سوريا مافيش عليها صمت اعلامي
بالرغم من ان النظام فارض تعتيم اعلامي و مانع وجود أي صحفيين
ليه وجهة نظر في فكرة الصمت العربي
لما بيطلع رئيس أو رئيس وزراء أو وزير خاريجة لأي دولة ,, و بيعبر عن رأيه ,,النظام الي بيعاني من احتجاجات بيستخدم تصريحات المسؤول دا في توجيه اتهامات المؤامرة و التدخل في الشؤون الداخلية و غيره و بكدا بيقدر يوحد شعبه و يقوي نفسه ضد الثورة
و دا شوفناه في كل الثورات
و اقرب مثال هي البحرين ,,لما طلعوا الايرانيين و عبروا عن آراءهم و احتجاجهم ,, الكلام اتاخذ ضدهم على انها مؤامرة مدبرة و غيره ,,
اذا احيانا بيكون الصمت هو افضل حل ,, لكن مش دائما
مثلا عندنا النظام في ليبيا ,,غارات النيتو خلت غرب ليبيا موحد أكثر مع القذافي
لأن بقى في ذريعة للدفاع و لمهاجمة الثوريين
و عشان كدا بدأوا يفكروا دلوقتي في حل دبلوماسي يوقف الحرب,,لأن واضح ان ليبيا مطولة
و ملاحظ ان الغرب فاهم النقطة الي بتكلم عليها و بيتخذ الصمت نوعا ما ,, و ان كان بيصرح بانتقادات لكن مش بيحاول يزودها ,,لأنه عارف ان لو زودها هيقوي النظام الي هيستخدم تصريحاته بنظريات المؤامرة ,, و دا غباء سياسي وقعت فيه ايران لما زودت تصريحاتها اتجاه البحرين
اذا فأحيانا الصمت بيكون مفيد للثوار ضد النظام
نقطة أخيره عن الجزيرة و العربية و غيرهم
هي محطات ليها مهنية و امكانيات عالية و دا شيء ماحدش يقدر ينكره
لكن انتماءاتها الفكرية بتظهر في عرضهم للخبر
و دا شيء يناقد المهنية الاعلامية الي المفروض بتكون محايد فيه
و مثال على كدا مثلا عرض برنسيسة للموضوع
مقدمة الموضوع فيها توجهاتها الفكرية ضد الشيعة مثلا
دا بالظبط الي بيمارس من قبل قناتي الجزيرة و العربية و هو اظهار بعض الأخبار و التعتيم على الأخبار الأخرى حسب توجهاتها الفكرية و ليس حسب الحيادية الاعلامية ,,
طبعا برنسيسة ممكن تزعل ههههه
دا مجرد ضرب مثال ,,وسائل الاعلام مطلوب منها الحيادية لكن انتي في الموضوع ليكي الحق في التعبير عن وجهة نظرك لأنك مش جهة اعلامية بتدعي الحيادية زي ما وسائل الإعلام بتدعي في نقل الأخبار
منور يا فيصل,,