[morshooo]

بسم الله الرحمن الرحيم

[IMG]http://upload.***************************/files7/12994129071.gif[/IMG]

اهلا ومرحبا بكم

وحلقة جديدة من برنامجكم

اجمد عضو

الفترة الاخيرة يمكن كان فى احداث كتيرة فى المنتدى

وكان لازم نعرف اسباب هذة الاحداث وياترى الادارة

واخدة بالها من الاحداث دى والا لا عشان كدا كان لازم يبقى

معانا حد من ادارة المنتدى ويمكن الفترة الاخيرة كان كل الاداريين

مش متواجدين الا قليل جدا ومكنش قدامى غير .

الادارية صاحبة المجهود القليل بالمنتدى

[IMG]http://upload.***************************/files7/12994129071.gif[/IMG]

من وجهة نظر بعض الاعضاء الى مش عارف بيقولو كدا لية

والادارية دى دائمة التواجد فى

اجمد عضو :243:

وهى

misho :vb20:

اهلا بيكى

زى ما عارفين فى بداية الحلقة بنشوف مع بعض

عناويين من اللقاء

[IMG]http://upload.***************************/files7/12994129071.gif[/IMG]

misho : انا حاسة بشوية كسل او نوم فى المنتدى عشان مفيش افكار جديدة بتطلع

الاداريين كلهم موجودين ومتابعين كويس ولكن ساعات بيحصل ظروف بتبعد الادارة عن المنتدى

موضوع تركيب البنرات مالوش دعوة بوجود طارق او احمد لان انا وحنون موجودين وبنركب البنرات .

الحب الصامت تواجدة قليل جدا فى المواضيع لانة مهتم بنشر المنتدى وعلى فكرة هو واخد بالة من كل حاجا

لو فى نقد صحيح لادارة المنتدى وفى صالح المنتدى هنكلم فية ونوصل وجهات النظر غير كدا كلة فى الفاضى

الهجوم الى حصل عليا انا وحنون مازعلناش خالص لسبب بسيط ان احنا عارفين مجهودنا كويس فى المنتدى

اقول لحنون المنتدى مايقدرش يستغنى عنك لانك ساهمتى بشكل كبير فى المنتدى لحد ما بقى بالصورة دى

بنحاول ننظم قوانين الاقسام الادبية وهتكون بالاتفاق مع مشرفين الاقسام

قسم الخواطر لوحدة دا منتدى والاعضاء الى فية دخولهم مقتصر علية فطبيعى يبقى فى مشاكل

احنا مش هنمسك فى الاعضاء ونقولهم استنو وحكاية الى يسيبو المنتدى دا موضوع مش بحبة

اسئلتك حلوة ووضحنا شوية حاجات والبرنامج مميز طبعا ومقدرش ارفضلك طلب لانك المحاور المميز

[IMG]http://upload.***************************/files7/12994129071.gif[/IMG]

ودلوقتى تعالو نشوف

الحوار الرائع

س / فى البداية اهلا بيكى فى ( اجمد عضو ) ؟

الله يخليك يا احمد

س / فى البداية عايز اعرف وجهة نظرك للمنتدى الفترة الحالية ؟

ماله المنتدي زي الفل اهو

بس عشان اكون صريحة معاك انا حاسة بشوية كسل او نوم شوية في المنتدي والنشاط مش عارفة

ليه او يمكن مفيش افكار جديدة بتطلع وتظهر كدة

بس ان شاء الله قريب هيبقي في نشاط في المنتدي وفي كل الاقسام

ودة طبيعي عاما وقت هتلاقي المنتدي نايم ووقت هيكون فيه نشاط

س / الفترة الاخيرة يمكن شوفنا احداث كتيرة جدا فى المنتدى هبدأ معاكى بأدارة المنتدى ؟ فين ادارين المنتدى حاليا ؟

موجودين والله كلهم ومتابعين كويس اوي كمان

بس ساعات بيحصل ظروف ما الاداري دة انسا طبيعي يعني

بيحصل عنده ظروف ممكن يغيب بسببها شوية او نشاطه يقل حبة بس بيرجع تاني

طارق كان غايب من اسبوع لظروف عنده بس رجع اهو

و غياب احمد الكل عارف بسبب شغله وظروفه الخاصة وهيرجع بقوة ان شاء الله قريب

وانا غبت شوية برضه وكان غصب عني بس رجعت وموجودة

و حنان موجودة علي طول معانا ان شاء الله

شفت بقي الادارة كلها موجودة :clap:

[IMG]http://upload.***************************/files7/12994129071.gif[/IMG]

س / تقريبا دخولكم قليل جدا واعتقد ان دا من اهم اسباب انخفاض مستوى المنتدى الفترة الاخيرة ؟

حرام عليك يا راجل قليل جدا فين دة

لا يمكن علي فكرة تقعد مثلا يوم واحد من غير ما اداري فينا يدخل

دي لا يمكن تحصل

و بعدين مستوي المنتدي مقلش ولا حاجة

وعمر المستوي ما يقل لان الادارة مش بتشارك مثلا

لانك كدة بتظلم الاعضاء

المنتدي ماشي بالاعضاء اصلا

س / انا شايف ان قلة دخول طارق وعدم دخول تيكنيكال بيأثر على المنتدى بشكل كبير جدا ويمكن بيضعف من مستوى المسابقات المواضيع الهامة بسبب على الاقل تركيب البنرات ؟

مش فاهمة موضوع تركيب البنرات دة

ما لو طارق او احمد مش موجود

انا وحنون موجودين اي بنر بيطلب في صوت الاعضاء بيتركب علي طول

لكن غيان احمد وطارق اكيد بيأثر طبعا بس زي ما قلتلك

كل واحد وليه ظروفه الخاصة

س / الحب الصامت يمكن قليل المشاركات جدا عايزين نعرف دورة اية معاكم فى الادارة والا هو مكلفكم انتم بالادارة ومالوش دعوة بحاجا ؟

هيثم يمكن تواجده في المواضيع قليل جدا عن زمان

لكن هو طول الوقت اكيد بيحاول ينشر المنتدي اكتر

عن طريق مواضيع بينزلها في اقسام معينة وكتابة كلمات دلالية

عشان البحث في جوجل

هو اهم حاجة عنده نشر المنتدي ويبقي علي طول بيظهر في البحث

و علي فكرة هيثم واخد باله من كل حاجة وعارف كل حاجة في المنتدي بتحصل

لئيم برضه الواد دة ميغركش انه مش بيدخل كدة :vb8:

وبعدين دراسته اكيد بتشغله ساعات او دقايق يعني :bb5:

[IMG]http://upload.***************************/files7/12994129071.gif[/IMG]

س / الفترة الاخيرة كان فى هجوم على الادارة من بعض الاعضاء ويمكن انتى دخلتى ووضحتى الامور ان هجومهم من غير اسباب ؟ تحبى تقولى اية فى الموضوع دا بما انك من الادارة ؟

بص انا مش بحب كلمة هجوم علي الادارة دي

مش اي نقد انت بتبصله اصلا

لو نقد حقيقي وبيتكلم للصالح وبطريقة عقلانية ومنطقية

هنتكلم فيه ونحاول نوصل وجهة نظرنا

غير كدة كله في الفاضي

يعني في ردي علي الموضوع اللي تقصده

اني مش عايزة كلام عام هاتلي كلام محدد ووقائع حصلت

غير كدة يبقي انت بتخمن

س / الهجوم الى حصل عليكى انتى وحنون وانكم زى ما بيقولو كدا ( مالكوش دور فى المنتدى ) او دوركم محدود جدا ؟ الكلام دا زعلك والا لا ؟ واسة الاسباب ؟

و الله ابدا لا زعلني ولا زعل حنون

لسبب بسيط اننا عارفين ان مجهودنا مش قليل ولا حاجة

وبعدين مش مطلوب مننا كل ما نعمل حاجة نيجي نقول

الحقوا شوفوااحنا عملنا ايه

س / يمكن شوفنا من يومين توبيك من ( حنون ) انها حابا تنسحب من المنتدى ؟ فى البداية تحبى تقوليلها اية ؟

اقولها المنتدي ميقدرش يستغني عنك ابدا

انتي من الناس اللي ساهمت كتير اوي هنا لحد ما بقي بنات مصر

بالصورة دي

يبقي حرام تبعدي عنه

س / حاولتى تكلمى مع حنون فى الموضوع دا والا لسة ؟

اه اتكلمنا في الموضوع بعد ما نزلت التوبيك علي طول

و انا اللي دخلت رديت علي الناس بطلب منها

[IMG]http://upload.***************************/files7/12994129071.gif[/IMG]

س / تفتكرى سبب ترك حنون للمنتدى كان بسبب تقليل مجهودها فى المنتدى زى ما اتقال من بعض الاعضاء ؟

خالص طبعا حنان مش بتفكر كدة نهائي

ولا عمر الكلام دة هياثر في حد فينا خالص لانه مش منطقي

اي حد بيجيله وقت بيتعب ومحتاج راحة شوية ويبعد عن كل الناس

مش اكتر بدليل انها منورانا اهي من تاني

س / بصى انا عارف ان مجهودكم كبير جدا ويمكن غير واضح للجميع ؟ فياريت توضحيلنا انتى بتعملى اية اول لما بتدخلى المنتدى ؟

بص يا سيدي من اول دخولي المنتدي انا ممكن الاقي في اليوم اكتر من عشر تنبيهات

تخيل بقي كل واحد يكون فيه ايه

من تغيير اسامي لتزويد مشاركات لتغيير القاب

دة غير قسم الشكاوي ربنا يخليه لينا يارب

وحل المشاكل وانك تتكلم مع المشرفين لو مشكلة تخصهم

وبعد كدة قسم صوت الاعضاء لو فيه حاجة جديدة نازلة او حاجة

و ممكن فعلا في اليوم مقدرش ادخل ارد علي مواضيع عادية

او مثلا ارد علي مواضيعي انا حتي

س / هنروح لمشكلة تانية حصلت وهى ( قوانين الاقسام الادبية ) ؟ فى اية حصل فى الاقسام الادبية ؟

والنبي انا قلت انك عامل الموضوع دة كله عشان السؤال دة :busted_red:

هي مشكلة بالمعني المفهوم

بس هي محاولة تنظيم مش اكتر

عايزين يكون في قوانين محددة للاقسام الادبية متتغيرش بالاتفاق مع كل المشرفين بس

س / انا ملاحظ ان كل فترة بيحصل خلافات فى الاقسام دى مع ان المفروض انة من اهم الاقسام فى المنتدى ؟

قسم الخواطر لوحده دة منتدي

الاعضاء اللي فيه بيكونوا معروفين ودخلوهم تقريبا بيكون

مقتصر علي التواجد هناك

فطبيعي من كل فترةوالتانية هتلاقي شد وجذب كدة بس في الاخر كله بيبقي تمام

[IMG]http://upload.***************************/files7/12994129071.gif[/IMG]

س / اية حكاية تفصيل القوانين على مزاج مشرفين الاقسام الادبية ؟ يعنى بحس ان كل قسم مشرفة بيفصل قوانين على مزاجة ؟

مش تفصيل بس كل مشرف بيكون مقتنع

بشئ معين وشايفه هيفيد القسم

وطبعا المشرفين هناك عددهم كبير فصعب ان كلهم يقتنعوا بحاجة معينة

عشان كدة بنحاول نوصل لقوانين معينة ومحددة للكل

س / ازاى عايزة توحدى قوانين الاقسام الادبية ؟

لان اصلا القوانين كلها بتدور في مكان واحد

مع الاختلاف بس ان فيه قسم لا يسمح بالمنقول

يبقي نحدد قوانين بصيغة واحدة افضل

س / طيب انا حابب اعرف حاجا بس يعنى اية عضو ينزل توبيك واحد فقط كل 48 ساعه فى قسم ؟ دا على اساس انة مثلا زى القسم العام مليان مواضيع ؟

موضوع طرح خاطرة كل يومين في قسم الخواطر

دة لسة قانون احنا بنتناقش فيه

قسم الخواطر عليه اقبال كبير جدا فعلا

لكن فيه مشرفين رأيهم كدة وفي مشرفين رايهم

خاطرة كل يوم فقط

انت رأيك ايه :082:

س / لية ماتعملوش النظام دا فى العام يبقى موضوع واحد فى اليوم لكل عضو مثلا بلاش 48 ساعه دا ؟

في القسم العام كمان هنحدد المواضيع

اظن هتبقي صعبة شوية

اصلا نص القسم العام منقول

لكن انت بتتكلم في اقسام ادبية

معظم اللي فيها بيكتب بقلمه وبيتعب في اللي كتبه فعلا

و موضوع المدة لسة مش اتأكد

[IMG]http://upload.***************************/files7/12994129071.gif[/IMG]

س / طيب انا حاسس كدا بمشكلة كبيرة فى الفترة القادمة بين مشرفين الاقسام الادبية ؟ واتمنى مكونش صح ؟

ههههههههههههه لا يا اخويا مفيش مشاكل

يعني مفيش حلقة جديدة من اجمد عضو :vb27:

ههههههههه وحياتك هيتعمل قريب كمان وختشوفى :Sport-006:

س / هنروح لظاهرة جديدة بالمنتدى وهى ترك الاعضاء للمنتدى ؟ يمكن فى اعضاء كتير سابو المنتدى انتو كاادارة اكيد واخدين بالكم من الحكاية دى ؟ عايزين نعرف هتعملو اية ؟

هو احنا هنمسك في الاعضاء ونقولهم لا استنوا والنبي

بص يا احمد موضوع اني اسيب المنتدي دة

موضوع انا مش بحبه اصلا

لسبب العضو يحصل معاه مشكلة معينة او خلاف مع عضو

يروح علي طول يقول انا هسيب المنتدي

طب لو فيه خلاف ابعت للادارة واكيد هيتحل

لو الادارة قصرت ابقي سيب المنتدي

لكن ميكونش السبب تافه وملوش معني

وبعدين فيه ناس بتحصل معاها ظروف معينة وشخصية

بضطر وقتها تبعد عن المنتدي

دي منقدرش نقول حاجة

وبعدين ما اكيد هيجي يوم كلنا هنسيب المنتدي

س / تفتكرى اية اسباب ترك الاعضاء للمنتدى ؟ مشاكل شخصية بين الاعضاء والا اية الحكاية ؟

ممكن تلاقي مشاكل بتحصل بين الاعضاء

بس المفروض المنتدي ملوش علاقة باللي يحصل علي الميل

وممكن ظروف عند الشخص

ما فيه ناس بمجرد ما بتسجل محدش بيشوفها تاني

س / تفتكرى وجود فى اجمد عضو فى الوقت دا كان مهم ؟

اسئلتك حلوة واهو وضحنا شوية حاجات

س / سؤالى المعتاد اية رائيك فى البرنامج ؟

انا قلت رأيي فيه قبل كدة اربع مرات ههههههههههه

مميز طبعا

س / اخيرا وافقتى على تلبية الدعوة لية ؟

انا اقدر ارفضلك طلب

دة انت المحاور المميز

يعني قبل ما اوافق او ارفض

بكون عارفة ان نوعية الاسئلة مختلفة

[IMG]http://upload.***************************/files7/12994129071.gif[/IMG]

وبكدا تنتهى حلقتنا النهاردة

اتمنى ان تنال اعجابكم

انتظرونى وحلقة جديدة من

اجمد عضو

تحياتى

morshooo

[IMG]http://upload.***************************/files7/12994129071.gif[/IMG]