[الشاعر المصرى]

يا عيون عطشانه للدموع يا عيون دبلانه بتستعد للوقوع بنادى وأنا فاكر ان صوتى مسموع اتارى صوتى صبح مقطوع صوتى جوايا بيحاول الطلوع لاكنه لسه شايف الظلم له جزوع بيحاول يخفى كل صوت مرفوع شايفك يا شهيد المخلوع وأنت رافض الخضوع وأنت رافض الركوع وأنت رافض الرجوع شايفك والرصاص ساكن الضلوع رافض تكون بطل مصنوع فداكى يا مصر يا منبع النبوع بقولها من دلوقت أحنا ليكى دروع ونازلين ايوه نازلين لاكن ممنوع نسمح بالخراب من اى نوع أحنا نازلين فى ايدينا شموع مش مليتوف بالسم موضوع رافعين حلمك يا شهيد وحلمنا أعدام المخلوع وكل فاسد كان هدفه نجوع وده أظن طلب مشروع