[عادل طه]

كان فيه راجل عجوز عنده ولد والراجل ده كان غنى جدا عنده دهب وياقوت والماظ وفلوس كتير جدا جدا
كان دايما يقف فى حى الفقراء ويوزع عليهم فلوس ويقول بمالى افعل ما بدالى
جه فى يوم قال لابنه انا خلاص هموت عايزك انت توزع مكانى الفلوس على الناس الفقيره
وتقول بمالى افعل ما بدالى ابنه قاله يعنى ايه يا والدى بمالى افعل ما بدالى
والده قاله يعنى بفلوسى اعمل كل شىء وعايزك متخافش الا من الله سبحانه وتعالى فقط
المهم الراجل مات وابنه كل يوم يقف فى حى الفقراء يوزع عليهم الفلوس ويقول بمالى افعل ما بدالى
وكان فيه ست عجوزه اوى كل شويه تقف فى الطابور وهو بيوزع وتاخد منه فلوس
الوزير وهو معدى هو وحاشيته لقى ناس كتير متجمعه قال لواحد من العسكر بتوعه
روح شوف ايه الزحمه دى وليه؟ راح العسكر وجه قال للوزير ده ولد مجنون عمال يوزع فلوس على الناس الفقيره
الوزير قاله روح اندهله راح العسكر وقال للولد كلم الوزير الولد قاله اللى عايزنى يجيلى
الوزير لما عرف راحله وقاله انتى مجنون اكيد انا جتلك اهو يعنى ايه بمالى افعل ما بدالى
الولد قاله يعنى بفاوسى اعمل كل حاجه الوزير راح قال للملك والملك قال للوزير اندهله
الولد قاله خلى المملك هو اللى يجيلى راحله الملك وقاله يعنى بفلوسى اعمل كل شىء
الملك قاله طيب ماشى انا عندى بنت واعتبر نفسك متجوزها من غير ما تشوفها
ولاذم تخلف منها بنت او ولد وقدامك 9 شهور ورينى بقى فلوسك هتعملك ايه
لو مبقتش حامل منك هقطع رقبتك وسابه ومشى
الولد بقى فى حيره ازاى هتكون حامل منى من غير ما اشوفها ولا المسها

؟؟؟؟؟؟؟؟؟؟؟؟؟؟
لو عاجبتكم القصه هكملها فى جزء تانى

الى اللقاء
عادل