[عادل طه]

اهلا بكم احبائى
فرق كبير جدا بين عايش ومتعايش
عايش
بمزاجى راضى عن الدنيا اللى انا فيها
راضى عن كل حاجة بعملها تصرفاتى بتاخد اذن منى قبل ما اعملها
مرتاح حاسس ان انا فى الدنيا عايشها مش هى اللى فيها مش هى اللى عشانى
من الاخر راضى عن نفسى

متعــــــــايش
مفيش اى حاجة بمزاجى
الظروف مفروضة عليا بعيش فى الوضع اللى لقيت نفسى فيه
متعايش الدنيا زى ما هى عايزانى اعيش فيها مش زى ما انا عايز اعيش فيها

بقضى ايام مفروضة من عمرى انى اقضيها
ومش بتقضيها بمزاجك لاء
بتقضيها زى ما تيجى
زى ما الدنيا عايزاك تقضيها


انا شايف ان كل انسان يقدر يكون عايش بأنه يرفض الوضع اللى مش عاجبه
غير انه يكون ضعيف ويرضى بالوضع ويبقى اسمة متعايش ملوش حق غير انة ياخد نفس ويخرجه

شايفة ان كل انسان يقدر يبرمج عقله زى ما هو عايز

يكون عنده اراده يقول مش عايز اعمل كذا يبقى مش هيعمله دى الاراده

عايز اعمل كذا افضل مصمم انى اعملها دى الاراده بس تكون صح

عيش الدنيا زى ما انت عايز تعيشها مش زى ما الدنيا عايزاك تعيشها

متنساش انت اللى عايش فيها مش هى اللى عايشه فيك

هل كل انسان فعلا يقدر يبرمج عقلة؟؟؟ انت تقدر انتى تقدرى؟؟؟ لو متقدرش لية متقدرش؟؟؟

عايش الدنيا ولا متعايش فيها ؟؟؟