السلام عليكم ورحمة الله
تحية رقيقة تليق بكم أحبتى
تحمل معها
تليق بكم جميعآ
عـــلى جــــدار القـــلب محـفـــور رسمهـا
*****
صـــورة جميلة لبنت رقيقة مفيش أخــتها
*****
بنت عــاشت كتير فـ خــيالى أحــلم بحُبها
*****
أحترت يا ما أزاى أحـــدد ملامــح شكلها
*****
لــون العيون والخــدود وسواد شعرهـــا
*****
وكنت ناسى أجـمـل مــا فـيها طيبة قلبها
*****
وفى يوم لقيتها جريت عليها أطلب ودها
*****
صرخت بأعلى صوتى قلت ياناس بحبها
*****
حــد يجى ياخد بأيدى يقـربنى من نفسها
*****
حـد يشهد على كلامى أنى بعشق قُُربها
*****
زى طفل مستنى أمـى أترمى فـ حضنها
*****
ترتاح عــيونى وتنام عـــلى أنغام قلبها
*****
منفعش معاها الكلام ولا سابت صمتها
*****
عملت فيها روميو وعنتر طـالب قربها
*****
وهى شيفانى وحسانى عاشق سحرها
*****
لـكن بتبعد بعيد مــن خوفها على قلبها
*****
وهى عـارفة أنى شارى لنور شمسها
*****
وحلم عمرى أعيش الحب تحت ضلها
*****
معرفش لية بتهرب مـنى بكتر صمتها
*****
وكل يوم أشوف الحيرة بتسبق دمعها
*****
أكتشفت الحقيقة وعــرفت أية سرها
*****
مسكت فيها أكتر وكان بيزيد رفضها
*****
أتوسل أليها ودمـوعها على خـدها
*****
قالت أبعد واحـدة كفيفه ممكن تحبها
*****
قــلت أه وجنة حـياتى فى قربى منها
*****
قالت كلام يالله سلام سابتنى مع حلمها
*****
دعواتى للجميع بدوام السعادة
*****
مع تقديرى وأحترامى
****
عصام
***
3-9-2011