[اسير الحزن]

اول موااااااضيعى فى المنتدى هنا


هو عباره عن روشته لبدا العام الدراسى
يعنى ازاى هنذاكر من البدايه كده عشان ربنا يكرمنا
المهم دى بقى ((روشته طبيه مجانيه)) اقرا الروشته
كويس واذهب بها لاقرب صيدليه والوصفات الطبيه على مسؤؤليتى
اتفضلوا معانا بقى نشوف الروشته.......



1-فيتامينات مهمه جدا



شوف ياسيدى لضمان النجاح فى الامتحان لابد من تناول بعض الفيتامينات التى
اثبتت التجربه نجاجها حيث ينبغى تثبيت مكان وموعد المذكره اليوميه بقدر
المستطاع فذلك من اهم عوامل التركيز وثبات المعلومه فى الذهن بشرط
ان تكون المذكره على مكتب وليس اثناء النوم او الراحه على السرير....

((مش عاوزه شغل السرير والباطنيه ونخد الكتب فى حضننا ده مفهوم))


ومن الضرورى الحصول على راحه ذهنيه وجسميه كل ساعه او ساعتين
مذكره.......

(( يعنى مش تذكر ربع ساعه وتقول استرايح بقى اصلى عرفكوا ههههههههه,,))


وكمان خد بالك يجب الا يزيد عدد المواد التى تذاكرها فى اليوم الواحد
عن ثلاث مواد حتى لا تشعر بالتشتت......

((مش تلم كل الكتب اللى عندك وتفردها على السرير وكانك فليسوف
مش عاوزه المنظر ده))

هتذكر مادتين او 3 بس بشرط ان تذاكر الموضوع الواحد فى الماده الواحده
كله بدون اى تجزئه وتاكد من استيعابه تماما قبل ان تنتقل الى موضوع اخر او
من ماده الى اخرى.....

((اياك شغل اقرى الصفحتين واقلب ذكر بذمه بقى))

2-كبسوله قبل الاكل وبعده



خد بالك ياجميل المذكره الفرديه افضل بكتير ايام الامتحانات فهذا افضل للتركيز
استعدادا االامتحان وتجميع ماتم تحصيله من قبل .....


((بلاش شغل اللمه ده ورح اذكر مع اصحابى ونعقد نحكى فى كانى ومانى
ذكر فى بيتكوا منك ليها))


وننصح ايضا بعدم تناول الشاى والقهوه وكل المنبهات ايام الامتحانات او عند
الاستعداد لها.....


((بلاش نسكافيه والشغل ده معلش عاوز تشرب تعالى على نفسك واشرب عصير
بعد الامتحان ابقى اشرب اللى انت عاوزه انا قولت اهوا))


ولابد ان تنام ثمانى ساعات يوميا لكى تحصل على قسط وافر من الراحه الزهنيه
والجسميه تستطيع بعدها مواصله المذاكره.....


((مش عاوز شغل تكربس المذكره فوق دمغك وتسهر تذكر لحد يوم الامتحان قسم
وقتك يخويا منك ليه على قد متقدر ))


3-حقنه فى العضل



لازم يكون الو المحيط بيك مناسب للمذاكره وان يكون مريحا يمتاز بالهدوء
وافضل مكان للمذكره هو غرفتك الخاصه .....


((مش تجى وسط الظيته والظمبليته والزحمه وتذكر ادخل زى الشاطر كده
اليور روم واقفل الباب وذاكر مع نفسك))


عدم الاكثار من تناول الوجبات الخفيفه بشكل مستمر والاعتماد على السكريات
فقط ......


((بلاش شغل الدليفرى دى فى الامتحانات اصلك مش عاوز تعطل نفسك
وتعمل اكل لا قضيها اى حاجه عصير وكده))

4-عمليه فى السريع



عقارب الساعه تمر سريعا ساعات ويبدا الامتحان تلك هى الليله الاخيره
ولابد من استغلالها الاستغلال الامثل خواطر تبادر وتجول باذهان الطلاب ليله
الامتحان ومابين الخوف والقلق والترقب والاهتمام واللامبالاه يعيش
الطالب فى انتظار اللحظه الموعوده.....


عشان كده بنصحك بضروره الاعتماد على الله اولا واخيرا وتجنب الارهاق الذهنى
والنفسى والحرص على النوم المبكر وتجنب السهر والحرص على تناول وجبه
الافطار متكامله العناصر قبل الذهب للنه الامتحان لان الحرمان من الغذاء يؤثر
سلبا على الحفظ على ان يكون توقيت الذهاب للجنه الامتحان منضبطا مع
موعد بدء الامتحان مع تفادى مناقشه الزملاء فى الماده او الاجزاء مهمه
والاسئله المتوقعه لان ذلك يؤدى الى البلبله والارباك ....


((مش عاوزه تعقد نسال بعض ذاكرت ايه وايه المهم وايه المتوقع
انت عملت اللى عليك وذاكرت سبها لربنا بقى))


كذلك بعد الخروج من اللجنه وبعد الانتهاء من الاجابه يجب عدم مقارنه او
مراجعه الاجابه مع احد بل يجب الاستعداد لليوم التالى....


((مترجعش خالص انت فهم منك ليها اللى تكتب اتكتب خالص المراجعه
مش هترجع ورقه الاجابه فكر فى اللى بعدوا))

5-جلوكوز على الماشى



جاءت اللحظه الحاسمه ودخلت قاعه الامتحان ماذا تفعل؟؟
حلم حياتك وهدفك امامك تعل الايام السابقه وسهر الليالى فلا تقلق
((ان الله لايضيع اجر من احسن عملا))
لا تنسى قبل حل الاسئله الاستعانه بالله والتوكل عليه ثم اقراء كل التعليمات
والاسئله الوارده فى ورقه الاسئله قبل الشروع فى الاجابه واذا احتوت ورقه
الامتحان على اسئله اختياريه فمن الافضل قراءه الاسئله قبل الشروع فى
الحل وقد يندفع الطالب الاابه بسرعه وهى عاده قاتله ,, لان عاده
ما يخطى فى قراءه السؤال او يسئ فهم التعليمات واذا كانت الاجابه تعتمد
على السرد((تعبير او شرح فقره))فمن الافضل ان تحدد النقاط الاساسيه
تضمينها فى اجابتك وهذه الطريق تساعدك على عدم تجاهل اى نقطه اثناء
توقف الكتابه....


6-مبروك ياباشا العمليه نجحت



اصحابك بقى فى الجامحه بقى بيقولولك شد حيلك عاوزين نتيجه مشرفه
علشان تعرف تقضى الصيف معانا ونكون فخورين بيك...