عرضها كانت بعد ما راحلهم على حسب كلامة وكأن
محصلش اى حاجا طول اليوم الا لما عكاشة راح
حصل الضرب والجرى والحرق والقنابل

س / مواضيعك فى اليوميات مميزة ومش منقولة بتجيب الافكار ازاى ؟

انا نزلت فى اليوميات كذا موضوع منهم
اجمد عضو - انا والى بحبة - احلا اصحاب - حكايات وبنعشها -
انا ضد الاهاب - عجبى
وفى برامج اعلنت عنهم بس منزلتهمش لسة النهاية - لو
ان شاء الله هشتغل الفترة دى على اجمد عضو وعلى
فترات هنزل حكايات وبنعشها
اما موضوع النهاية لسة هظبط مع العضوة الى هتشارك معايا فية عشان
مقدرناش ننزلة وبرنامج لو ربنا يسهل وانزلة بس المشكلة فى الوقت
وشغلى كمان مبقدرش اعمل كل دا فى المنتدى




ــــــــــــــــــــــــ


ياريت تختم لنا بكلمه تقولها لكل الاعضآء ...

اتمنى من الجميع التوفيق فى المنتدى ونتعامل مع بعض
بطبيعتنا ونحاول نهتم بمواضيعنا الى مقتنعين بيها يعنى
محدش ينزل حاجا هو مش مقتنع بيها عشان هيبان علية
جدا واتمنى النجاح للجميع فى الحياة اولا والمنتدى ثانيا