اسمك ايييه (( مجرد تعارف ))
مانتي عارفه يامشمش وعلي العموم مروه اي خدعه
هل انت تفعل ما تقوله هنا بالمنتدى ؟
والله بحاول
ماهو تقييمك لهذا المنتدى بصراحه ؟
بصراحه المنتدي حلو اوي
بس بصراحه فيه نقطتين مش عاجبني
1-اسمه بنات مصر لان فيه قرايابي اولاد لما اقولهم عليه يقولولي دا بتاع البنات
2-بصراحه مش لاقيه فيه مكان للسياسه خالص يعني اعتقد ممنوع الكلام في السياسه هنا
ما هو اقتراحك الذي تتمنى ان يحدث في هذا المنتدى ولم يحدث الى الان ؟
بصراحه فيه حاجه شوفتها في منتدي عجبتني ونفسي تتنفز هنا
1-لما تفتحي الملف الشخصي يكون مكتوب فيه معلومات اكتر عن الشخص علشان تعرفي انتي بتتعاملي مع مين
2-يكون فيه حاجه اسمها رسايل زوار غير الرسائل الشخصيه
3-يكون فيه قسم للمناقشه السياسيه
ما رايك بالزواج العرفي ؟
بصراحه رائئ ان الزواج العرفي ماهو الا صوره من صور الزنا
بس بيحاولوا يلاقولوه حاجه زي الغطاء يختفوا وراه
مارايك بزواج الرجل على زوجته؟
بصي هو الاسلام حلل الزواج باكتر من زوجه بس في حالات معينه
لكن لو الزوجه كويسه وعامله الي عليها ليه الزوج يتزوج واحده تانيه
في الحاله دي انا ضد
مارايك بالزواج عن طريق الانترنت؟
بصراحه افشل طريقه للزواج هي الي عن طريق الانترنت
لان كل واحد بيظهر للي بيكلمه مميزات كتير مش بتكون موجوده فيه
وغالبا بينتهي الجواز ده بالفشل
اعتذار تريد ان تقدمه لمن؟
لنفسي لاني ظالماها معايا قوي
حاساه انها عايشه حياه مش راضيه نها
ماذا ستكتب لنا لتعبر عن حياتك التي عشتها الى الان في كلمات قليله ؟
حياه بسيطه جدا احيانا فرح واحيانا حزن
( انت كل شئ فى حياتى ) لمن تقولها؟
رسول الله صلي الله عليه وسلم
أى الدول تتمنى ان تزورها؟
السعوديه وخصوصا مكه والمدينه
بماذا تقر وتعترف امامنا الان؟
اعترف امامكم اني سعيده لاني اشتركت معكم في هذا المكان
علي الرغم من كوني متعلقه بمكان اخر لااستطيع ان انساه
اذا تم تعيينك ملكا للبلاد العربية فما هو اول قرار سوف تتخذه؟
تكوين جيش قوي لتحرير فلسطين
حكمة تؤمن بها جدا؟
لا يغير الله ما بقوم حتي يغيروا ما بأنفسهم
ما اجمل اسم لولد واجمل اسم لبنت من وجهة نظرك؟
بصراحه انا بحب اسم احمد اوي بس نفسي اجيب ولد ان شاء الله واسميه حمزه لاني معجبه بشخصيه سيدنا حمزه جدا
اسم بنت بحبه: ياسمين
ماذا تفعل اول شئ اذا ربحت ملايين او مليونا عشان منكنش طماعين؟
هطلع منهم مبلغ صدقه شكر لله
هل تعتقد ان حظك سيئ؟
لا الحمد لله دايما ربنا بيديني الي بحتاجه
قطار حياتك الى اين يتجه ؟
قطار حياتي بيعدي ومش عارفه رايح بيا لفين
ما جريمة الحضارة من وجهة نظرك ؟
بصراحه فيه ناس فاهمه الحضاره غلط
فيه ناس دايما تبص لحضاره الماضي ومش بتفكر في المستقبل
حيوان تشعر انه مظلوم ؟
سوري الحمار فيه ناس كتير قوي ظالمه الحمار
اي يحد يعمل حاجه غلط يقولوا يحمار مع ان فيه ناس الحمار احسن منها
حقيبة اسرارك عند من تودعها؟
نفسي وبس
احد علماء النفس قال ذات مرة : أنه باستطاعة الانسان العيش من دون اصدقاء ..ماذا ترى أنت ؟
لا انا مش معاها ابدا مافيش انسان يقدر يعيش من غير مايكون له علي الاقل صديق واحد
أين تأخذك ذروة الغضب؟
بصراحه احيانا مابحسش بنفسي بعمل ايه في وقت الغضب الشديد
لماذا لم تصبح مشهورا؟
عمري ماحلمت اكون مشهوره لان الشهره زي ماليها فوايد
ليها عواقب وخيمه
وانا مش مشهوره علشان معملتش حاجه استحق عليها الشهره
متى يعاندك النسيان ؟
لما انجرح من حد بحبه اوووووي
متى يقسو قلبك؟
لما اتهان اهانه جامده اوي ماقدرش استحملها
هل حدث أن انتصرت على نفسك يوما وأحصيت عيوبك ؟
اه حصل معايا لما بكون صادقه مع نفسي
ما هو انطباعك عن السياسه؟
بصراحه انا ماليش فيها
بس شايفه ان السياسه في مصر من الحاجات الممنوع الكلام فيها
ياأما انتي عارفه الي هيحصلك
متى تخجل من نفسك ؟
لما اعمل شيئ يغضب ربنا
في زمن البحث عن المادة ،عن ماذا تبحث أنت؟
والله عمر مافكرت فيها الماده دي
انا ببحث عن نفسي يمكن الاقيها
بدل اسمك ماذا كنت تتمنى ان يصبح اسمك؟
لا اسمي عاجبني عمري ماتمنيت اغيره
ما رايك بجيل اليوم ؟
والله الجيل الايام دي فيه عيوب كتيره جدا
لكن فيه ناس بتحاول تتطور نفسها
هل هزمك حزنك في يوما من الايام؟
اه كتير
هل لديك الجرأه ان تقول عمرك أمامنا ؟
20سنه وشهرين واربعه ايام بالظبط
يعني عجزت انا عارفه
هل انت راضي عن نفسك ؟
الي حد ما لا
هل تؤيد الزواج العاطفي ام الزواج التقليدي ؟ ولماذا ؟
الزواج التقليدي اشعره اكثر امانا
هل انت مدمن تفكير؟
جدا ودي سبب كل مشاكلي
ما هو اكثر شئ تفكر فيه؟
حياتي
ومن اكثر شخص تفكر فيه؟
بصراحه مفيش شخص بعينه بفكر فيه بفكر في كل حاجه
ما رأيك بكاتبة الموضوع بصراحه ؟
مشمشمه حبيبه قلبي
مع اني مش اعرفها الا من فتره قريبه جدا جدا
بس بحبها موت والله
ونفسي اتعرف عليها اكتر
|