بقلمـــى
15\7\2011
(اقبل النقد)
ثوره ولا مثوراش
من أول الكلام
قولتوا ثورة .. قولنا ماااشى ...
راح التحرير إللى يدرى ... وإللى ميدراش
وقفنـــا ... متحركناش
هتفنــــا ... مسكتناش
صبرنــا .. مستسلمناش
صرخنــا .. متهزناش
أحتجينــا .. متعبناش
صمدنا .. متكسرناش
قولنـــا لمباركــ ..
كفاياك ظلم ... مسمعناش
قولنــا أرحل .... مرضـاشى
ناديناله ... معــبرناش
أصرينــا على موقفنا ... متفرقناش
فضلنا واقفين ... متهزناش
ياعم أرحل ..وماتدوخناش
رحل بعد ما نيم الشعب ... ميتعشاش
وبيقول إنه محرمناش
فقر .. وظلم .. وجهل
ظلمتنا .. ولا مظلمتناش ؟؟!
...............
وقولنا عهد جديد
وعام سعيد
هنبتديه .. بعيد مجيد
عيد ثوره الشهيد
......
وإبتدى محاكمه النظام
عز .. حبيب... علاء .. وجمال
ومبارك زعيم النظام
...
بقوا فى القفص .. محطوطين
وفى السجون... مرميين
وبالإتهامات .. ملبوسيــن
مهـو ربك العزيز .. الحكيم
...
لكن الكوسه ... يخرجوا سالمين
وعلى القواضى ... متحفظيـــن
طلعوا برآءه .. يامساكين
طب فين حق الغلابه الشقيانين؟
ولا الفقرا المحرومين
ولا الشهدا المقتولين
فين حق ظلم السنين
^^
ونهايه الكلام
كلمه بقولها للى مسمعناش
ثوره ولا مثوراش
ربك هو الحكم العادل