هههههههههههههههههههههه
جامد الموضوع جدا
وانا شايفه ان مفيش اي حاجه تزعل
معظم الكلام صح
مش عارفه البنات زعلت ليه
ندخل ف الموضوع بقى
اول نقطتين صح فعلا
بس حكاية بتحضن الكتاب دي عادي مفيهاش مشكله
انا عن نفسي ساعات بشيل الكتب زي الولاد بطرف صوابعي
وعلى فكرة انا بحب البنات المتخشبة دي تحس انهم محترمين
ف النهاية فيه بنات محترمه وبنات مش
أما حكاية التف دي
فبيحصل انيل من كده بصراحه
انا شوفت اللي بيمسح ف الكم أو بيشتغل ع الأرض ....ومش هقدر اهقول بيمسح ايه اكيد انت عارف يعني
لسه موصلهمش اختراع المناديل
ولا تلاقي واحد معدته مقلوبه يروح اي ركن
ويطرش كل الذكريات اللي جواه ويقرفنا احنا واي حد معدي صدفه
وشافه معدته تتقلب هو كمان
وفيه حاجات تانية انيل من كده بصراحه مينفعش تتقال يعني
هقولك اخر موقف حصل لي من يومين
كنا خارجين انا واختي من يومين كده او ثلاته
وف نهايه الخروجه واحنا مروحين
كان فيه واحد ماشي ف الشارع اللي احنا ماشيين فيه
شكله كان شارب بيرة عمل حاجه ببقه الشارع كله سمع والراجل ماشي عادي ولا كأنه عمل حاجه
معظم الولاد كده تصرفاتهم غير حضاريه
اما حكاية يا قمر دي
بعد كل اللي انا قلته ده اكيد مش بقولها لاي ولد
بيتهيألي مبقاش فيه ولاد أمامير
الصنف انضرب ف السوق ههههههههههههه
اي خناقه يا بنات هههههه
just kidding
n!ce t0p!c
|