ابتدي باغنية باحبها جدا لنجاة ووكلماتها غريبة على الشاعر اللي اتعودنا نسمع منه كلمات صعيدية ومصطلحات ابنودية جدا ....... نلاقيه في الاغنية دي غرقان رومانسية وبكلمات تنبض رقة يغني بصوت نجاة وموسيقى المبدع كمال الطويل........
حمد الله ع السلامة
كتبها عبد الرحمن الابنودي ولحنها كمال الطويل في فيلم جفت الدموع اللي اخرجه حلمي رفة سنة 1975.....
حمدالله ع السلامة
يابو اجمل ابتسامة
ياما دقيت في بعدك
على باب الصبر ياما
ياما استنيت وحيدة
وانت في بلاد بعيد
ما توصلهاش ملامة
قرب قرب قرب
قرب عليي قرب
يا قلبي يا متغرب
واطير حواليك واحوم
واطيّر الهموم
عطش السنين بحاله
ترويه انت في يوم
جانا القمر الليلة
وسهرنا عشانه ياما
حمدالله ع السلامة
بلاش البعد تاني تاني
بلاش البعد تاني
تغيب عن عيني تاني
بلاش تغيب عن عيني تاني
كانك طير مهاجر
مهاجر بعيد
بعيد ونسيت مكاني
لما الزمان جمعنا
اصبح للدنيا معنى
واذا تفرقنا يدبل
في الدنيا كل معنى
ورد الاشواق صحي
يا روحي فتحي
وانت يا طيور عالية
بجناحك لوّحي
قرب قرب قرب
قرب عليي قرب
يا قلبي يا متغرب
واطير حواليك واحوم
واطيّر الهموم
عطش السنين بحاله
ترويه انت في يوم
جانا القمر الليلة
وسهرنا عشانه ياما
حمدالله عالسلامة
|