[عادل طه]

اهلا بكم احبائى
مازلت معكم فى قصص وحكايات من الحياه
قصص واقعيه تحدث فى بعض بيوتنا
وانا فى الجامعه وقبل تخرجى كنت ولله الحمد محبوب من الجميع
وليه صداقات اخويه مع بعض الفتيات وكانت بعض الفتيات تحكى لى
ادق اصرارها سواء الرومانسيه او الاسرار المنزليه وهن على يقين
ان هذه الاسرار لن يعرفها احد مهما كان واقسم بالله ان محدش يعرف
هذه القصه الا انتم ناو
فى يوم من الايام جلست معى صديقه فى كافتريا الجامعه
وكانت تبكى بحراره هدأت من روعها وبكائها وقولت لها
مالك فى ايه بتعيطى ليه يا فلانه قالتلى مافيش يا عادل
قولتلها اوكى لو سر مش عايزه تقوليه بلاش
وقاعدت اهدى فيها وهى عماله تعيط بالمناسبه ابوها كان رجل اعمال
وكانوا ميسورين الحال جدا المهم طلبت ليها عصير ليمون من الكافتريا
لحد ما هديت خالص وقالتلى انا عايزه افضفض معاك واحكيلك سر
قولتلها شوفى يا فلانه لو مش عايزه تحكيلى ومش واثقه فيه بلاش
قالت بالعكس انا واثقه فيك وهحكيلك قولتلها اتفضلى بس لو حد جه
يقعد معانا هنغير الموضوع اوكى؟ ابتسمت بحزن وقالتلى اوكى عادل
فضلت ساكته ساكته وفجأه قالتلى بابا بيحب الشغاله بتاعتنا
قولت فى عقل بالى يادى النيله ربنا يقدرنا على المشكله دى
طبعا هى لاحظت انى سرحت ثانيه كدا وقالت طبعا اكيد بتستغرب صح؟
قولتلها هى مفجأه ليه على اساس ان باباكى رجل اعمال وكدا
المهم عرفتى ازاى انه بيحبها؟
قالتلى ماما كانت بتعمل عمليه زى ما انت عارف حتى انت لما عرفت
زورتوها انت وبعض الصديقات والاصدقاء وعملتوا الواجب وانا متشكره
قولتلها ياستى دا واجب علينا بس خلينا فى موضوعنا
قالت ماما محجوزه فى المستشفى بسبب العمليه ويمكن تطول شويه هناك
بابا اجل كل سفرياته عشان يبقى جمب ماما للأسف انا افتكرت كدا
وزى ما انت عارف انى وحيده فكنت انا وبابا والشغاله اللى فى البيت بس
لاحظت ان بابا مهتم جدا بالشغاله لدرجه لا تتصورها لدرجه انه بقى يشترى ليها اغلى الملابس
والبرفانات والدهب وغيره وغيره وهى بقت تهتم بنفسها جدا
من ناحيه النظافه الداخليه والخارجيه انت فاهم كلامى؟
قولتلها فاهم كملى قالتلى لدرجه انه كان بيجبلها الفوط الصحيه بنفسه
وفى يوم كنا ساهرانين بنتفرج على فيلم فى التلفزيون لاحظت عليهم انهم
عمالين يبصوا لبعض من تحت لتحت مع ابتسامه ونظرات كدا خبيثه شويه
وكان كابس عليه النوم ومش عايزه اقوم انام لقيت نفسى مش قادره خلاص
دخلت نمت وسبتهما مع بعض قبل الفجر بشويه صحيت ادخل التواليت
لقيتهم مع بعض فى وضع مخل وقاعدت تعيط تانى
بس هما مشافونيش دخلت اوضتى وقاعدت اعيط
الكلام ده يا عادل كان امبارح الفجر وماما قربت تطلع من المستشفى
ومش عارفه اعمل ايه فى المصيبه دى اواجه بابا ولا اقول لماما ولا اعمل ايه
انا قولتلها الحل
بس عايز اعرف ارائكم وحلولكم للمشكله دى
منتظر ارائكم للمناقشه بصدق وحريه واطاله