[SiLver Spectra]

أنا معاك لبكرا الصبح مافيش مشاكل و هنرد عليك بكل قوة
انت الي مش عارف ترد بعقل
اذا كنت بتقول مش بتجيب ادلة فانت كل كلامك بتجيب احاديث و آيات عن السلف الصالح ,,و مفكر ان السلف الصالح هما السلفيين
مش عارف يمكن ربنا انزل عليك الوحي و قالك انكم مذكورين في القرآن
أنا بقى بكلمك بالمنطق و العقل
شيوخ المذهب السلفي و الوهابي شيوخ جبناء منافقين آراءهم السياسية تنقصها المبادئ و بالتالي ليسوا هم السلف الصالح لأن السلف الصالح ليسوا بهذا المبدأ
و ذكرت لك عدة اسباب من الحاضر تعري و تفضح فتاويهم و تخاذلهم

اقتباس لكم عندى خمسة مداخلات تبداء بعد تفنيد جميع المشاركات المتعدد ولن يتم الرد على إى مداخلة قبل الأنتهاء من الردود ووضع نقاط الموضوع الأساسية واتحدى أن أجد لديكم القدرة على الرد

أمال احنا بنعمل ايه من الصبح!!
دا انت الي مش عارف ترد بعقلانية و بمواقف في الحاضر تثبت انك على حق
كل الي بتعمله هو انك كوبي و بيست لأحاديث عن السلف الصالح
طيب فين الحديث الي بيقول ان شيوخ الجاماعت السلفية هي السلف الصالح؟
فما تعدش تفرق و تضحك على نفسك و تقول اتحداك ترد انت الي مش عارف ترد
و حجتكم قرعة

اقتباس ولنرى من اللذى يهرب ومن اللذى يضع كلمات بلا أدله

أدلتي اقوى منك خمسين مره
أنا أثبتلك من الحاضر انهم مش سلف صالح لموالاتهم للحكام الطغاه
عندك تعليق او تقدر تتكلم؟
فتاويهم المتناقضة زي تحريم طفل الانابيب و بعدين تحليلها
تحريم الصور و بعدين ظهورهم في الفضائيات
سكوتهم عن القواعد الامريكية الي بتقصف المسلمين بالرغم من انهم مش بيسيبوا حاجه في العالم غير و بيتكلموا عنهم
عفوا يا اخي دول مش سلف صالح
عارف انها صدمة بالنسبالك بس طالما في مبادئ اساسية ضاربه و فاسده يبقى مش هو دا النموذج المثالي للسلف الصالح , ان كنتم بتقولوا ان الأزهر سابقا كان مفتي النظام , فالوهابية هم منافقي الامراء و الملوك و يفتقرون لأبسط مبادئ العدالة الاجتماعية و المساواة بين افراد الشعب
و السلفيين ايضا في مصر ايدوا هولاء الامراء و الملوك و هم في الاصل متتلمذين على ايدي الوهابية
اقوى من كدا دليل ايه؟
اتحداك انت تقدر تعارض و ترد على كلامي
و لا انت الدليل عندك يعني تعمل كوبي لحديث او آيه مالهاش علاقة اصلا بجماعة السلفيين زي ما مافيش آيه لها علاقة بالاخوان المسلمين
ماتكونش انت جبريل و لا حاجه!!
تعالى كدا و ناقشني و كلمني بالعقل و قولي مواقفك ايه
مش تلبس نفسك احاديث و تشتغل نفسك و تشتغلنا

اقتباس أسمع أيها المدير العام أعلم جيداً لماذا تحمل الأمر على كاهلك لأننى رددت عليك فى موضوع لك وأعتقد أن الرد لم يروق لك لأننى لم أجاملك كحال الكثيرين من الأعضاء

دا انت مش بس بتقرأ نية ربنا و عرفت تحدد مين السلف الصالح و مين الي هيدخل الجنة
كمان عرفت تقرا نيتي
ما شاء الله عليك ,, عايزك تعرفلي كدا و تبشرني بالمستقبل بتاعي
وضعي هيبقى ايه بعد خمس سنين:762:

شوف يا أخي ,,عشان تعرف ان تفكيرك محدود
أولا أنا و لا اعرف ايه هو الموضوع الي انت رديت عليه دا و ردك مش عجبني
و ربنا يشهد على كلامي , و لا في دماغي اصلا
اذا كنت مفكر تفكيري صغير كدا بالسطحية السازجة دي ,,لا اطمن أنا دماغي اكبر من كدا بكتير,,و عندنا اعضاء و مشاغل كتيره
فياريت تتقي ربك كدا و ما تسيئش الظن لأن بعض الظن اثم
يبقى انت كدا ارتكبت معصية ,,شوفت بقى انت مش سلف صالح ازاي :biggrin:
أكيد السلف الصالح ماكانوش بيسيئوا الظن

اقتباس فكيف تريد منى البقاء بين تلك الأعمار الصغيرة التى ما زالت فى عمر الزهور أنت نفسك ما زلت تدرس بكلية الطب حسب معلوماتى وما زلت صغير السن جميع مداخلاتك واهيه بعيدة عن الأساس كحال ردود الأغلبية العظمى كل حديثك عبارة عن أنشاء كأننا فى حصة مدرسية

ايون , صغيرين في السن عشان تكتب عن ديانات اخرى و ذكرتلك ان الطرف الاخر وقتها حقه يكتب عن دينك زي ما بتكتب عن دينه و دا شيء اكيد مش هيرضي أغلب الناس ,,لما حد صغير يشوف مواضيع تشكيك في الملة
و لا انت عندك اعتراض؟
لو عايز تتكلم عن النصرانية و تنشر كرهك فبإمكانك الذهاب لموقع آخر
مواقع الفتنة كثير

اقتباس أين دلائلك من قول علماء الأمة فى نقض ما وضعت لا شىء

أنا ماشوفتش منك أي دليل بيقول ان محمد حسان أو محمد عبد الوهاب أو غيرهم من شيوخ الجماعات السلفية هي السلف الصالح!!
كل ادلتك احاديث بتتكلم عن السلف الصالح لكن مافيش اقرار أو دليل بيوضح ان السلفيين في القرن الواحد و العشرين هما السلف الي مذكورين في القرآن
و أدلتي وضحتهالك من القرن الحادي و العشرين
مواقف بتثبت ان مبادئكم السياسية فاسده في موالاة حكام طغاه
و غيره من الاحكام و الفتاوي العجيبة المتشددة
السلف الصالح الي مذكورين في القرآن أكيد أشرف من كدا
أكيد مش جبناء و بيخافوا يتكلموا عن الحاكم
و أكيد ماكانوش بيفصلوا الدين على مقاس الحاكم

اقتباس أنت تعودت على أن الجميع يجاملك ويشيد بما تضع من كلمات منتقاه ولكن أعلم أننى لا أجامل إى مخلوق مهما كان ومنصبك لا أعيره إى أهتمام لأنه لا يعنينى كثيراً ولهذا لا تتوقع أن أجاملك فى إى مشاركة

دا بقى الي اسمه جهل واقعي
جهل بمعنى عدم معرفة ,,لو روحت لقسم اليوميات و بحثت شوية هتلاقي مواضيع انتقاد كثيرة جدا ضد الادارة و ضدي انا شخصيا
مواضيع لا تعد و لا تحصى منها الي كنت بطلب من البعض ادخالي بها لمعرفة العيوب و منها الي كنت بطلب من اعضاءها نقدي و منها الي الاعضاء لواحدهم بينتقدوني
و مستعد اجبلك عشر مواضيع منهم حالا تقرأهم براحتك
و آخرهم مناظرات الانتخابات الادارية
كان من أول الاسئلة المطروحة لكل المرشحين عيوب سيلفر و سؤال اخر عن عيوب الادارة
يبقى لما تقول اني بدور على الثناء و الشكر فدا بيوضح جهلك و حبك في النقد مش اكتر
كل كلامي بيكون واقعي و انت كل كلامك شعارات لغوية مش اكتر

اقتباس وأعلم أن جميع المعترضين لو أجتمعوا على مناقشتى ما هربت منهم مطلقاً

عارف ,,لان احساسكم انكم شعب الله المختار بيولد عندكم كبرياء
اي حد يعارضكم تتهموه بالجهل ,,في حين ان لو جبت الاتنين و قولتلهم فكروا هتلاقي التاني بيفكر احسن من الشخص الي حافظ مليون مره

فأنا عامة مش منتظر منك ليونة و قبول الراي الآخر
أو حتى مجرد تفكير

اقتباس لأنكم وبكل بساطة فى المقام الأول لا تحملون إى مرجعية دينية تدعمون بها مشاركاتكم وهذا واضح من جميع الردود السابقة

الي واضح من الردود اننا بنحمل مراجع كثيرة اشمل من مرجعك الوحيد الي هو الفكر الوهابي
و ذكرولك آيات و ذكرولك مقاطع للشعراوي
المرجعية لينا أشمل لأننا بنتحدث باسم الاسلام
أما مرجعيتك فهي أضيق و تتحدث عن فكر وهابي
و أعتقد الخلاف بينا و بينك مش خلاف على أدلة لأن أدلتك زي ما ذكرت ما بتدلش على ان السلفيين هما السلف الصالح
و الا لو العملية عملية مسميات يبقى انا من بكرا هعمل جماعة و هسميها مش السلفيين لأ جماعة السلف الصالح و هقولك هات دليلك ان دا مش أنا
بلاش دي
أنا اسمي طارق صح
((و السماء و الطارق))
أنا الي مذكور في الآية
يا أخي بلاش نكون بالسذاجة دي

مش انت الي هتحدد و لا غيرك الي هيحدد و لا اي عقل بشري هيحدد مين هيدخل الجنة و مين هيدخل النار
و مين هو السلف الصالح المقصود
لأن السلف الصالح مش مجرد بس ناس بتعبد ربنا بشكل جيد
لأ كمان مواقفها فيها رجولة مش جبن و خوف و تزوير في الدين
عندي مليون دليل في الحاضر عن ضعف مبادئكم في العضر الحالي و تخاذل كبار مشايخكم

اقتباس الأمر الثانى صغر السن مما يدل على قلة خبرتكم فى النقاشات الحيوية ذات الطابع الدينى

و الله بنرد عليك بكل قوة انت الي بتلف و بتدور و مش عارف ترد
بس الظاهر عندك الدين عبارة عن نقل و كوبي و بيست
مع ان الدين في الاصل فلسفة و فكر
((افلا تعقلون))

اقتباس شعرت بالظلم منكم بعد حذف التوقيع كامل مع أنه كان يمكنكم حذف الصورة المخالفة وحدها بل تماديتم بحذف الصورة الرمزية أيضاً فهل هذا تسلط وظلم منكم أم أنكم تتحلون بالعدل بين الأعضاء من يأتى على هواكم فهو حبيبكم ومن يعارضكم فالويل له

طالما وجد فيها شيء مخالف يبقى مالكش حق تقول ليه تم حذفها
التوقيع و الرمزية بيحذفوا بالكامل بضغطة زر في حالة وجود ما يخالف بهم
و دا وضحتهولك , بس انت طبعا بتعنتك مصر على انك مظلوم و دا شيء متوقع من سلفي

اقتباس ولله الحمد لم نهرب يوماً فى مواجهة من هم أكبر منكم سناًَ وعلماً بل نذهب لمنتديات النصارى والملحدين لنرد على الأباطيل حول القرآن والسنة

كلك ذوق و الله
بس دايما الصغير هو الي بيتهم و بيشتم غيره و بيقوله يا صغير
و الكبير الي بيجاريه و بينفضله :biggrin:

اقتباس رآيت أتهامات باطلة لا تستند على دليل وتحديت فيها من يضعها ولم أرى منهم جواب عليها بل تعدوها فى مشاركاتهم وتغاضيت عنها بمحض أرادتى

عايز دليل على ان السلفيين منافقين و غير عادلين؟
قول الشيخ محمد حسان ((أحيي مبارك لله)) و عدم تفوه اي شيخ سلفي بكلمة ضد الفساد أو النظام المتسلط في عصر النظام السابق بل و أنه سخر من المظاهرات!! و منهم من حرمها و منهم من حرم العمل السياسي
و موالاة ايضا في احدى الحلقات للنظام السعودي

دا مش دليل على الخزي و ضعف المبادئ و قصر الرؤية و لا ايه؟
و لا هو الدليل عندك كوبي و بيست لعقول بشرية افتت من ألف سنة!!
يبقى انت مشكلتك بقى في فهم معنى كلمة دليل
و رد بقى يا ابو دليل:biggrin:
لكن طبعا كعادتك هتتجاهل الجزء دا و كأنه مش مكتوب
و أعتقد كدا أنا الي اسقط قناعك :762:

اقتباس الأخ المحترم يقول أن كلمة السلف الصالح فكر ونسى أن هناك أختلاف كبير بين الفكر والمنهج وهذا يعود إلى ضعفه العلمى فى أمور الدين

السلفيين منهج الكتاب و السنة النبوية الشريفة
طيب و الأزهر الشريف , برضو منهج الكتاب و السنة
طيب ايه الفرق بينهم ؟ هو الفكر يا علامة زمانك
و الا كان أهل السنة كلهم اصبحوا بعقل واحد
الاختلاف ناتج عن اختلاف الفكر , انت هتشوف النقاب فرض و غيرك هيشوفه مش فرض من آية و حديث آخر و هكذا
يبقى هنا الفكر هو الاختلاف مش المنهج
الفكر الناتج عن تفسيرك و تحليلك
أكيد انت عارف يا علامة ان بيكون دايما في تفسيرات كثيرة للآيات و تفسيرات كثيرة للأحاديث
هل دا معناها ان كل طرف له منهج مختلف عن التاني!!
الاتنين منهجهم الكتاب و السنة , بس الفرق هنا هو الفكر
لكن انت مصمم تظهر نفسك معصوم و انك شعب الله المختار فدي مشكلة في ضعف وعيك النقاشي و التحليلي و الفلسفي

((كابسه حلوة اهي و اتحداك ترد :762)

اقتباس فتوى رقم 1361 اللجنة الدائمة للفتاوى السلف هم أهل السنة والجماعة المتبعون لمحمد صلى الله عليه وسلم من الصحابة رضى الله عنهمومن سار على نهجهم إلى يوم القيامة ولما سئل صلى الله عن الفرقة الناجية قال هم من كان على مثل ما أنا عليه اليوم وأصحابى أذا لماذا تتجاهل هذه الفتوى أيها المدير العام أم الغشاوة نزلت على عينك فلم تراها

شوفناها و ردينا بس انت الي مافهمتش
أنا بتناقش عن جماعة بتطلق على نفسها سلفيين
و المقصد في الحديث هو السلوك و ليس المسمى
و للمره المليون سلوك الجماعات السلفية احيانا بيكون فيه نفاق و فتاوي باطلة و غيره , فزيها زي أي جماعة اخرى بتخطئ و بتصيب
الأزهري ماهو بيحاول يتبع السلف الصالح
المسلم العادي ماهو بيحاول يتبع السلف الصالح
هو لازم يسمي نفسه سلفي؟ و ذكرتلك مسمى سلفي المقصد منه هو الجماعات السلفية بتاعت الفضائيات , انت مش قادر بقى تفرق بين مقصد الحديث و مسمى الجماعة السلفية تبقى دي مشكلتك
الدين مش مجرد عبادة و صلى و صوم ,,طيب بالنسبة بمواقفك و فتاويك؟
يعني لو انت في التعبد 100% ,,بس في المبادئ السياسية و المواقف ضعيف ,,يبقى انت كدا السلف الصالح ازاي!!
الدين لا يجزأ يا أحي

اقتباس هنا نرى أن المدير المبجل يأخذ الأمر بصورة مريبة فهو الأن يخصص ويقنن المنهج فى أشخاص لهم ما لهم وعليهم ما عليهم عليك التفريق وأزاله الغشاوة من عينك لترى الأمور بشكل واضح وقد أوضحت له فى ردى عليه فى المشاركة رقم 31 ما نصه يقول

يا سلام عليك و على تحريفك
دا انت الي بدأت تحكم على الجماعات بحكم فردي و شخصي
بذكرك التالي
و شوف مشاركتي التالية
منتديات بنات مصر - عرض مشاركة واحدة - أنتم سلفيين رغم أنوفكم ؟
اعتقد بتقطع الشك باليقين بتعري اتهامك و بتوضح تناقضدك في حكمك على جماعة بسبب فرد و تبني جماعة أخرى
مافيش اي عدل

اقتباس لمدير العام هناك فرق جلى بين أخطاء أشخاص وأفراد وشيوخ من يتبعون منهج أهل السنة والجماعة وبين المنهج نفسه وهذا ما يجب عليك أن تقر به وإلا بقولك تنقض منهج أهل السنة والجماعة نفسه كما يفعل بعض السفهاء اللذين ينقضون الدين الإسلامى لأخطاء أفراده المنهج ثابت ولا يتأثر بأخطاء أفراده وأفعالهم فكم من المسلمين يشربون الخمر ويقتلون ويقترفون الزنا وكل ما حرم الله ومع ذلك لم يضروا الأسلام فى شىء ولهذا عليك يا مدير المنتدى أن أردت النقض عليك بنقض المنهج إى الأساس وليس بنقض أفراد وأشخاص ومع رد أخر للمدير العام المبجل حينما سألنى فى مشاركته رقم 28 أن كنت أخوانى رغم أنفى أخبرته أننى لا يمكن أن أتبع تلك الجماعة التى أسسها حسن بالبنا وأستنكرت ذلك الأمر نهائياً ولكنه عاد فى المشاركة رقم 33 ليخبرنى عن أخطاء أفراد وأشخاص بل الغريب فى المشاركة أنه وجه الأتهام للسلف ونسبهم للوهابيه

هل الدين عندك هو مجرد عبادة؟
الفكر الوهابي و مازالت الجماعات السلفية إلى الآن ينافقون الأنظمة القمعية
فين أخطاء الأفراد هنا!!
و ياريتها على نفاق
لكن تزوير في الدين كمان و تحويره لتحريم الخروج عن طاعة الحاكم و تحريم التظاهرات الي هي ابسط حق للإنسان و فرض الحكم على الشعب و غيره

يبقى معلش دول مش سلف صالح
أنا بتبع الكتاب و السنة و قدوتي السلف الصالح بس مش السلفيين و بعترض على السلفيين و افكارهم من اصحاب الفكر المتشدد و المتخاذل
عايز تسميني سلفي فانت حر لكن أنا مش بسمي نفسي سلفي كمنتسب للجماعات السلفية و فكرها و مواقفها
أنا بنسب نفسي كمسلم سني و هو مسمى عام افضل

اقتباس ما زال المدير المبجل يتحدث عن الأمر بصورة خاصة بين جماعتين فى مصر وهذا فكر ملتوى جداً فالموضوع لم يحوى إى نقطة تشير إلى التخصيص بل جميع نقاط الموضوع ومحاوره تتحدث عن منهج المسلم المعتدل أتباع أهل السنه والجماعة والسير على درب السلف الصالح وتوضيح المفهوم والأثبات بالدلائل من أقوال علماء الأمة وشيوخها عن معنى كلمه السلف او سلفى دون إى أنتماء لجماعة أو حزب وهذا ما كنت أكرره مرات ومرات ولكن لا أدرى فى الحقيقة مع إى العقول أتحدث

سؤال الأخ ضياء سألهولك
هو مصطلح سلفي دا ذكر امتى؟
هل المسلمين السابقين لم يتبعوا السلف الصالح لأنهم لم يطلق عليهم مصطلح سلفي!!
للمره المليون
المواقف الي بذكرها أخطاء لكبار مشايخ الجماعات السلفية بتعري فكرة انكم شعب الله المختار
و بتوضح ان الجماعات بمختلف تسمياتها بتخطئ و بتصيب و لا فرق بين عربي ولا أعجمي الا بالتقوى
و كثير من الجماعات مرجعياتها سنية و بتتفاوت فيما بينها في الفهم
دي نقطة انت مش قادر تستوعبها مع ان اختلاف الفتاوي بيوضح اختلاف الفهم و الفكر

اقتباس ولكنه يسجل أنه مع السلف الصالح إى مع أهل السنة والجماعة وهذا أعتراف كافى منه لغلق باب الجدال والمهاترات التى يضعها لنا من محاولة فاشلة ضعيفه من تشخيص الأمر وعدم النظر لشموله

طيب و حاول انت كمان تشيل الحجاب الي على راسك أو الشماغ لأنه بياثر على قدرات الانسان الفكرية و بيضيقها , ممكن تقدر تستوعب كلامي بعدها
و ممكن وقتها ماكنتش هتكتب انتم سلفيين رغم انوفكم و تنسبنا لجماعات لها افكار متشدده و فتاوي عجيبه أنا كمسلم أتبرا منها

و خلاصة القول
أنا مسلم مرجعيتي الكتاب و السنة
قدوتنا السلف الصالح ناخد منهم ما صلح
و لا انسب نفسي لفكر الجماعات السلفية أصحاب الفضائيات أو الجماعات المتتلمذة على ايدي الوهابية