[ୠ
ୠ متَـ ـمْرده ୠ
ୠ]

السلام عليكم

ازيكم يا احلى اعضاء باحلى ايجى

بصوا بقى بما إنكم مش عايزين تتعملوا

ولا عربى ولا انجليزى ولا علوم ولا اى حاجاه من الحاجات

فأنا قولت احلى حاجه تتعلموها وهتفيدكم فى حياتكم

إن شاء الله

هى مبادىء علم الغلاسه

بس لو ملقتكمش رديتم هنا كمان

هعلن عليكم حرب عدم الردود






يلا هنبدأ الكورس المادة الأولى : مبادئ علم الغلاسة



--------------------

1_ لما تسأل واحد وتقلوا أقول ولا مقولش ..
يقلك قول ..قله قول وطعميه .

2_ لما تسأل واحد وتقله صح ولا غلط ..
يقلك صح ..قله صح النوم

3_ لما تسأل واحد وتقله الكلام دا حصل ..
قالك حصل ..قله حصل وطحينه

4_ لما واحد يقلك انا جيت نورت البيت
قله ..لا دا نور الكهربه

5_ لما تسأل واحد وتقله دا احلى ولا دا ..وقالك سيان
قله سيانى بتوجعنى انا لازم اروح لدكتور السيان

6_ لما تسال واحد ايه رايك فى حاجه ..وقالك جامده
..قله جامده برباط ... و لا جامدة ما بتتكسرش

7_ لما تلاقى واحد لابس شيك كده او عامل حاجه حلوة
..قله ايه الحلاوه ديه مافيش جبنه

8_ لما واحد يقلك انه بيعمل حاجه ومش راضيه تتعمل
..قله ما انت فقر .... اه فقر وقطه

9_ لما واحد يقلك طز فى اي حد ..
قله طز بلبن

10 _ لما واحد يقلك دا انا مفيش زييي واحنا اللى دهنا الهوا دوكو
قله احنا اللى عملنا الهوا كروهات ...
ولبسنا السمك مايوهات ...
وخرمنها لما حبينا نغرقوا

11_ لما تلاقى شب بيستظرف قله : ايه يلا العسل ده
مولود ف بالاص ولا امك نحله .

12_ لو لقيت حد لابس قميص مكرمش
قله ايه القميص الى طالع من بقك ده

13_ ولو لون القميص غريب قله
مافيش منه رجالى ده

14_ لو حد استظرف عليك قال على قميصك مافيش منه رجالى
... قله لا والله ده اخر واحد

15_ لو حبيت تخنق حد
قله معاك ولاعه يقولك لا –
ولا كبريت .... لا – ولا ظلتين عشان نولع بالشراره ... لا –
طب معاك بوتجاز . لا - ؟؟؟
امال بتاكل الأكل نى ولا ايه .. الخ الخ
لحد مايضربك

16_ قول نكته طويلة أوى وتعالى عند أخرها وأعمل نفسك نسيتها
كل ما حد يقولك حاجه عيدها بس على هيئة سؤال
مثلا هايقولك "مش أنا اتجوزت" قوله "أتجوزت؟!"
هايقولك "اه الشهر اللى فات" قوله " الشهر اللى فات؟!"
و هكذا

17_ دى بقى لو عاوز تغلس بحاجات فعلية مش كلام بس
هات بخاخة مطهر و أمشى ورا واحد
و كل مايلمس حاجة تروح راششها بالمطهر على طول
لما حد يشكى لك من حاجه قوله أنا عندى مشاكل أكتر منك

18_ فى المطعم بص للناس اللى على التربيزة اللى جنبك
وهى بتاكل ودقق أوى و انت بتتكلم مع واحد
متبصش فى وشه خالص
واحد تانى بقى دقق فى ملامحه
بص لودانه وشعره وكده

20_ أنت فى المول
ماتمشيش عادى لأ أفضل نط لحد ماتوصل للمكان اللى رايحه
مش كده وبس أى حاجة تقابلك فى سكتك طبل عليها

21_ فى المترو امضغ أمضع لبانة بصوت عالى
و أنت واقف جنب حد بيقرا مجلة او جرنان
و أنت بتقرا معاه طبعا

22_ أعزم ناس تعرفها
ملهاش علاقة بمناسبة عيد ميلاد حد تعرفه

23_ وياسلام لو معزوم على الفطار
لازم تاخدلك
مش أقل من أتنين فى إيدك

24_ لو قاعد بتتفرج أنت وصحابك على فيلم
وفاضل 5 دقايق قوم غير القناة شد الفيشة
أعمل أى حاجة لحد الفيلم مايخلص وميعرفوش النهاية

25_ سيب اشارة العربية الشمال شغاله
لمده 5 كيلو متر من غير ماتلف
و بعدين اطفيها و كمل طوالى

26_ ألبس جراب زى الجراب اللى بيتحط فيه المسدس بس
حط فيه الريموت كنترول وكل ماتقابل حد طلعه فى وشه
قالى يعنى هتضربه بالنار

27_ أول ماتشوف كيس كاتشب على الأرض
دوس عليه برجلك طرطشه على بنطلون اللى جنبك
وقوله كنت بشوفه فاضى و لا مليان

28_ لو فى مناسبة فيها دى جى أستلم بتاع الدى جى
بأغنية يشغلهالك ولوشغلهالك أستلمه يكررهالك
علطول عشان بتحبها

29_ لو واقف جنب حد بيعد فلوس
و فى وسط ما هو بيعد قول اى رقم عشوائى زى 423


---- ده كورس مبادئ الغلاسة كدة ----