ومازالت الفضفضه مستمره بقلم حساس *** زمــان *** كلمات وإلقاء حازم عبدالعزيز *** غنوه مطلعها موال حزين *** *** زمــان *** / زمان قبل ما اقابلك كنت دايماً حاسس إنى فى ضيق مخنوق مهموم حزين مفيش أمان وكل يوم بيعدى تزيد عندى الهموم وأحس إنى بموت فـ بحر مخيف وعميق وغريق مليش فـ الدنيا قريب ولا حبيب ولا صديق ولمَ قابلتك صدفه فـ الطريق نسيت فـ عينيكى كل شئ إبتسمتيلى وإبتسامتك إبتسامه الملاك البرئ وكأن الدنيا إبتسمتلى وضحكتلى وفتحت إيديها ليا وحضنتنى وأنا من شده فرحى مش مصدق نفسى ومش عارف أوصف مشاعرى مش عارف أضحك ولا أبكى ولا أرقص وأغنى حسيت إنى بحلم حلم جميل حلم لأول مره أحلمه ملوش مثيل حسيت إحساس غريب حسيت إنى إتولدت من جديد حسيت إنى طفل صغير فرحان بزيه الجديد فى يوم العيد قولت لنفسى دا حلم ولا حقيقه ؟ وفجأه بصيت أدامى ملقتكيش حسيت بخوف ميتحكيش إلتفت بسرعه أشوفك فين عايز أشيلك فى نن العين لقيتك عنى بعيده ندهتلك بعلو الصوت ياجميله ياجميله جريت عليكى بكل لهفه وشوق وإتأملت فـ عنيكى البريئه وقولتلك بكل رقه وذوق إنتى بشر؟ ولا ملاك جاى مـ القمر؟ إنتى اللى غيرتى حياتى بنظره واحده من عنيكى إنتى اللى طول عمرى بتمناها وجمعنى القدر بيكى بحبك بحبك بحبك ياقمر وللفضفضه بقيه *** زمــان *** بقلم *** غنوه مطلعها موال حزين ***