[ساحر الأحزان]

اسعد الله مساكم بكل خير





الموضوع يا جماعة موضوع خطير لانة بيمس مصر كلها انت وانت وكلنا لاننا فى مكان واحد وهو نهر

النيل شريان الحياة لينا كلنا ومنبع الرخاء لينا والله يا جماعة لو نشوف الناس الى محرومين من المية

العذبة الى ربنا اعطاها لينا بنشرب منها وبنزرع منها كل حاجة حلوة وبسببها ارضنا خضرة


ولكن للاسف الشديد فية ناس كتيرة بتهدر المية دى على الفاضى وعلى المليان ومن دون لزمة


طيب يا جماعة الايام الى جية حيكون الحرب على المية اولادنا واحفادنا حيشربوا منين لو مش

حافظنا عليها ومنسرفشى فيها

وحاجة تانية الناس الى بترمى الحيوانات النافقة فية بجد دة كلام ولا بتوع المصانع من مخلفات وغيرة لما صارت المية سودة من الى بتشوفة ولا بتوع

السفن السياحية ولا اية ولا اية الامراض الى انتشرت دى والعياذ بالله ربنا يكفيكوا

شرها من فشل كلوى وفيرس سى الى بينهشوا فى ملايين الناس الغلابة دى الى ربنا اعلم بيها

يا جماعة الموضوع خطير جدا جدا

اية تفسيركو للى بيحصل دة ؟

كلامى دة صح ولا غلط؟

بدى اسمع رائيكم والافادة منكم

لان الموضوع دة مش يهمنى انا وحدى دة يهمنا كلنا

دمتم بكل خير