[SiLver Spectra]

زي ما ذكرتلك هي بترجع للشعب
في شعب عايز ياكل و يشرب و ينام و في شعب عايز يشارك في اتخاذ القرار و يقضي على الفساد و المحسوبية و الواسطة و احتكار السلطة في يد حفنة من الاشخاص

الحكومات الخليجية بتستغل الطائفية لتنفير الشعب عن التفكير في اي ثورة
بمعنى انه لما يطلع واحد معارض يقولك دا شيعي
و بيبقى سني
اجبلك مثال بسيط جدا


فهي العملية مش عملية فلوس
يعني مثلا انت بلد غني جدا يجيلك الحاكم و يقولك انا نص الثروات ليه و الباقي وزعوه عليكم
دا منطق!!
نفرض مثلا انت بلد بيترولي ثرواته هائلة نفرض رقم زي تريليون دولار في السنة
الحاكم و الحاشية بتاعته تاخد نص تريليون و تدي للشعب نص تريليون
دا منطق!!
يفرق ايه عن حاكم تاني بيحكم بلد موارده اقل شوية نقول مثلا نص تريليون و بياخد هو الربع مع حاشية و بيدي للشعب الربع التاني!!
هي نفس المعادلة و نفس الديكتاتورية و نفس الفساد
بس واحد معلقته بتغرف اكتر شوية عشان هو غني بالبيترول

مافيش علاقة بين الديكتاتورية و الامن
يعني الدول الي فيها ديمقراطية مافيش فيها أمن!!
ما عندكم اكثر من 100 نموذج على مستوى العالم دول ديمقراطية و فيها امن و فيها تعددات فكرية و طائفية و عادي جدا
يبقى دي ذريعة بتستغلها الانظمة الخليجية تقولك : الحق ايران حوش شيعة

و دا الي حصل للبحرين انهم حولوا الثورة لمؤامرات و أجندات ايرانية و خلوا فعلا الشعب يكون طائفي
لأنك انت كحكومة لما تعذي الطائفية, الطائفية هتنموا فعلا و هتكون واقع

عندك نظام سوريا بيحاول يقنع شعبه بالاجندات و المؤامرات الخارجية و بالجماعات المسلحة
بلاش سوريا عندك مصر
الي هي اول بلد اخترع وسيلة مقاومة الثورة بس اخترعها مؤخرا
كانت الثورة خلصت عالنظام ,,كان قاعد يقولك اجندات و صهيونية و امريكية و كلام فارغ
دلوقتي بعد نجاح الثورة تسمع الكلام دا تضحك عليه

فكانت ايران دي طوق النجاه لحكام الخليج انهم يعلقوا عليها نظريات المؤامرة
و طبعا سياسة ايران كانت غبية جدا ,,بدل ما يلتزموا الصمت عشان ماحدش يستغل تصريحاتهم راحوا ينددوا و يشجبوا في البحرين
فهما عملوا نفسهم شماعة مثالية
و طبعا سقوط نظام البحرين بيهدد باقي انظمة الخليج و دا الدافع الي خلاهم يتحركوا بقوة لوقف احتجاجات البحرين
و لو بحثت عن التعديات الي ارتكبتها قوات درع الجزيرة عاليوتيوب فحدث بلا حرج و كلها اشياء صوت و صورة ,, شبيهه بشبيحة سوريا
و خلي بالك دي كلها شهادات من البحرينيين
فيعني كل الانظمة العربية ديكتاتورية قمعية بس في انظمة تحت رجليها بيترول و انظمة تحت رجليها مايه ما بتجبش فلوس :cv25:

فالفكرة مش انك تعمل ثورة يعني تعمل فوضى
فكرة الثورة انك تعمل ثورة عشان تتخلص من القمع و تتحرر و تشارك في اتخاذ القرار و تشارك في الحكم
بمعنى انك لما تقول (ازاي تجيبوا بن علي و تتستروا عليه في بلدنا و هو مججرم و سفاح و مطلوب للعادلة ) ماحدش يعتقلك و يقولك انت بتعادي النظام

على مر التاريخ الناس كانت بتموت بالملايين في حروب عشان ايه؟
عشان الحرية
حرية يعني ايه؟
يعني أنا زي زي ابن الملك الفرق بيني و بينه هو الكفاءة و العمل
مافيش حد على راسه ريشه
و لا انسان مقدس
و هي دي مبادئ الاسلام الي علمهالنا
ان الملك يكون من عامة الشعب مش عايش في قصور
لأن الملك لله فقط

لو انت في بلد حقوقك مش نفس حقوق ابن الملك فاعرف انك في بلد مستبد ظالم فاسد
و خلص الكلام