[ღ Gի๐sτ ღ]

مش عارف الناس الى بتقعد تتكلم عن وطنية الاهلى وبتشبة بالحزب الوطنى عشان مسيطر على الكورة فى مصر

رغم اصلا زكريا عزمى وسيد مشعل وجمال مبارك وصفوت الشريف انهم زملكوية وهم ابرزوجوة النظام السابق ورجالة
حتى حسام وابراهيم حسن مدير فنى ومدير كورة للزمالك معروف انهم شتمو الثورة والثوار وطلبو بضرب المتظاهرين
وكانو فى حملة تأيد لجمال مبارك رئيس لمصر
حتى مرتضى منصور وموقفة وشتيمتة للثوار حدث ولا حرج
وكلهم رموز للزمالك حاليا وسابقين

واستغرب من جمهور الاسماعيلى وهو بيقول النظام كان بيدعم الاهلى رغم علاء مبارك كان مساند قوى لاسماعيلى وكان بيشجعهم والكل يعرف موقفة من الضغط على الاهلى حتى يرجع حسنى عبدربة لاسماعيلى بدون حق
وما فعلة قبل كدة عبد المنعم عمارة وهو وزير عن الرياضة عن مصر ضدد لاهلى لصالح الاسماعيلى فى التسعينات
وتصدى صالح سليم لة
لا واجد ناس بيقولك بيدعمو الاهلى عشان يغيبو الشعب
وكان مشجعى الاندية الاخرى هم قادة المعارضة والحركة الوطنية فى مصر


فمثلا لما اشوف الرموز الوطنية لاهلى عبر تاريخة حاجة تشرف رموز مش عليها غبار

لما اشوف مصطفى كامل وسعد زغلول من رموز الاهلى ومؤسسى فكرة الاهلى ليكون نادى الشعب والوطنية
ليكون نادى للمصرين فى وقت كل الاندية كانت لاجانب والمستعمر

ولما اشوف واحد زى طلعت حرب ابرزز اعضاء الاهلى وواحد من ابرز الرموز الوطنية الاقتصادية عبر التاريخ

حتى جمال عبد الناصر كان رئيس شرفى للنادى الاهلى

حتى على مستوى الغناء
عبد الحليم حافظ وام كلثوم معروف انهم اهلاوية وغانو فى حفلات فى النادى الاهلى كثير وكانو اعضاء فى النادى
ويتغنى الشعب المصرى باغنيهم الوطنية حتى الان

حتى فى عهد الثورة

واحد زى وائل غنيم الى قالو عنة ايكونة الثورة ومؤسسة صفحة كلنا خالد سعيد وداعى هو ومجموعة من صحابة لثورة 25 يناير

اهلاوي

حتى محمد البرادعى الى رجع مصر وعمل حركة ونشاط قبل الثورة بسنة وكان لية دور فى تحريك بعض الجمود فى الساحة المصرية
وتعرض لانتقاد وذبح فى عهد النظام لتشوية سمعتة واتضح كل دة كذب
وهو اعلان انة اهلاوي


لما الاهلى كان رايح يلعب فى فلسطين عشان يدعم القضية الفلسطينية كان وقتها رئيس اتحاد الكورة وهو رئيس نادى الزمالك بنفس الوقت خد اوامر وتعليمات من اسرائيل بمنع فريق الاهلى من السفر وبالفعل دة اللى حصل فقام رئيس الزمالك واتحاد الكورة بمنع الاهلى من السفر لفلسطين بناء علي طلب اسرائيل ولكن لاعبو الاهلى سافرو غصب عنو ولما رجعو قام رئيس الزمالك واتحاد الكورة بوقف نشاط نادي الاهلى وطلب لاعبى الاهلى بالاعتذار ثم اللعب ولكن مختار التتش وقف امامة وقال لن اعتذر فكلنا ندعم فلسطين والاهلى قعد موقوف سنة لحد مارجع بقرارات سيادية




حتى حمدين الصباح الرجل المحترم هو والسيد بدوى وجورج اسحاق الى بيسافرو فى الدبلومسية الشعبية لحل مشكلة وادى النيل
كلهم اهلاوية واعضاء فى النادى وناس وطنية وبيشتغلو بامانة عشان البلد


كل الناس دية من رموز الاهلى ومؤسسية واعضائة ومشجعية من تاريخ تأسيسة حتى الأن
ونجد البعض يشكك فى النادى الاهلى ووطنيتة

شىء غريب بجد الى مش بيشوف من الغربال يبقى اعمى
هيفضل امتى التعصب بيعمى الناس والناس مغيبة ومش شايفة الحقيقة




معلومة
الموضوع ليس لكل المشجعين المنافسين
ولكنو للناس اللى بتشكك في وطنية رموز الاهلى وتقول الاهلى نادي الحزب الوطنى