السلام عليكم ورحمه الله وبركاته
مساء الخير علي كل اعضاء المنتدي
طبعا كلنا عرفين البرنامج بتاعنا نسضيف عضو من من ابناء مصر في
الغربه وبنعمل معاه حوار عن حياته خارج مصر
الحلقه السابقه كانت عضو مميز جداا وهوه فارس الكلمه
النهارده معنا عضو عاد بعد غياب بسيط لمنتدي بنات مصر ورجعه بسلامه الحمد لله
معانا النهارده من السعوديه عضوه محترمه جدااا في اسلوبها وتعملها مع الاخرين
المتالقه في منتدي بنات مصر
{ بنوته بريئه}
عضو فعال
تعالو معنا نتعرف اكتر عن العضوه
ونشوف حياتها خارج مصر
الحوار كامل
الاسم
رنين علي
السن
كمان شويه وهتم 18
المؤهل الدراسي
ثالث ثانوي علمي
امتى اول مره خرجتي من مصر ؟
امم
وانا فتانيه ابتدائي
ماهو سبب تركك لمصر واتجاهك للخارج؟
والله انا اتولدت لقيت نفسي في السعوديه علشان بابا اتخرج
منها مهندس واشتغل فيها
ماالصعوبات التي واجهتيهافى اول شهور الغربه والدروس المستفاده منها؟
بص هوا انا اتعودت ع الغربه
بس اكيد بتيجي عليا اوقات ببقى عايزه اهج
بجد والله مش هزار
والدروس المستفاده اللي لقيتها بصراحه حاجه عظيمه جدا
وهيا اني بفضل الله ختمت القران وانا عندي 15 سنه
ودي حاجه مش متخيله ابدا
هل تشعرين دائما بأحساس الوحده في الغربه ؟ ولماذا ؟؟
اكيييييييد طبعا وخاصة في الاعياد والمناسبات اللي بتحتاج اهل
وناس جنبك
الواحد ساعتها بيبقى هيفرقع فنفسه بجد
ماهي اصعب الأشياء في الغربه من وجهة نظرك ؟
بصراحه وانا صغيره كنت بعاني اكتر من دلوقتي علشان مش
بلاقي صحاب فجنسيتي وكده
واصعب حاجه بواجهها حاليا هيا التفرقه بين الجنسيات
بس طبعا مش من كل الناس
هل انتي عايشه فتره طويله في الغربه؟
انا طول حياتي في الغربه مصر بروحلها اجازات بس
ماذا تفعلين في اوقات الاجازه؟
اممم
اجازات بسافر واجازات لاء
حسب الظروف
هل فكرتي تتركي بلاد الغربه وتستقري في مصر؟
وحتى لو فكرت دا من المستحيلات
لاسباب خاصه
سمعنا كتير عن تجاوزات بتحصل مع المتغرب ما هي بوجهة نظرك ؟
هيا بصراحه اكتر حاجه المعامله
صعب صعب جدا تلاقي اللي يحسسك بالوطنيه
رساله لكل شاب عاوز يسافر لبلد غير بلده توصلهاله وتوصف فيها الغربه ونصيحه ؟
امم
((بص يابني هوا اكيد سفرك هيربحك فلوس ووو الخ
بس صدقني هتكره نفسك وتندم ع اليوم اللي فكرت تتغرب فيه))
وكل واحد يعمل المناسب ليه
حياتك فى الغربه ماذا تطلق عليها رحله كفاح ؛ولا عذاب؟
ولا دي ولا دي
اعتبرها
سكوت الى حد الانفجار
احساسك ايه وانتي نازله لبلدك ؟
ياااااااااااه متفكرنيش
بحس بأحساس جميل قوي بجد ببقى نفسي افضل
فمصر ماطلعش منها ابدا
ايه الموقف اللى تمنيتي اهلك يكونو معاكي فيه ويشاركوكي فيه ؟
اممم ساعة حفلة خطوبتي
كان نفسي كل اخواتي يحضروها ويحسسوني بالامل
بس للأسف محصلش نصيب
بس كويس سبنا بعض واتفسخت الخطوبه
علشان اخواتي يحضرو الخطوبه الجديده:biggrin:
احكي لنا موقف حصل معاكي اثناء الغربه؟
امم
وانا صغيره قوي كانو البنات في المدرسه بيعايروني
علشان انا مصريه :762: تخيلو الغباء وصل لفين
بس دلوقتي اللي فسني مش بيفكروا التفكير المتخلف ده
رساله اعتذار من الخارج... الى من تهديها؟
بهديها لبابا ربنا يرحمة
واقوله حقك عليا ماعملتش اللي لازم اعمله علشان اشوفك في الجنه
بس متزعلش والله هحاول اقرب من ربنا دايما ومعملش السيئات علشان اقابلك
اصلك وحشتني قوي ونفسي اشوفك
رساله حب من خارج مصر.. الى من تهديها ؟
اهديها لماما اولا واقولها ربنا يخليكي ليا ومايحرمني منك ابدا
ولمصر ثانيا واقولها ربنا يحميكي من اعدائك واشوفك احسن من كدا
رساله شوق من خارج مصر ..الى من تهديها؟ اهديها لبابا اكيييد ولمصر اكيييييييييييييييييييييييييييدد
مواقف الثوره
ما رايك في ثوره 25 يناير؟
هقولك انا الثوره كانت جامده جدا وكان شباب مصر فعلا رجاله مش كلام
ونجاح الثوره دا امر تخيلي وغير متوقع ابدا
هل كنتي بتتمني ان تكوني في مصر وقت الثوره وتشارك مع شباب الثوره؟
اقسم بالله ساعتها قناة الاخبار مكانتش بتفارق عنيا
كنت اتمنى اكون جنب البنات اللي اتهانت واتفضح عرضها
وجنب الاهالي اللي فقدت ابناءها واواسيها من كل قلبي
انتي شايفه مصر ازاي بعد الثوره؟
لالالا
انا مش شايفه مصر خالــــــص حاليا
شايفه اسرائيل مش شايفه مصر
هل الثوره نجحت من وجهت نظرك؟
المفروض انها نجحت بتفوق بس البلطجيه
والجيش خلوها تنجح بمقبول !!!!!
ايه الحجات اللي تتمني انها تتغيرفي مصر بعد الثوره؟
حاجات كتير قوي من اهمها ايجاد فرص عمل للشباب العاطل برواتب مناسبه
وايجاد ملجأ لاطفال الشوارع
ايه رايك في الاعتصام في ميدان التحرير في الوقت الحالي؟
بص انا معاهم ومش معاهم
معاهم علشان هما مايتلاموش على اي حاجه يعملوها بعد اللي شافوه من المخلوع
ومش معاهم علشان محتاج مننا صبر شويا لحد ماربنا يجيب التسهيل من عندو
هل انتي راضيه علي اللي بيحصل في مصر؟
ومين في الدنيا يرضيه اللي بيحصل ده ؟؟؟
تقولي ايه لشباب مصر ؟
اقولهم اصبرو ياحبايب قلبي شويه ربنا خلقنا مش هيضيعنا
كفايه اللي راحو مننا احنا محتاجينلكو
فتره المنتدي
كيف عرفتي منتدي بنات مصر؟
امم
بص جت عليا فتره لما كنت فثالث اعدادي زهقت من كتر مابتكلم مع السعوديين:biggrin:
ففكرت فحكاية اني اسجل في منتدى مصري وارغي براحتييي:762:
والله بجد
وللمعلوميه دا اول منتدى اشارك فيه ولحد دلوقتي مش شاركت فأي منتدى تاني
هل المنتدي بيضيع منك وقت فراغك؟
بص
لما ببقى فاضيه وزهقانه بروحله علطول
بلاقي الوقت يروح وانا مش حاسه بيه
لكن وقت الاختبارات اكيد مش بقعد عليه كتير
ايه رايك في الانتخابات الاداريه ؟
هيا بصراحه فكره هايله جداااااااا جداااا
وبجد بجد عبقري اللي اخترعها
لان من ابرز فوايدها بتشجع الاعضاء وتحمسهم للرقي بأنفسهم وللمنتدى للأفضل
مين من وجهه نظرك يقدر يفيد المنتدي من المرشحين؟
بص مش هحكم في الحكايه دي بجد لان كـــــل
المشتركين ليهم بصمه جامده ومجهود عالي
كللهم تعبو ولسا بيتعبو وانتا واحد منهم
بس انا دلوقتي المناظره لخبطتلي دماغي
حسيت ان كلهم فيهم مميزات حلوه قوي
وجار البحث
هل قدرتي تختاري العضو المناسب من خلال المناظره؟
لا بصراحه
طبعا متركس كان الاداريه المنتخب في الفتره السابقه شايفه انو عمل حاجات تفيد المنتدي ؟
للأسف مقدرش افتيك فماتركس لان وقت اداريته انا مكنتش بتواجد بشكل نهائي
ايه الحاجه اللي نفسك تعمليها في المنتدي؟
اممممم
ان يبقى فيه قسم للأعضاء غير قسم الهوايات
يبقى قسم اسمو ارب ايدول
بأصوات الاعضاء واللي يشرف ع القسم ده طارق بنفسه
واحلى الاصوات يتم تكريمهم وهكذا دايما مايتقطعش البرنامج ده
ولو اتعمل اعتبروني اول المشتركين
عيوب ومتميزات بنات مصر كلمينا عنها بصراحه؟
بص لو اتكلمت عن المميزات مش هخلص للسنه الجايه
لكن لو اتكلمنا عن العيوب فأنها بتقتصر على الطاقم الاداري
لانو لازم يحسسو الاعضاء بالاهتمام من خلال الردود والتشجيع
مش بس مسابقات ومواضيع
هوا اكيد مجهود عالي جدا اللي بيعملوه ولما بيختفو بتلاقيهم بيظهرو بحاجه مختلفه وعصريه تماما
بس دا مايمنعش انهم يردو ع الاعضاء ويكلموهم بأسلوب عادي
مش عايزين نحسس الاعضاء ان في حد احسن من التاني
كلمه لكل المرشحين في الانتخابات
اممم
شدو حيلكو شويا وتعبكو اكيد عند ربنا مش هيضيع
واتمنى ماتدايقوش خالص لو مش فزتو
دا قضاء وقدر
وفي النهايه عايزين رأيك في الحلقه ..
حلقه جامده موت وانا استمتعت جدا عيشتني روح مصر
وحسستني ان لسا في امل في الدنيا دي:042802_3059_2407_pr
الحبيب