[برنسس ملك]

قد الحب دا كله بحبك..
حلم حياتى ثوانى ف قربك..
بس الخوف من بكره تاعبنى..
خايفه تسيبنى..و اكون مش جنبك..

قد الحب دا كله بخاف..
علشان قلبك وسط الاف..
وكتير غيرى ..عرفت و شاف..
و اخترتنى.. تلاقينى بخاف..

كتر الخوف من بكره عذاب ..
خوف تبعد من غير اسباب..
مااستحملشى هواك لو غاب..
ح ابقى وحيده..
كل الناس بعدك اغراب..

وبخاف انام لو اقوم مالقش..
تجرى ساعات منى مااحبكش..
وانا لو ثانيه تفوت ماشوفكش..
يبقى اليوم دا ماجاش ماحصلش..
ضاع من عمرى..مايتعوضش..

انا من كتر هواك حسيت..
لولا غرامك مااحلويت..
لما بشوف روحى اتخضيت..
شفت جميله..شكلى نسيت..
من كتر جمالى اتمنيت..
تيجى الليله.. تشوفنى ياريت..

حبك بيحلى صورة وشى..
وبقا يخلينى احسد نفسى..
وبقيت اجمل.. كل مابكبر..
خايفه انى ف يوم مااعرف نفسى..

على قد الحب معاك بفرح..
مع كل دقيقه هواك يكبر..
وعيونى مابتشوفش الا انت..
وبشوف الناس كلها انت..
والله ماحبتش الا انت..
ومافيش ف الدنيا الا انا وانت..

على قد الحب بحبك..
ياحبيبى بعيش وانا جنبك..
اسقينى الحب..
على قد الحب
صباح10/11/2011
الى من احببت