[همسه الجوارح]

بااااااااك ونعود لحلقاتنا ليوميات الاسره المصريه المشهد الاول خارجى فى موقع العمل للاسطى فتحى يحاور نفسه الاسطى فتحى:ياربى انا اتخنقت من البيت والعيال دول والعمر بيجرى وعايش مع ست الله يسامحهم اهلى هما اللى اجبرونى عليها وانا خلاص نفسي اعيشلى يومين نعدى بيهم اللى باقى من العمر هى خطوة جريئه واللى يحصل يحصل انا البت ليلى بنت ابو رمضان البواب بنت انما ايه داخله دماغى على الاخر يابااااى لو توافق الدنيا هتزهزهلى وتضحكلى انا اقيس نبضها ان وافقت خير وبركه وان ماوفقتش اهو البنات كتير ونروح لغيرها ايوه انا لازم اخد خطوه فى الموضوع ده اخذ الاسطى فتحى القرار وعزم الامور وقرر انه ياخد خطوه اجابيه فى موضوع زواجه من امراه اخرى واتجه لمسكن الفتاه الاسطى حنفى:السلام عليكم يابو رمضان ابو رمضان البواب:وعليكم السلام ياحج منورنا عامل ايه وايه اخبارك؟ وفينك ماحدش بيشوفك؟ الاسطى حنفى:اهو فى الدنيا والله العيال مطلعين عينى ومنشفين رقى ومش عارف اخد معاهم حق ولا باطل ابو رمضان:ربنا يعينك ياحج عليهم ويخليهملك الاسطى فتحى:وانت عامل ايه وايه اخبار رمضان والبت ليلى وسعاد اختها ابو رمضان:والله البت طاع عينها مع حماتها وزعلانه من جوزها وعاوز يطلقها والواد محجوز فى المستشفى عيان الاسطى حنفى( فى سره يارب تتطلق ):ليه كل ده ..؟ حصل ايه بس يساتر يارب ابو رمضان:اهو خلاص مافيش نصيب واتفقنا نطلقها خلاص وخليه يروح لحاله والواد اتعور وهو ماشى وقع على حجر اتخبط فى راسه واهو ماشي الحال الاسطى فتحى يضع يده فى جيبه:خد يابو رمضان هات للواد فاكهه وان احتجت اى حاجه انا موجود وهقف معاك ومع ليلى لحد ماتخلصوا من المووضوع ده ابو رمضان:ربنا يخليك ياحج ويوقفلك ولاد الحلال الاسطى فتحى:بقولك يابو رمضان مافيش شقه فى البيت ده فاضيه اهو الواحد يوسع عن نفسه شويه بدل خنقه البيت ابو رمضان:انت تأمر ياحج والعماره كلها تحت امرك وفى شقه فاضيه طبعا الاسطى فتحى :طيب كويس انا هكلم صاحب العماره واللى فيه الخير ربنا يقدمه يدخل الاستاذ حسين فى الحديث صاحب العماره الاستاذ حسين:السلام عليكم ياجماعه اهلا ياحج قتحى فينك ياراجل من زمان الاسطى فتحى :وعليكم السلام ورحمه الله اهو مشاغل فى الدنيا ومين عارف يمكن نكون جيران فى الايام اللى جايه الاستاذ حسين:انت ياراجل صاحب بيت تعالى اتفضل معايا فوق نشرب الشاى سوى الاسطى فتحى : لاخليها يوم تانى انا كده كده كنت هجيلك بس دلوقتى اطلع انت وانا هتصل بيك الاستاذ حسين :ياراجل انت صاحب بيت تعالى بس وسلم على العيال ونشرب فنجان شاى الاسطى فتحى:لا انا ماشي دلوقتى الاستاذ حسين:طيب البيت بيت تشرفنا فى اى وقت الاسطى فتحى :هتصل بيك واجيلك يلا السلام عليكم الاستاذ حسين: وعليكم السلام يمشى الاسطى فتحى ويستدير الاستاذ حسين على ابو رمضان الاستاذ حسين:نازل رغى من الصبح عامل ايه الواد رمضان جبته من المستشفى ولا لا ابو رمضان:لسه والله ياستاذ هروح اجيبه النهارده الاستاذ حسين :طيب عاوز حاجه ابو رمضان :ربنا يخليك ياباشا الاستاذ حسين( يضع يده فى جيبه ويخرج نقود):خد دول وروح روق العربيه واركنها فى الجراج واغسلها كويس ابو رمضان:ربنا يخليك ياباشا حاضر ويمضى الاستاذ حسين للصعود لمنزله وهم ابو رمضان لعمله تتتتتتتتتتتتتيت فاصل وسنعود