[تصدق نسيت]

عارفه يعني إيه إحنا صحاب ؟



يعني تطلع فرمان إنه لو عايز انكد

انكد معاكى انتِى بس

علشان صورتي تفضل حلوة قدام الناس



♥

عارفه يعني إيه إحنا أصحاب ؟



يعني تحطى لىّ كلمة توجع في وسط كلامك معايا

علشان تفوقني عن حاجة غلط انا بعملها





♥

عارفه يعني إيه إحنا أصحاب ؟



يعني لما اقولك انا نجحت و جبت جيد جدًا

تردى علىّ : بس في عيني أنا إمتياز





♥

عارفه يعني اية إحنا أصحاب ؟



يعني لما الاحداث تخلي مخي يشل عن التفكير

اجيبك تفكرى لىّ بصوت عالي



♥

عارفه يعني إيه إحنا صحاب ؟



يعني تقولىّ إنك نفسك تخلفى ولد


علشان تسميه على اسمي





♥

عارفه يعني إيه إحنا أصحاب ؟


يعني مهما تلف الدنيا بينا و نبعد عن بعض

أول ما يبقى في مشكلة ،

أنا أول حد يترفع عليه سماعة التليفون





♥

عارفه يعني إيه إحنا صحاب ؟



يعني تشكرى فىّ قدام حد من اهلى

و انا اعرف بعد كدا صدفة





♥

عارفه يعني إيه إحنا أصحاب ؟



يعني لما اغلط و آجي اتأسف لكى

تقولىّ : اسفك مرفوض ،

لاني بحبك لدرجة تخليك ماينفعش تتأسف





♥

عارفه يعني إيه إحنا أصحاب ؟



أول ما أقولك ألو على التليفون

ألاقي فصل كامل من الاطفال بيقول

We love mohamed





♥

عارف يعني إيه إحنا أصحاب ؟



يعني لما اتعصب عليكى

تلتمسى لي ميت عذر

و تعتذرى لنفسك نيابة عني



♥

عارفه يعني إيه إحنا صحاب ؟



يعني تبطلى تعملى الموبايل سايلنت و انتي نايمه

علشان انا ممكن اكلمك أخد رأيك في حاجة هبلة



♥

عارفه يعني إيه إحنا أصحاب ؟



يعني مهما حاولت أخبي عليكى مصيبة انا عاملها

اول ما يجي وشي في وشك ..

أقر بكل حاجة



♥

عارفه يعني إيه إحنا أصحاب ؟



يعني تبقى في عيني :

احلى حاجة ممكن تحصل في حياة أي بني آدم



♥

عارفه يعني إيه إحنا أصحاب ؟



يعني استمتع بإني انكش فيكى على الفون

لحد ما تهدديني انك هتقفلى السكة في وشي



♥



عارفه يعني إيه إحنا أصحاب ؟



يعني بحبك لدرجة :

إنه و إحنا متخانقين أفضل احلم بيكِى



•