[Lαzєzα]

بخصوص ان اللى كان بيقول نشيل المشير كان بيتبهدل

ديه حاجه انا مشفتهاش

اللى انا شفته بيتبهدل اللى كان بيقول نشيل المجلس العسكرى كله

وللعلم انا كنت بايت فى الميدان يوم الجمعه اللى فاتت

وكان معايا واحد من اعضاء المنتدى كمان

وهو فارس الاحزان اساله هيقولك ان معظم اللى هناك بيطالبو باقاله المشير

وبخصوص المطالب بتاعه الاعتصام

فانا جايبلكم صوره من منشور لحركة 6 ابريل

وانا معايا نفس المنشور فى جيبى وكان بيتوزع يوم 8 يوليو



ديه المطالب الرسمية

اما المطالب الغير رسمية

هى اقالة المشير

وبخصوص حوار قناة السويس والمترو وقطع الطريق واغلاق المجمع

كل ديه وسائل من الضغط ع النظام

حتى ولو ما اتنفذتش واالا يمكن انها تتنفذ اصلا

بس بمجرد التلويح بيها النظام بيرضخ لمطالب الثوار

وما تنسوش ان لولا بداية العصيان المدنى مكنش عصام شرف غير تشكيل الوزارة والمحافظين

والا كان تم علانية المحاكمات والا كان حصل اى تقدم فى مسار الثورة

كل ديه وسائل للضغط وللعلم ديه بتحصل كمان فى كل دول العالم

وبخصوص انهم يستنو عليهم شويه

طيب مه الناس استنت بقالهم بتاع 5 شهور

وايه اللى حصل براءات وافراجات

ومش بعيد يطلع قرار يبرئ مبارك

ويكون الشعب هو اللى غلطان فى حقه

وعجبى...

تومام اوى كده
انا مش ليا دعوه بالمطالب اللى مكتوبه ع الورق
انا ليا باللى بيتقال ف الميدان نفسه
والناس بتهتف بيه؟
مهى المطالب الرسميه كلنا متفقين عليها
بس المطالب الغير رسميه
الناس مختلفه فيها
وانا قولت ف ردى اللى انت رديت عليه
الاراء اللى شوفتها هناك
بخصوص بقى الضغط ع النظام
طب محنا قولنا الاول الميدان مش هيتقفل
واتقفل
تضمنلى منين ان باقى الحاجات دى مش تتنفذ؟
ولو حركه 6 ابريل او ائتلاف الثوره
بيقول لا مش هنعمل كده
عامه الناس بقى اللى ف الميدان ؟
بخصوص الانتظار
طب احنا ايه اللى صبرنا 5 شهور؟
واول منفوق عايزيين خلاص كله يتنفذ دلوقت والا مش ماشيين من الميدان
معاك ان المجلس العسكرى وحكومه شرف اتأخرت ف المحاكمات
وكان لازم ننزل نقول كده
بس اهوه سمعنا وقال خلاص هننفذ
ايه اللى خلانا نكمل اعتصام؟
انا قولت نصبر اسبوع ولو رجع الحال زى الاول ننزل تانى