[غزاوية وافتخر]

شكرا ليكي انثي علي استضافتي لهيدا البرنامج المرعب وراح احكي قصة رعب صارت بس مش معي مع اخي اللي استشهد.. صلوا علي النبي وزيدوا صلاه؟؟انا اخي كان بيعمل بالحكومة الفلسطينية.. المهم السلطة بعتتوا علي الضفة الغربيه وهناك موجود منطقة اسمها جنين اعتقد الكل بيعرفها,, المهم صارت بجنين حرب كبري ومن شي 6 سنين وكان اخي متواجد بالحرب والمسؤول عنه حكالو انا بدياك تهدا حتي ترجع لاهلك سالم,,كان اخي الله يرحمو يسمع من هون ويطلع الكلام من هون..وصار هو واتنين من صاحبوا بيقاموا بالليل من ورا المسؤول وكان مستعد للشهادة لدرجة صور نفسوا صور بجد سبحان الله روعة روعة ..المهم لما كانوا بارض المعركة صار قصف بمنزل وكان المنزل موجود فيه مقاومين وكلهم استشهدوا حوالي5 شباب هلا اخي كان هارب من اليهود وبيجروا وراه بالشوارع راح دخل بالغرفة المقصوفة وواليهود ما توقعو انو يدخل بالغرفة..اصعب شي شافوا اخي الشباب الموجودين بداخل الغرفة كلهم اشلاء ودم بس وبات اخي الليل طول وهو محجوز بالغرفة لان اليهود كانو بنفس المكان..والصبح حكي لااصحابو عن اللي شافوا بس حكي اول مرة يشم ريحة عطر متل اللي شمها بالغرفة سبحان الله..وصار اشياء كتير ومنها انو نط من فوء البيت مكون من 3 طوابق ويومها ايدوا انكسرت؟؟ ومرة كان بيصلح بعربيتوا هوا وصاحبوا وهلا سمعو صوت الدبابه اخويا بص علي اخر الشارع شاف المدفعية باينة حكي لصاحبوا يلا بسرعة نهرب ماصولوا يادوب50 متر راحت الدبابة عاملة العربيه كفته.. وحاجات كمان غير هيك ووصل للموت الف مرة بس الله اراد انو يستشهد هون بغزة بعد غياب اربع سنوات وكان حاسس انو راح يستشهد لان رفض انو يتزوج ...وهيك انتهت قصة رعب اتعرض الها اخي