الموضوع
:
الحلقة الأولى من برنامج (قاعدة صفا) ومعانا ... Mo7aMaD 3aLa2
عرض مشاركة واحدة
منذ /
07-08-2011, 01:32 AM
#
1
عاشقة ذكر الله
عضوة مميز
رقم العضوية :
70815
تاريخ التسجيل :
May 2011
الجنس : ~
بنوتة
المكان :
Mansoura
المشاركات :
7,236
الحكمة المفضلة :
عش حياتك فى طاعه الله :))
النقاط :
درجة التقييم :
2795349
قوة التقييم :
1398
أوسمة العضو
الحلقة الأولى من برنامج (قاعدة صفا) ومعانا ... Mo7aMaD 3aLa2
ازيكم يا أعضاء يا حلووووووووين
أخباركم ايه؟؟؟
دى انشاء الله هتبقى أول حلقة لينا فى برنامج ...
.
( قاعدة صفا )
واحنا معانا النهاردة ضيف مميز جدا
له كل الاحترام والتقدير
أنا أحترمه شخصيا
انه مازال يدرس الهندسة
يحب كرة القدم
يعشق تأليف الأغانى
هو انسان محترم جدا
انه
انه
انه
Mo7aMaD 3aLa2
انسان مميز جدا
وده كان حوارى معاه
الاسم
محمد علاء
السن
20 سنة و 9 شهور واسبوعين و 3 ايام و 16 ساعة
العنوان
مصر ... مدينة بنها
المؤهل
ثانوية عامة لغاية دلوقتى
السنة الجاية ان شاء الله بكالريوس هندسة
الوظيفة
طالب
الحالة الاجتماعية
أعزب
الوظيفة اللى انت فيها دى هى دى اللى كنت بتتمناها ولا كنت بتتمنى وظيفة
غيرها وايه هى؟؟؟؟
لسة طالب والله
عمرك عملت مشكلة مع حد ووصل ان انتم معدتوش بتتكلموا مع بعض لفترة
طويلة جداااااااا؟؟؟؟؟؟
اة زمان اتخانقت انا وواحد صاحبى وجارى وفضلنا متخاصمين وبعدين هم
عزلوا ..فـ لغاية دلوقتى تقريبا متخاصمين ..دةانا مش فاكر شكلة اساسا
)
بتحل مشاكلك بنفسك ولا بدخل حد معاك يحلها ؟؟؟؟
مشاكلى بحلها بنفسى طبعا لكن دة ميمنعش انى استشير اهلى او اصحابى ..
نفسك كنت تدخل كلية ايه ؟؟؟ وليه ؟؟؟؟
والله كان من زمان نفسى ادخل كلية هندسة
وبصراحة مكنش حبا فيها بقى و عشان احلامى وطموحاتى والكلام دة
انا كنت شايف انى لازم ادخل كلية قمة زى ما بيقولواعشان احس انى عملت
حاجة عليها القيمة او عشان مثلا مبقاش اقل من اصحابى او حتى طمعا ف
لقب بشمهندس
بس بعد ما دخلت الكلية حبيتها جدا والحمدلله لقيت نفسى فيها
.................................................. .................................................. ....................
تتمنى تكون ايه صفات شريكة حياتك ؟
تكون بنت محترمة واخلاقها كويسة
تكون متفاهمة معايا وتكون قريبة من مستوايا سواء المستوى العلمى او
المادى او الاجتماعى
وتكون رقيقة وشكلها مقبول
اهتماماتك كانت ايه وانت صغير واتغيرت ولا لأ وايه هى اهتماماتك الحالية
؟؟
و انا صغير كانت اهتماماتى هى اللعب فقط ..اولا كنت بحب السباحة جداا و
كنت قربت ابقى محترف فيها خلاص ..بس مبقاش عندى وقت من اول
الثانوية العامة
كرة القدم طبعا كنت بعشقها ودى مستمرة لغاية دلوقتى
مؤخرا بقيت مهتم بتأليف الاغانى ومستوايا مش وحش فية
ايه أكتر برنامج كنت بتحبه وايه البرامج الحالية اللى أنت بتحبها؟؟؟؟؟
والله مش بتابع برامج معينة ..يعنى لو عرفت مثلا انى فى استضافة لشخص
انا عايز اشوفة بتفرج ع البرنامج بغض النظر عن اسم البرنامج
ترضى تتجوز بنت حبت واحد قبل كدة ومشيت معاه وكلام من ده ؟؟؟؟؟؟؟
والله على حسب معنى كلمة مشيت معاة
هو عامة الحب مش جريمة وعادى اى حد معرض انة يحب ويفشل ف حبة
بس فى شئ تقديرى بردو على حسب ظروف الموضوع نفسة
هل كانت خارجة عن نطاق الادب والاحترام وساعتها دة مش هيكون حب
اساسا
ولا كان حب شريف
وعموما انا اؤمن بالمقولة اللى بتقول كما تدين تدان
يعنى انا الحمدلله راضى عن نفسى جدا بالشكل اللى يخلينا اكون واثق ان ربنا
هيدينى حد يستهالنى واستاهلة
لو انت حبيت بنت وانت لسة صغير ترضى تتجوزها لما تكبر ولا؟؟
لو لسة بحبها ارضى طبعا ..اصل الحب ف الطفولة من وجهة نظرى مش
بيكون حب على أد ما هو بيكون تعود على الاشخاص
أسعد موقف فى حياتك ايه ؟؟؟؟؟؟؟
يوم نتيجة الثانوية العامة
ايه أكتر صفة بتحبها فى البنت وكمان الولاد ؟؟؟؟؟؟
البنات : الرقة وخفة الدم
الولاد : الجدعنة والرجولة
ليك حد قريب منك هنا فى المنتدى لدرجة ممكن تحكيله عن حياتك الشخصية
؟؟؟؟؟؟
يعنى اكيد فى .. بس مش بحكى بتوسع
انت من النوع اللى ممكن يصاحب حد أصغر منه ولا لأ ؟؟؟؟؟؟؟
لا عادى ليا اصحاب اصغر منى بس بسنتين او تلاتة بالكتير
ايه أكتر حكمة بتقولها فى حياتك ؟؟؟؟؟؟
الغاية لا تبرر الوسيلة
ايه أحسن كتاب او قصة قريته/ها فى حياتك ؟؟؟؟؟؟؟
الف ليلة وليلة والايام لطة حسين و حوار مع صديقى الملحد لمصطفى
محمود
مين الشخصية اللى أثرت عليك وغيرت من مجرى حياتك ؟؟؟؟؟
والدى
ايه رأيك فى الثورة المصرية ومايليها ؟؟؟؟؟؟؟
لا دة عايزة موضوع كامل اتكلم فية
الخلاصة : انا شايف ان الثورة المصرية فتحت باب التغيير للاحسن ..انما
تغيير فعلى حصل لغاية دلوقتى انا شايف انة لا يتعدى 1%
ايه رأيك فيما يقال عن عمرو موسى بأنه مصدر الغاز لإسرائيل هل وافقت هذا
الكلام أم ماذا ؟؟؟
والله مفيش دليل مادى والمتهم برئ حتى تثبت ادانتة
ايه نظرتك للدكتور أحمد زويل كرئيس لمصر ؟؟؟؟؟؟ (مع العلم أنه حاليا لا
يصلح للرئاسة بسبب جنسية زوجته )
معتقدش هيكون قد المنصب
علاقتك مع أختك ايه ؟؟؟؟؟؟ وممكن تحكيلها عن حياتك الشخصية وأسرارك
ولا لأ ؟؟؟؟؟؟
علاقة كويسة الحمدلله .. وهى مش بالسن اللى احكى معاها عن حياتى
الشخصية
ايه رأيك فى البرنامج ؟؟؟؟
برنامج كويس واسئلة كويسة
كلمة شكر ووفاء تهديها لمين ؟؟؟؟
لوالدى ووالدتى
كلمة أخيرة للأعضاء .الشرفين . الادارة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاعضاء : اتمنى يكونوا بيستفادوا من المنتدى ويحاولوا يفيدوة و يا ريت
المنتدى مش يشغلكوا عن حاجات اهم
المشرفين : المعظم مش مقصر وبيعمل اللى علية و بتمنالهم التوفيق
الادارة : يا ريت تكونوا قريبين اكتر للاعضاء و يكون التعامل اقل حدة واكثر
انصافا فى التعامل مع المواقف
أسعدنى وجودك فى حلقتى وانتظرو الحلقة القادمة دمتم فى رعاية الله
ميرسى جدا ليكى عاشقة الذكر
استمتعت باستضافتكـ ويارب تكون اجاباتى خفيفة عليكم
نورتنى بجد يا بشمهندس فى حلقتى
انتظرونا فى موعد مع الحلقة القادمة بإذن الله
عاشقة ذكر الله
مشاهدة ملفه الشخصي
إرسال رسالة خاصة إلى عاشقة ذكر الله
البحث عن كل مشاركات عاشقة ذكر الله