السلام عليكم كيفكون
هدون بعض المصطلحات حتى اذا اعدتو مع شي حدا سوري تفضلوا....
(بيناتنا)
للتشويق ، وتستخدم كمفتاح للدس والنميمة.
( مالك علي يمين)
بداية لكذبة من العيار الثقيل لا تنزل بميزان أو قبان
.
(وحياتك عالغالي)
دعوة مبطنة لقصف عمر المتلقي .
(بدك الحق ولا ابن عمه)
اعتراضية لتمرير كذبة بالحجم العائلي وبحرفية عالية .
(إلك ولا للذئب)
لتحريض النخوة ، وتهيئة المستمع نفسيا لدفع خوة أو دين .
(يا مرحوم البي)
يجوز استخدامها كموسيقا تصويرية ولزيادة جرعة الإثارة ولاستدرار العواطف
(مالك بالطويلة)
فاصل منشط محشور ضمن حكاية أطول من سيرة أبي زيد الهلالي.
(محسوبك)
للمنفخة والاستعراض .
(انس الموضوع)
ضوء أخضر لفضح المنم عليه بكل وسائل الاتصال المتاحة
(الله يستر عليها)
لازمة في نهاية كل وصلة لنشر عرض بنات الحارة وصديقاتهن وقريباتهن
وأنسبائهن .
( سيدي ما علينا)
شارة معتمدة في ختام مسلسل نميمة من ثلاثين حلقة .
(مع احترامي إلك)
و غالبا تعني ( يا ...) بطريقة مهذبة .
اشتهيناك معنا ))
للنكاية ، ويجوز استخدامها بدلا من ( مثل قلتك ) أو بالناقص منك .
(آخ لو كنت معك)
يعني كنت ايدك اليمين وحياتك عيونك .
(أنت لسه ما بتعرفني)
تستعمل للمداراة على البهدلة وسواد الوجه .
(ما كذبتلك خبر)
تأكيد على كذبة متوسطة المدى
وأي ترجمة لاي مصطلح تكرم عيونكون
تحياتي لجميع اختكم نانو