[رنين]

اولا موضوع مهم جد استاذ خالد
بس انا نفسى مش نخلط بين المؤامره وبين ارداة شعب فعلا
وعلى فكرة انا عندى وجهة نظر فى الجزئيه دى
يعنى مثلا انا لو عطشانه وعايزه اشرب وجه واحد حرامى قالى فى زجاجة ميه فى المكان الفلانى
وفى ناس كتير شايفه نفس الزجاجه مروحش اشرب عشان الحرامى قالى كدا
لا!!!
انا اقصد بتشبيهى دا ان ممكن تكون مؤامره طيب فين عقول الشعب
شعوبنا العربيه مش قليله بس لو انت شايف ان حال البلد عندك فعلا مش تمام وفى تدهور ليه متققمش بثورة عشان تغير النظام
واكبر دليل ان الانظمه عايزه تتغير ان لما الشعب بيقوم بثوره بيقلتوهم !!!!
فى دستور مين الكلام دا والكلام ان دل على شىء يدل انهم انظمه هشه كل ما فى بالها السلطه فقط
اسفه على المقدمه الطويله دى بس لو حبيت ادخل فى القضيه الاساسيه عن كلامك بخصوص دول الخليج
انا شايفه انها بلاد ممكن يكون النظام فيها كويس ومهتمه بشعبها واكيد هنلاقى هناك ناس فقيره
بس هل تقوم الثورات للفقر فقط؟؟
انا احيانا بشعر ان لو لابد قيام ثوره فى الدول العربيه وخاصة دول الخليج فلا بد قيام ثوره على الخرس العربى لحكام تلك الدول
ثوره على التشتت والتفرقه
ثوره على المواقف السلبيه ال جعلتنا لا نشعر بقيمتنا كعرب
ولكن عند التحدث عن الوضع الاقتصادى اعتقد انهم كتله اقتصاديه قويه وبينهم مصالح مشتركه
فليس من مصلحة احد الدول ان يقوم فيها ثوره فتؤثر على اخرى
ولكن يبقى السؤال فعلا لماذا تقوم الثورات!!!!

اسفه على الاطاله وارجو ان يكون مرورى قيم كما يستحق موضوعك
بالتوفيق دايما وربنا يحفظ بلاد المسلمين جميعا