اخوى ابو حاتم اهديك هادى الكلمات تقبلها منى دوم بلخير سلام صافي صادر من خفى الروح=من شاعر شعره تزاحم بالاحساس
على غزال فيه يستعذب البوح=توي شباب ومنه صرت أشيب الراس
جادل شمطري ريم ظبي طمح طوح=صقر نداوي هيلعي طير قرناس
غرو غرير غر مغرور مملوح=حلو حليل حالي حاله قياس
ظبي إلامن طل ينسيك ما النوح=وما مثل حسنه يا عرب بالفلا داس
زوله ليا دبر كما الغصن بالدوح=وان كانه أقبل يا عرب هب نسناس
من شفت زوله خافقي صابه الفوح=مدري سحر والا هو العشق يا ناس
والعشق مثل السهم والقلب بوضوح=مثل الهدف اللي تبدى على الساس
وان كان سهم الحب صابت خفى الروح=ما عاد ينفعنا نصايح من الناس
والعشق سهمه أودع القلب مجروح=وذابت عليه الروح وأعلنت الافلاس
بالمختصر خذ بيت يختم لك البوح=بيت يجسد حالتي وسط قرطاس
روحي وروحه روح ممزوجه بروح="وقلبي معه لا شفت جسمي مع الناس"
وترى باب الرديات مفتوح للي تعجبه القصيدة.. خيك عاصم بن يازيد وهج الشموس
|