[رنين]

السلام عليكم ورحمة الله وبركاته
انا تقريبا حاولت اقرا معظم الردود واعذرنى انى مقدرتش اقراها كلها لان تفكيرى اتشتت شويه واظن ان ده هيبقى حال اى حد يقرا كل الكلام ده

دلوقتى حضرتك جى تعرفنا بالسلفين وانهم اهل السنه والجماعه
وكلمة سلف جايه من ال قبلك يعنى
وطبعا ده يشرفنا اننا نكون ولو ذرة منهم وبنحاول على قد ما نقدر نقتدى بيهم والله المستعان

فين المشكله بقى؟
مش محتاجين يعنى كل الجدال ده عشان نقول اننا بنتبع السلف على قد ما نقدر

انت على اى اساس تقارن السلف بالصوفيه والشيعه
طيب ما بردو احنا عارفين ان دول بيخالفو االدين الاسلامى بكل المقاييس
ومحدش قال نقتدى بيهم
اظن ان الموضوع مش فى مكانه يا اخى
الموضوع ده يترد بيه على واحد عايز ينشر الفكر الشيعى ولا الصوفى ولا البهائى
ال اى مسلم حتى لو مش سلفى >>اى ينتمى لجماعة السلف الموجوده حاليا
هيعترض جدا على الفكر ده وهيحاول يصححه
سعتها بقى ترد عليه بالفكر ده وتقوله ايه الصح وايه الغلط

اعتقد ان الموضوع فى حد ذاته مفهوش مشكله قد ما الردود هى ال بتين حاجات مش باينه فى موضوع حضرتك

المكشله بردو انك اقتصرت الاسلام فى فكر معين وده مش صح
اذا كان عندنا اربع مذاهب وعمر ما حد شكك فى واحد فيهم
يا اخى احنا مش محتاجين حضرتك تقول انتم سلفين رغم انفكم لان اى مسلم صادق بيحب دينه هيحاول على قد ما يقدر يتببع السلف الصالح

فى جماعه اخدت كلمة سلف وبتنشر بيها افكار واعتقد انها بتشوه للصحابه رضى الله عنهم

اسمح لى اقتبس كلام بسيط من ردك

اقتباس الأخوة السلفيين الأن يدعون إلى عدة نقاط محورية هامة منع التعرى فى الأفلام اوليس ذلك ما أمر به الله ورسوله ؟ تطبيق الشريعة قطع يد السارقورجم الزوانى وجلد غير المحصنين منهم اوليس تلك الشريعة الإسلامية النهىعن التمسح فى المقابر والأضرحة اوليس هذا ما أمر به الله ورسوله

الاخوه السلفين ال هم مين بالظبط؟
يعنى مين ال حضرتك تقصدهم
اظن يعنى ان مفيش مسلم بقى سواء سلفى ولا اخوانى ولا عادى كدا مش تحت قسم معين
بيدعو لاى حاجه من ال فوق دى

بس يا اخى سؤال عايزه اطرحه
هل صلحت البلد ولم يتبقى الا الاضرحه؟
هل توفرت كل وسائل المعيشه والرخاء فلا يوجد اى حجه لمن يسرق حتى يأكل وبذلك يتم تطبيق حد السرقه عليهم؟

لماذا لا يبدأ هؤلاء الاخوه بالبناء وننؤجل حديثنا عن قطع اليد وهدم الاضرحه ال انى يأتى وقتهم
او لنقل نبنى دوله اسلاميه صحيحه اولا؟

اظن ان من ينفر بعض الناس عن تلك الجماعه التى تاخذ كلمة السلفيه عنوان لها
هو حديثها المستمر عن الهدم والقطع فقط!!!!

تانى اقتباس

اقتباس نتمسك بالكتاب والسنه فهذا هو دستور المسلم من أهل السنة والجماعة

اليك شعار جماعة الاخوان المسلمين








اعتقد ان مفيش فرق اهو؟؟؟
الكل مجمتع على نفس الفكره ولا ايه؟؟

واخيرا
إلا ملة واحدة قالمن هي يا رسول الله قال ما أنا عليهوأصحابي



يارب نكون كدا فعلا ومش هقدر اقول غير اللهم اعنا على ذكرك وحسن عبادتك

وفى حديث بس اعذرنى نصه مش على بالى دلوقتى
بس معناه ان فى حد سأل الرسول عليه الصلاة والسلام
ايه هى اركان الدين الاسلامى فالرسول قاله عليهم
فالراجل رد قال مش هعمل غير دول
فالرسول عليه الصلاة والسلام قال دخل الجنه ان صدق

ربنا يجعلنا واياك ممن يسمعون القول ويتبعون احسنه

واخيرا اشهد ان لا اله الا الله وان محمد رسول الله
لعلها تكون صادقه فتدخلنى الجنه

كل احترامى لحضرتك