 منذ /10-15-2011, 07:48 PM
|
#2021 |
مشرفة قسم حواء سابقا
| 
اولا الحلقه جميله جدا الاجابات احسن من الاسئله بتفق معاك جدا يا كبرياء فى تقديرك واحترامك لبابا شنوده بجد انسان بمعنى الكلمه قلبه على الكل وعامل توازن فى مصر بطريقه كبيره وكان له دور كبير فى اننا نبعد عن مشاكل كتير وزاد احترامى وتقديرى له فى موقفه ضد الاقباط الامريكان كلامك ان المشكله بين الحكومه والاقباط فعلا عندك حق ال كان بيحصل لا شغل مسلمين ولا اقباط ده كان شغل امن دوله منهم لله ما كان مهما موجودين احنا بردو حصلتنا مصايب زى العباره وقطر الصعيد صدقنى المشكله مشكلة حكومه مش مشكله مسلم وقبطى العباره مفرقتش بين مسلم وقبطى بس الحكومه محسبتش المسئؤل عن الحادثه حكومه فاشله ومازلت فاشله فى راى كلامك ان المناهج فيها قران واحاديث بصراحه استوقفتنى النقطه دى يا كبرياء يمكن ده بحكم اننا بلد مسلمه فعلا ومحدش يقدر ينكر ده وخد بالك الايات والاحاديث كلها كلام مش موجه يعنى يعنى احاديث عن العمل وجزاءه عن السلام والتسامح ومش هتلاقى فى القران او السنه حاجه تسىء لاى حد طبعا انا مش قصدى اننا هنلاقى كدا فى الدين المسيحى بس تقدر تقول كون اننا بلد مسلمه طبيعى ان يكون ده منهجها واكيد بردو بتلاقى كلام عن الوحده الوطنيه ال احنا بناخده منذ نعومة اظافرنا والقران فى سورة اسمها مريم وسورة ال عمران والاتنين بيتكلمو عن السيدة مريم وسيدنا عيسى عليه السلام يعنى مش المقصود ف المناهج اى حاجه وحشه بيكون محتوى للدراسه وتعلم درس معين واما بنيجى نتكلم عن الدين بقى بيكون كل واحد بيدرس دينه ليا بقى تعليق اخير انت نفسك يا احمد لما حبيت تروج للبرنامج قولت حوار مع شاب قبطى تفتكر ده لفت النظر اكبر يعنى انت عملت نفس الغلطه ال بيعملها الاعلام ال هو مسلم وقبطى لو كنت قولت حوار مع كبرياء رجل اعتقد ان هياخد الموضوع نفس الاهميه مش معنى كدا ان كونه قبطى ده حاجه وحشه ولا حاجه لا مش قصدى طبعا انا بتكلم ان كان نفسى تقول حوار مع عضو معانا وهو كبرياء رجل صدقنى كنا هندخل بردو ونتابع لانه مش عضو قليل فى منتدانا وكونه انه يقول انه قبطى او لا ده مش هيأثر كتير فينا لانه هيفضل مصرى واخونا طبعا وعمرى ما حسيت وهو بيتعامل معانا ان فى حاجه غلط يعنى ^_^ انسان بيعيش ويتعايش طبعا انا رغيت كتير جدا بس ده من عشمى يعنى الحلقه كانت جميله ومنورانا دايما يا كبرياء قولنا اسمك بقى  ) وربنا ما يجيب ابدا زعل ولا فرقه بينا وبنعزى نفسنا عشان المصريين ال ماتو وباذن الله حقهم مش هيروح ويارب ال جى يكون احسن ^_^ تحياتى للجميع بالتوفيق يارب
|
|
| |