 مسرحية كلام البنات
 مسرحية
كلام البنات
من تأليف
زهرة الفردوس
من على جانب المسرح يدخل الشخصيات الى المسرح
ملك : السلام عليكم
سعاد: وعليكم السلام يا ست البنات
ملك: ست البنات ! في حاجه يا سعاد اليوم انتي مش طبيعيه احكي
سعاد: أنا !
ملك: أه انتي انتي صحبتي من زمان واحنا اصدقاء في حاجه انتي فرحانه اليوم كثير ايه اللي حصل احكي
سعاد: هوه انا فعلا فرحانه بس مش ينفع احكيلك انا مش ناقصه عقدك
ملك: انا معقده والله انا بحبك يا سعاد وصحبتك اللي بتحبك هيه اللي تخاف عليكي احكيلي بس وممكن اساعد يا ستي
سعاد: النهارده وانا في الجامعه عارفه الولد اللي دايما يقعد في البنج الثالث ده
ملك: ولد ايه يا بنتي انتي عارفه بدخل المدرج مش بشوف حد مش مشكله ابقى ورهولي بكره
سعاد: ماشي حبيبة قلبي انتي
ملك: فيه اييييييييييييييييييه ايه الكلام الحلو ده لا فعلا الموضوع في حاجه !
سعاد: انا هحكيلك اهوه اصبري انتي بس عاليه
ملك: اسمه ايه الولد ده
سعاد: اسمه مدحت
ملك: مدحت اهااااااااااااااااا واخبار ايه سي مدحت ده
سعاد :حاضر بصي انا عارفه انك متدينه وممكن تعصبي عاليه بس والله والله مش بأيدي
ملك: قلقتيني عليكي يا سعاد وبعدين ايه متدينه دي حببتي انا عادي واقل من العادي احكي بقى
سعاد :النهارده مدحت جيه كلمني وقال ليه
انه معجب بيه كثير وبحبني وعاوز يتجوزني
ملك: مش في مشكله حببتي ما دام هيجي البيت وفي الحلال خلاص ربنا يوفقك فين بقى العقد مش في اي عقد ولا حاجه
سعاد : اصله اصله .........
ملك: اصله ايه اتكلمي
سعاد :لسه طالب ومش ينفع يكلم والده دلوقتي
ملك :خلاص حببتي لما تتخرجوا يتقدم ليكي ومش في اي مشكله
سعاد :احنا فعلا اتفقنا على كده
ملك: اتفقتوا ! شكل الحديث طول مع بعض
سعاد: هنبتدي العقد بقى
ملك: عقد! طب كملي لما اشوف اخرتها معاكي ياجوليت
سعاد: احنا اتفقنا نعرف على بعض اكثر في السنين
اللي هنكون فيها مع بعض في الكليه همه سنتين وبس عشان اعرفه اكثر
ملك: تعرفيه اكثر اهاااااااااااااااا!
سعاد: ايوه هوه جواز ولازم اعرف هيناسبني والا لااااااااااا
ملك :وانتي يا حببتي متأكده انه مش بيضحك عليكي
سعاد: ايوه عينيه مش بتكذب
ملك :الله الله الله هيه فيها عنيه انتي شفتي عنيه
ولون عين رميو ايه يا ست جوليت
سعاد: مش تستهزقي بيه
ملك: استهزق حببتي انا وانتي معروفين اننا مش بنكلم ولاد مش تضيعي صدقتنا عشان الاخ مدحت ده
سعاد: ايه اللي هيضيع صدقتنا
ملك: انتي عارفه اني بمشي معاكي كثير ومش بسمع لاي حد من البنات اصحابي يقفوا مع ولاد
سعاد :اعمل ايه بحبه يا ملك
ملك :حب ايه ده يا بنتي هوه عشان قال ليكي بحبك خلاص تحبيه ده بيلعب بيكي عشان يثبت لنفسه انه راجل وان البنت اللي مش بتكلم ولاد كلمتني ومش بعيده خالص انه متراهن على الولاد عليكي
سعاد: مش تقولي كده لو سمحتي مش هسمح اي كلمه تتقال على حبيبي
ملك: حبيبك !
خلاص يا سعاد بقى حبيبك
كل ده عشان قال ليكي بحبك
خلاص بقيتي سهله بقيتي اسيرة كلمة حب
سعاد :انتي مش هتفهميني بقالنا سنتين في الجامعه مع بعض انتي معقدها انتي مش راضيه حتى تسيبي نفسك تعيشي وتشوفي الدنيا
حتى يوم الرحله اللي رحناها مع بعض رفضتي تاخذي ميه من ولد رغم انك كنتي عطشانه
وقلتيلي هتبتدي بميه
انتي معقده والكل عارف كده
ملك :انا معقده يا سعاد خلاص هيه دي وجهة نظرك فيه
والله انا خايفه عليكي ومش هحاسبك على الكلام ده
سعاد :انا اسفه انا قلت الكلام اللي كل البنات بتقوله
عليكي
ملك: البنات بيقولو كده غيرنين مني لاني احسن منهم مش بكلم حد كل اللي بيقول كده نفسه مره يشفني واقفه مع ولد وانتي نفسك طول عمرك تقوليلي انك بتحبيني عشان كده
سعاد: طب عارفه ليله اتجوزت واميره اتخطبت ومرفت الاصغر مننا هتتجوز الاسبوع الجاي بالطريقه اللي انتي ماشيه بيها دي
هتعنسي ومش هتتجوزي على الاقل سيبك نفسك تتكلمي
ملك: والله يا سعاد ان مكنشي اللي اتجوزه يكون مثلي مش راح اتجوز
سعاد: خلاص عمرك ما هتتجوزي وانتي عاوزاني اكون زيك مش اتجوز وبتغيري مني
ملك : مش كنت انتظر منك انتي الكلام ده وانتي اكثر واحده عارفه كام مره يحصل ليه مواقف زي موقفك وانتي عارفه انا كنت بعمل ايه
واخرها السنه اللي فاتت
سعاد: عارفه عارفه الولد اللي استغل عدم وجودك في السكشن وسبلك رساله بيقول فيها انه بيحبك ونفسه انك توافقي عاليه
ملك : وعارفه كان رد فعلي ايه
سعاد :عارفه رد فعل بنت تضيع ولد ممتاز زي محمد كل البنات في الدفعه بيحبو وكلنا غيرنا بسبب اللي حصل طب كنتي ارفضي وخلاص
مش تخليه يتحول لمجلس تأديب
انتي فعلا معقده
ملك :لا حببتي لو كنت رفضت من غير ما اعمل اي موقف ممكن كان يقرر الموضوع ولازم يعرف اني مش معجبينوا لو انتم كلكم بتحبوا شكلوا الوسيم انا ما بيهمني غير الدين وده مش متدين غير انه هدفه نفس هدف سي مدحت واللي فشلو يعملو معي هيعملوا معاكي سعادارجوكي ارجعي دول بيضحكوا عليكي
سعاد: بصراحه يا ملك احنا خلاص سنتين وهنتخرج وهنقعد في البيت وان مكناش نلاقي عريس دلوقتي
مش هنتجوز ابدا لاننا مش هنخرج والولاد مش لقين شغل احنا هنلاقي
ملك: حببتي نصيبك هيجيلك لو عمر ما حد شافك ولو مش بتخرجي خالص
سعاد: بس ربنا قال اسعى يا عبد وانا اسعى معاك
ملك: حببتي أولا لا يجوز اللي قلتيه دي مقوله خطا حببتي المفروض نقول اسعى يا عبد وتوكل على الله
وده مش موضعنا الان
انتي فاهمه الكلام خطا
سعاد: فهميني الصح فهميني عجبك اللي بيحصل حولينا ده كل البنات اللي في دفعتنا كلهم بيحبوا وبيتحبوا وعايشين ليه عاوزه تحرميني من المشاعر دي
ملك :احرمك ! سعاد انا تعبت معاكي ولازم اثبت ليكي انه كذاب
سعاد: هتعملي ايه
ملك: أشوفه الاول
سعاد: حاضر لما نشوف اخرتها معاكي
بكره مش تنسي في كام محاضره كنت عاوزها وهبقى اخليكي تشفي حبيبي
ملك :حاضر بس لو سمحتي بلاش كلام حبيبي ده معايه
سعاد: حاضر مش هقول انه حبيبي ده نور عيني
ملك: طيب براحتك انا هصلي قيام ليل النهارده وهدعي ربنا ينور بصيرتك
مع السلامه
سعاد :مع السلامه
انتهى الجزء الاول من المسرحيه
ان شاءالله سوف أقوم بتنزيل الجزء الثاني اذا أعجبكن االأول
اختكم في الله
من تأليف
زهرة الفردوس
الجزء الثاني من مسرحيه
كلام البنات
|