اولا :
اشكرك على غيرتك الواضحه على لغتنا العربية
ثانيا :
و ارجو توسيع صدرك قليلا
انا معاك جدا فى اننا
لازم نحافظ على لغتنا
و نفتخر بالانتماء للغة اصيلة كاللغة العربية
و المفروض فعلا اننا نحاول تطوير
مستوانا مش بس علشان قراءة القرأن
لا ..
و كمان لان اللغة العربية عموما ثقافة عالية جدا
و بتشيَك اى حوار .. او موضوع مطروح
و لكن ..
سامحنى ..,
احنا مش داخلين المنتدى علشان
نظهر قدراتنا فى اللغة
او مدى عبقريتنا فى النحو و الصرف
و موهبتنا الفظيعة فى الانشاء
و رغم حبى الشديد للغة العربية
و اعتبارها من اذكى و اكثر اللغات بلاغة
و لكن معظم مواضيعى و ردودى بالعامية
انا ضد جدا وصفها "بالركيكة"
دى اللهجة اللى فى النهاية بتعبر عن مصريتك
ثالثا :
مش معنى كلامى انى بشجع الاخطاء الاملائية
بالعكس تماما ..
لكن الاخطاء اللى من النوع دا
بتكون نتيجة السرعة .. او ممكن قلة القراءة
و ندرة مقابلة الكلمة المكتوبة بالخطأ
رابعــا :
اسفة جدا على الاطالة
و لكن
جاذبية موضوعك لم تمكننى من التوقف نحو الاستطراد
ادام الله لك قلمك العطر
تحياتى ..,
|