[mohamed yousef]

اقتباسالمشاركة الأصلية كتبت بواسطة عيون تعشق الموت

أسئله هامه للنقاش

1 - هل تعتقد ان الذي ينسى ماضيه يكون له حاضر؟

الماضي جزء من الحاضر والمستقبل .. بجد مش متخيل انسان من غير ماضي له . مش متخيل انسانه قاعد لوحده عيني مش بتدمع من موقف مر بيه مع ناس غاليه عنده .. مش متخيل انسان قاعد لوحده ومره واحده تلاقيه بيضحك اوي زي المجنون .. علشان افتكر موقف مع صحابه في المدرسه او الكليه .. اجمل شي في الدنيا ذكريات الماضي

2-ما نظرتك للبنت ذات الملابس الخارجة عن الادب ؟؟

مش بيكون ليا نظره فيها اصلا لانها لا تعنيني بشئ .. هي لا شئ في الحياة

3- هل تحكم على اي بنت بمجرد النظر الي لبسها وماهي حدود الحشمة عندك ؟؟

احيانا بحكم الحكم ده لاني انسان .. لكن والله احيانا بلاقي العكس .. قابلت بنات كتير ايام الكليه لابسه لبس ضيق جدا واحيانا بيكون عريان .. لكن بجد كانوا افضل من بنات كتير مغطيين جسمهم وكانت تصرفاتهم مش كويسه .. احيانا البيئة اللي بتكون فيها البنت طالعه لابسها كده ..

اعرف بنت من اب وام مصريه اعرفها معرفه عن قرب .. اتولدت في دوله غربيه ورجعت استقرت في مصر بعد 18 سنه .. لبسها طبعا زي ما انتم متوقعين .. لكن تصدقي لو قلتلك انها عمرها ما صاحبت ولد لحد دلوقت زي ما البنات في مصر بتعمل .. وليها وجهة نظر في الحياة كده غريبه اوي وجميلة اوي .. اتمنى تكون وصلت وجهة النظر

4- هل لحشمة الملابس دور في احترام الفتاة ام انها قناع زائف لدى بعض البنات؟؟

قناااااااااااااااع زائف جدا لدى بعض البنات جدا جدا كمان .. ومش كلام في الهوا وشوفت بجد بعيني كده .. حجاب واسدال كمان .. وما خفي كان اعظم ..

5_هل تعتقد ان الشاب لايوجد شيء يعيب سمعته فليس له حدود في تصرفاته والفتاة محاسبه على كل خطوة؟؟

ازاي ؟؟ الشاب يعيب سمعته اخلاقه زيه زي الفتاه تماما .. زي ما البنت ليها سمعه .. اكيد الشاب له سمعه .. وسمعه الشاب هي اخلاقه وتربيته واخلاقه .. ومش كلام ع ورق بجد ..

6- هل يستطيع القلب استيعاب اكثر من حب في نفس الوقت ؟

لو بتتكلمي عن حب للجنس الاخر .. اعتقد انه مستحيل .. اكيد هو انسان مخادع ..

أتمنى أجاباتكم

واسف علي الإطاله .. لكن موضوعك شيق تحياتي