[أبو حاتم]

عــــــــش كثير وشف كثير ولا تستغربي *** في زمان كل شيء يمكن به يصـــــــــير
شفتنا منه الهوايل صحــــــــيحا وأجربي *** المنايا أسبابها يقودها سلــــــــك الحرير
قلب خلك ماسك طاعة الله وش تـــــــــبي *** لا تغرك مغريات الدهر ثم تســــــــتديـــر
لو تخفا ما كتبلك ما منـــه مــــــــــهربي *** أجتهد في طاعة الله وصف لهــا الضـمير
أترك اللي طــــــــــــاعته لله ذا ومذبذبي *** لا لذا ولا لذولاك في قلبــــه خشــــــــــــير
من يطيع الله هو أخير لونه صلبــــــــــي *** ومن عصا الله طاح قدره ولـونه الأمـيــر
منهج التوحيد والحنبــــــــــليه مذهـــــبي *** ما شي منهج صحابي عوام بن الزبــــير
أزاحم أهل الخير في طاعة الله بــــــركبي *** أرجي اللي عند رب يواعدبــه فقــــــــــير
يالله يالمطلوب يارب حقـــــــق مطلـــــبي *** طالبك خفف علينا من حساباًََ عــــــســـير
نحمد اللي حطني مســلم الديـــن عربـــي *** ماجعلني كافر مسكــــنه في زمــــــــهرير
أنت ياللي غرك الوقت عن دينك غبـــــي *** غافل مير أنتبه وش لا مـت بيـــصـــــــير
أركان ربك خمسه حطها فــي مقضـــبي *** من مسكها بشره النبي بكل خيـــــــــــــــر
كلـــــــنا عيــال آدم وآدم مــن تربــــــــي *** وأمنا حوا خلقها الله من ضلـــع قصــــــير
ماكوني كون فارقتنا أمي هـــي وأبـــــي *** وماكوني كون فارقتنا أخـــوي الكــــــــبير
جعل أمي فالجنة يوم حققت لي مطــــلبي *** مطلبي خدمتناها صـــغيرا وكبــــــــــــــير
أترك الدكتور وأسأل من الناس مجربـــي *** التجارب برهنت أن مجربهــا خبــــــــــير
المعاني وارده جـــــــــاهزات لطـــلبـــــي *** لو صلتني الأوله قمت أرد المــستذيـــــر
رصها وفصالها والله أنــــــــــه بشنبــــــي *** في معانيها القويه لاشير ولاســتشـــــير
ماعشقت البيض خوف على العرض الأبي *** كون بالحلال معشوقتي جتلي عـــشـــير
من المناقيد أحمد الله نضيـــــــــفا اسلبــــي *** ما خبرت أحدا نقدني كبر حبت شــعــير
شيء به ربح وشيء راس مالي مكســــبي *** السلامه راس مالي وشدادي و البعـــير
وش أسوي من قريبي قصيري عقربــــــي *** سمها يلدغ وهي في الخفا وسط الجحير
والختام تمام واللي قصــــــده مــــــهذبـــي *** في زمان كل شيء يمكن به يصيــــــــــر
قلمي