[اسطورة الحب]

بعدين معاك ياحب

عمال تمرجح فينا

شمال و يمين

وبنمشي معاك

ومش عارفين

اصل ليك متلهفين

تجينا ياحب

وتملا قلوبنا

ونقول خلاص

هو دا الحب

حلم عمرنا

وتاخدنا معاك

ل مدينة العشاق

تطلعنا للقمر

نلمس النجوم

نطير للسما

ونغني لليل

كل الكون

حولنا جميل

البحر و القمر

الزهر والشجر

ونقول خلاص ضحكلنا الزمان

جاء الحب اللي حيعمر قلبنا

ويغمره بسعادة وفرح وهنا

وقلوبنا ترقص بين ضلوعنا

من السعادة والهنا



وفي يوم وليلة

الافراح تتبدل لجراح

وندخل معاك ياحب

في مدينة الاحزان

دموع واهات وانين

ألام وجراح متنتهيش

اتارينا كنا بنحلم

و كل دا كان اوهام

ياتري ياحب

العيب في مين ؟

فيك ولا في المحبين

ياتري ياحب

بنختار قلوب مبتعرفش تحب

ولا احنا اللي مستعجلين نحب

وبعدين معاك ياحب