[Mo7aMeD Lotfy]

اقتباس
المشاركة الأصلية كتبت بواسطة MoNa LeZa




انــ،،ـا جيـــــت
ضلمتى البيت

1-ماهو مزاجكـ غالب الوقت (هادي ـ عصبي ـ بليد ـ مرووق ـ متحمس ـ فللةـ ....الخ )
مرووووووق وبفكر كتير بردووا
2ـ ماهو أفضل أوقاتك في اليوم؟؟؟
اليوم كله ذى بعضه .. بس يمكن افضل النهار لانى ببقا فى الشغل
وانا بحب انى اكون شغال وليا وجو
3ـ بعد ما اتخرجت >>عقبالي.. والحمدلله اتوظفت ..اش يشغل بالك وتتمناه ؟؟
عقبالك ايه بس انا نفسى ارجع الكليه تانى ..
اللى شاغل باللى
انى احقق احلامى وانى اكون رجل اعمال
واكون عايش حياه هاديه مع زوجه ذى العسل
تتحط على الجرح يبرد
مش مع غررررررابه تورملى دماغى كل يوم
:689:
4ـ ماهو أكثر مايحزنكـ ـ يفرحكـ ؟؟؟
اتجاوب عليه قبل كدا
اسئله مكرره بقا وبتاع
ايه مش لاقيين اسئله وعملاين يتننططوا
كككككك
5ـ مين قدوتكـ بالحياة؟؟
الرسول عليه الصلاه والسلام
6ـ اش هوايتكـ ؟؟
قلتها قبل كدا
7ـ هل انت شخص غامض .. أو واضح وصريح ؟؟
انا واضح وصريح جدا وبحب اقول اللى فى قلبى ع لسانى
لكن غامض ومش بحكى بسهوله على حاجه تخصنى لحد مش اعرفه

8ـ مين بئر أسراركـ؟؟
محمد لطفى ( ذاتى )
9ـ مين أكثر عضو تهتم له بالمنتدى و خارج المنتدى >>شخصين ؟؟
حنون لانها فعلا اختى واعرفها من اول ما دخلت المنتدى وبحترمها جدا
10ـ مبسووط بالكرسي ؟؟
ده كرسى مش متنجد بس مبسووووط باسئلتكم المكرره
تكم البلاوى مليتوا البلد
:cv25:
11- موقف طريف ؟؟ احكى لينا بالتفصيل مش هقبل بحاجه غير كده
هحكى موقف بس مش بالتفصيل مش حدوتة قبل النوم هى
..
اتفقت انا واربعه اصحابى نعمل اننا بنحضر عفاريت واتصل بواحد زميلى
ان انا معايا كتاب عفاريت وبتاع .. هوكان بيحب افلام الرعب وعايش دور اللى مش بيهمه ومش بيخاف
المهم
قلتله تعال وبتاع نجرب نهمل حاجه كدا وعملت قعده فى الشقه فوق
لانها فاضيه وجبت بخور والجو ده .. واقعدت انا وواحد من الاربعه اصحابى والباقى استخبى جوا فى الاوض ... ولبستهم عبيان سوده من بتوع والدتى
والاخ جه وطفينا النور وعشنا اللحظه وكان معانا واحد من اللى متفق معاهم .. بدانا بقا كاننا بنحضر وكدا .. وكنت متفق مع اللى قاعد معانا
انه يتشنك ويعمل ان فى حاجه .. والباقيين يخبطوا فى الاوض ويرزعوا فى الشبابيك ... الصويت اشتغل والترزيع والعيال طلعت وتحسس عليه
الاخ جاب اللى جابه من فوق ومن تحت وكان رايح جرى على البلكونه
لولا ستر ربنا ولحقته وقنا النور وفهمناه اننا بنهزر معاه وهو نازل صويت
امى طلعت على الصوت قلتلها داحنا كنا بنموت فار لقيته فى الشقه
بس صاحبنا ده خاصمنا ييجى اسبوع بس كنا ناوين نكررها تانى فى اصحابنا بس خفنا لحد ينط ذى مالاخ كان رايح او حد يجراله حاجه
:cv25:

12- حكمه تمشى بيها فى حياتكـ ؟؟
الحكه تحت فى التوقيع
ككككككك
13- افضل مرحله مريت بيها ؟؟
الكليه قلناااااا
14- حلم طفولتكـ ؟؟
انى كنت اكسب ديما فى لعب البلى
:teehee:

15- شىء او انسان تتمنى تمحيه من حياتكـ ؟؟
لا مفيش ... اصلا مش بحط حد فى دماغى

16- اخر كلمه سمعتها اليوم ؟؟
انا سمعت كتير ... اخر كلمه من مامتى حالا ..( مش هتاكل ياواد يا محمد يابنى يلا عشان تاكل )
17- احساس تفتكر وجوده فى حياتكـ ؟؟
احساس بفقدان شىء تمنيته يفضل جوايا طول العمر لانى كنت صادق فى احساسى ليه
18- مين الشخص ألى ممكن تسلمله كل اموركـ ؟ ( تثق فيه )
هكدب عليك لو قلت حد ... احب امورى اصرفها بنفسى
19- ماذا تنتظر من الاخرين فى حياتكـ
ان الناس تفتكر بعض بالخير .. ومش نتمنى لبعض الشر
لان الحياه مش مستاهله خالص ...

20- ماذا ييعني لكـ الآتي في أكثر من 3 كلمات:
*الأمان :؟
راحة البال والاطمئنان
*الحنان:؟
من غيره الحياه هتبقا غابه
*الثقة في النفس:؟
من الضروريات
*المال:؟
بيروح وييجى ..

مش هتقل عليكـ اكتر من كده
بس ان شاء الله ليا باكـ تانى
~~
~

اسئلتك حلوه يا مضروبه
نورتى يا بت يا منى
*_*